إيجنّك أوقات تطيع للي دونك...... والرجلة بعد رفقة اسنين اتخـونــك

منور منور
مادامك شاعر والله مانقدر نقول معاك كلمة
ربي يسلمك

سفيرة النوايا الحسنة كتب:
منور منور
مادامك شاعر والله مانقدر نقول معاك كلمة
ربي يسلمك

لا وين شاعر الكلمه هذي كبيره علينا

معاك كلام ... العقل حار في ملقاك
معاك كلام ... و لا جرذ يقرب يلاك
معاك كلام ... متاريس في الهم معاك

مازلت نا هو نا .. لا نروم عيب ولاندير خطا
ومازلت داير عموره هو محرابي .. وندعي اله في كل وان صلا
ومازال يلمع من بعيد ركابي .. من يومن اركوب الخيل بامزابا
ما يهمني كان الجواد كبابي .. واجدين غير يلهدوالا بعصا
مازلت نا هو نا .. على ماطرالي في الحياه وجرا .. نظيف معدني
مازلت كي ما كنت .. ان صاوبت صوب امصاوبتني صنت
ولا من امنّي حياتي خنت .. مبداي صدق قول وفي لوعود اوفا
مازلت انا هو انا
مازال في دوامه .. مدورد عليه جذار عقلي ضاما
يمشي مع ايهن عدو دروب امامه .. يخاير وحاير ما قرار خذا
ايخاف اللصيف يغر به يتعامى .. عليه عالضما لوّلي يزيد ضما
اختامه اوقات يصلح غلطته بندامه .. بلا مشربه خلف السراب جرا
ويطالب نهار ليل باستسلامه .. الياس قاله سلم وهو مابا
حتى والسلام اوقات فيه سلامه .. وناظر لغيري ما جرا وطرا
رفضت الخضوع وسلطته واحكامه .. وله ما ركعت ولا طلبت جدا
نعيش صقر يوم ولا اسنين حمامه .. ولا لي على عير الكريم اعبا
مازلت نا هو نا
مازلت في تياري .. نواري نويت وما قدرت انواري
اصروع الجواد اطلقت في مشواري .. وين م الجضر والغيض بي مشا
ومن قبل ناصب ع الغوالي طاري .. بكيت ما قضيت الياسهم ببكا
يا حاج فرقت نا .. في بوغثيث تقول غيم اشتا .. رجاي منقطع
مازال نا هو نا
مازلت ماسك حدي .. على ما تركني فيه بوي وجدي
لا ننجرف في دفع سيل امعدي .. ولا يزحزحن ساسي ارياح اقوا
ولا يوم يبهت معدني ويصدي .. معا صهدصيف ولا جمود اشتا
ولا يغيره طل الربيع ايندي .. خوغ م الندى يردي عليه صدا
وغالي علي الحق حتى ضدي .. نقوله وما نطلب عليه جزا
مازلت نا هو نا

ياهو مثلث برموده وينه شكلي نبي نقعد عنادات انا وروحي
وين بنت الرصيفه و السفيرة و وليبيه حرة بقائدها

معاك كلام ***ولا جرد يقرب يلاك

منور عليها بالهلبة هادي

*************
مازلت نا هو نا ***علي ماطارالي في الحياة وجرا


رفضت الخنوع وسلطته واحكامه***وله ما ركعت ولا طلبت جدا

مازلت ماسك حدي***علي ماتركني بوي وجدي

وغالي علي الحق حتي ضدي***نقوله ومانطلب عليه جزا


مازلت نا هو نا

مشاء الله تسلم علي هالابيات يا شاعر زنقتنا


اسفين ع التاخير يا جندينا بس النت ضعيف هلبة اليوم

لا مادام النت ضعيف عذرتك و سامحتك بس معش اتعاوديها اخر مره المره الجايه تطلعي اتصبي استعداد في الصفحه الرئيسيه ههههههههههههههههه جو مدارس

unkown soldier كتب:ياهو مثلث برموده وينه شكلي نبي نقعد عنادات انا وروحي
وين بنت الرصيفه و السفيرة و وليبيه حرة بقائدها

خيرك ادور فيا ههههههههههههههههه

بنت الرصيفه كتب:

unkown soldier كتب:ياهو مثلث برموده وينه شكلي نبي نقعد عنادات انا وروحي
وين بنت الرصيفه و السفيرة و وليبيه حرة بقائدها

خيرك ادور فيا ههههههههههههههههه

خشيت لقيتها مكسده قعدت اندور في واحد انابشه ما لقيتش حد

unkown soldier كتب:

بنت الرصيفه كتب:

unkown soldier كتب:ياهو مثلث برموده وينه شكلي نبي نقعد عنادات انا وروحي
وين بنت الرصيفه و السفيرة و وليبيه حرة بقائدها

خيرك ادور فيا ههههههههههههههههه

خشيت لقيتها مكسده قعدت اندور في واحد انابشه ما لقيتش حد

هاني جيت ههههههههههههههه نابش هي ونهارك اللي ادور فيه

بلاك الصفحة ما تنفعش يا بنت الرصيفة انتى وسفيرة النوايا الحسنه وبنت طرابلس وفرح وقذافية بنت اجواد وليبيا تحدى ... والحق انكم احسن ما في الزنقة من ابنيات باهيات هههههههههههههههههههههههههههه ربي ايسلمكن ونجيكم ههههههههههههههههههههههههههههههه

unkown soldier كتب:لا مادام النت ضعيف عذرتك و سامحتك بس معش اتعاوديها اخر مره المره الجايه تطلعي اتصبي استعداد في الصفحه الرئيسيه ههههههههههههههههه جو مدارس

شني قصدك عقاب هو الموضوع
فكنا من الجو ومشيها هالمرة

سفيرة النوايا الحسنة كتب:

unkown soldier كتب:لا مادام النت ضعيف عذرتك و سامحتك بس معش اتعاوديها اخر مره المره الجايه تطلعي اتصبي استعداد في الصفحه الرئيسيه ههههههههههههههههه جو مدارس

شني قصدك عقاب هو الموضوع
فكنا من الجو ومشيها هالمرة

لنا كنت نبي انمشيها لكي بس بعد قعدتي اتعاندي فيا امشي انزلي بروك في الاخبار العاجله

حي عليك يا مغاوير برا الحق عمرك وعدل ردك
واكتب فيه **ليبية حرة بقائدها كان** تبي يومك يفوت علي خير

بسرعة سلم وخي

سفيرة النوايا الحسنة كتب:حي عليك يا مغاوير برا الحق عمرك وعدل ردك
واكتب فيه **ليبية حرة بقائدها كان** تبي يومك يفوت علي خير

بسرعة سلم وخي

هههههههههههههههههههههه والله صدقتي بسرعه قبل ما اتجي و ما تلقش اسمها و تقعد طبيخه في مرمى التحدي

حي عليا حي

بروك وفي الاخبار العاجلة
لالا فكني
حتي الوقوف في الصفحة الرئيسية يشكرو فيه

سفيرة النوايا الحسنة كتب:حي عليا حي

بروك وفي الاخبار العاجلة
لالا فكني
حتي الوقوف في الصفحة الرئيسية يشكرو فيه

ههههههههههههههههههههه باهي يا ستي خلاص حتى انت بنت زنقتنا و الله ما اتهوني عليا

اصبر وخلك ع الشجاعة دايس***حتي انكان ما عمره هفا كانونك