مفهوم ليبيا الحره لمن لايعرف ماهى ليبيا الحره على كيف كيفك

brokenpen82 كتب:خلوني في العبودية أرحم.

روح العرُوبه كتب:أشكرك أختي فرح على هذا المقال اللذي لخص معنى "ليبيا الحره" , فهذا حال ليبيا في ظل وجود هؤلاء الشراذم أصبح كل شي مباح فقد تم تجرديها وتعريتها من كل شي , وكل من هب وذب أعاث فيها فسقآ وفسادآ , أبدعتي في كلماتك فتحيه لكِ ..

فرح كتب:ليبيا الحره هى التى لاجيش ولاشرطه ولاامن محلى ولالجان ثوريه ولامؤتمرات شعبيه .....اى حره على كيفك وخوذ راحتك
ليبيا الحره يعنى انت حر تسرق على راحتك وحشش واخمر وتعاطى كل انواع المخدرات ...جميل انت حر فيه احسن من الحريه
ليبيا الحره يعنى انت تعمل فى سفاره او فى اى جهه مهمه ,اطرد من تريد وشغل من تريد من ابناء عمومتك وانساباتك كيف ياا ,انت واصل وليبيا حره ماحد ايكلمك ياسلام ..
ليبيا الحره يعنى لو انت مسؤل فى قسم معين حط قرار تعيين لهذا وافصل ذاك وتحرش بمن تريد من الموظفات وقلل ادبك على الموظفين مهما كانت اعمارهم ,ماانت واصل وهذه ليبيا الحره
ليبيا الحره يعنى لو عندك فلوس ملاين وارثهن عن بوك طبعا مش مسروقات فكونا عاد شن جاب سيره السرقه افتح قناه تلفزيونيه وجيب كلاب تنبح صباحا مساء تكذب وتتبلى وتخلط الحقائق ماتخافوش مافيش من يحاسب ليبيا حره
ليبيا الحره , يعنى لو انت بدون عمل ومكسد وما عندك قيمه فى المجتمع وماحد يرد عليك السلام ماتزعلش سجل فى الكتائب الخاصه ببوشنه وخوذ سلاح وتعال فى الشارع وخوف الناس وخوذ حقك وافرض نفسك خلاص ليبيا حره
ليبيا الحره يعنى لو انت كلب ضال صايع فى شوارع اوروبا او امريكيا وماعندك حتى شهاده ,تعال الى ليبيا الحره وارفع خشمك انت عندك جنسيه امريكيه صقع عليهم وتوا يعطوك وزاره ويصفقولك ..كيف عاد ليبيا حره
ليبيا الحره يعنى قواعد عسكريه امريكيه وفرنسيه وبريطانيه واسرائيليه خلاص تحررنا من عقولنا وجبنا الاستعمار ومن كثر الحريه حتى الابار النفطيه والشركات الخاصه بالبترول والغاز معش نشوفو فيها حتى على القنوات التلفزيونيه ومن اللى يشتغل فيها ,حتى عمالنا ومهندسينا اصبحوا احرار معش يشتغلو فى الشركات النفطيه ووجع الراس خليناهم فى بيوتهم مرتاحين واحرار معش فيه جو الروتين اه شفتو الجو ليبيا الحره

ليبيا الحره يعنى عندك بزنس ومش ماشى مش مشكله انت فى ليبيا الحره ,بيع خمر وحشيش وحبوب وشوف كيف تقعد تلعب بالفلوس لعب معش فيه مشكله هذه ليبيا الحره
وكان هكى تقدر اتجيب سيارات منتهيات الصلاحيه من الخارج وبيعهن للمواطنين وماتخافش ليبيا الحره تقدر ادخل اى موديل سياره للبلاد اهم شىء يكون عندك حد فى الميناء وامورك ماشيه ...مش ليبيا الحره هذه عاد

اصبحنا احرار ومن كثر الحريه تخطف اللى تعجبك من الشارع مافيش حد يحاسبك بالذات لو فيه عندك سلاح تقدر كل يوم تخطف بنت من الجامعه والا من السوق والا حتى من حوشهم وامام اهلها فيه حريه اكثر من هكى

خلاص انت حر تتزوج حتى عشره ماسمعتش شن قال مصطفى الذليل معش فيه تقيد , خرب بيت وافتح بيت مش مشكله انت حر ....والالفين جايات فى الطريق ماتخافش

واخيرا اقول لكم يامن ناديتم بليبيا الحره هذا ما كنتم تنادون به وتريدون الوصول اليه ... ان دوام الحال من المحال ياثوار الباطل