وزير مالية حكومة الجرذان ينذر ويستغيث

في مقابلة مطولة مع قناة(الخباشة) أوجزه لكم في النقاط الآتية:1-المجالس المحلية والعسكرية تزور قوائم الجرذان لصرف اكبر قدر من الاموال تحت بند المكافآت اللي عنده 100 يدير قائمة ب 1000 ولما ناقشناهم سحبوا علينا السلاح واجبرونا على توقيع الشيكات **** 2-المليشيات المسلحة(التسمية لسعادة الجرذ) مسيطرة على جميع المعابر والى اليوم وغدوة وترفض تسليمها لانهم عن طريقها يهربوا في الاموال والسلع التموينية والمحروقات والذهب مصنع وسبائك والاسلحة والذخائر وكل ما يجيب فلوس 3-اليوم فاتو 6شهور على(تدمير) طرابلس ولم نحرك ساكن في اعدة اعمار مادمره الناتو ثم استدرك(وكتائب الطاغية) ==لان هالكلمة عندهم بدل كلمة التوحيد عندنا المسلمين اللى مايقولهاش يغضب عليه بوشنه وياغنته غنه ==لأن الشركات رافضة ترجع في ظل الانفلات الامني =4- الميزانية القادمة سوف لن تصرف حسب اوجه الصرف في قانون الميزانية لوجود مخاطر الفوضى والمليشيا ت=5- اطلب من ديوان المحاسبة ومكتب المدعي العام التحقيق في الجرائم الكبرى في الاستيلاء على المال العام والتعدي على اجهزة الدولة من قبل المجالس العسكرية والمحلية وفي كل المدن== وبحبحوا ياللي لبستوا المطط وقلتوا ليبياحرة اهو وزير ماليتكم قاللكم وبالفم المليان ان تسونامي مدمر سيعصف بليبيا من وراء سرقة وتهريب اموال ومقدرات ليبيا وتسونامي لايبقي ولايذر

حسبنا الله ونعم الوكيل

دمروا الدولة وسرقوها وفرغوها من الشرفاء

بارك الله فيك ياخوى على الملخص . المال السايب يعلم السرقة وهما مش لقوه سايب بس يفلت فلت والكل يغرف ويلم فرصة , على قولة خوتنا المصاروة مولد وصاحبه غايب

اشكركم اخوتي وأخواتي على المرور ولكن أختلف بمن ينادي باحترام من وضع يده في يد من دمر البلاد وأباد العباد (الناتو والجرذان) وينعت رمزنا وقائدنا وأبانا بالطاغية وينعتنا باطابور الخامس بالنسبة لي (لوكان يجيب الكعبة فيده) لن ينال إحترامي ولاأدعو غيري بعدم إحترامه فلكل مساحته الوطنية ولكل قدر من ألإيمان بالقضية ولندع للتاريخ واحادثه يصدر احكامها اينا على صواب

يارب عجل بنصرنا يارب

بالنسبة لي (لوكان يجيب الكعبة فيده) لن ينال إحترامي ولاأدعو غيري بعدم إحترامه فلكل مساحته الوطنية ولكل قدر من ألإيمان بالقضية ولندع للتاريخ واحادثه يصدر احكامها اينا على صواب

استنوا الشركات تو ترجعلكم وتعمرلكم ليبيا

حسبنا الله ونعم الوكيل في كل من تآمر على القائد وعلى ليبيا ووصلها للهمواصيل ومش قلتوا وتعيطوا وينها البنية التحتية وتوا اعترفتوا بأن الناتو دمر ليبيا مش أنتم اللي جبتوه الناتو ولا تحسابوه بيمسح عليها بالريشة وهما ما خلوا بلي من بلاهم ما صبوه علينا بفضلكم يا متعلمين يا واعيين يا متحضرين يا مثقفين ياللي قاريين في أمريكا وبريطانيا وغيرها من دول الغرب الكفار الفجار بلدان القانون والنظام على قولتكم واللي ما يرضوا حاجة في بلادهم ويا ريت تعلمتوا منهم هالغيرية على بلاداتهم واستفتدوا منهم لكن أنتم بعتوا ليبيا ودمرتوها بجهلكم وتخلفكم وهمجيتكم وأنانيتكم ولا عاد تحلموا لا بشركات ولا بي إعمار واللي يبي ايعمر ليبيا ما يخربها واللي يبي مصلحة ليبيا صح وواجعاته ما يخلي الذبانة السودة تخطم عليها والا تمس شعرة من ترابها بالله ولووا وارجعوا وين ما كنتوا خير وخلوا ليبيا لناسها اللي تبيها صح وماتت من أجل ما يخش فيها ولا يعفسها شكل من شكلاتكم لإنكم نجاسة وشياطين الإنس

ومصمصوا فمكم بالزهر قبل ما تتكلموا على الجيش الليبي امالا الجرذان ما دمروا شئ ملائكة واحني ظالمينهم شوف سرت وبني وليد كيف خلوها الجرذان والناتو امتاعهم وحتى طرابلس امالا عاجباتك بعد الجرذان يا جرذ ياسركم من الكذب علينا وعلى القائد وعلى الجيش الليبي أنتم مش قادرين تحموا حتى الحدود ولا تحموا فلوس الشعب وتبي اتعمر ليبيا عمرت بكري بالشكالات اللي زيكم وصار منها

حسبي الله ونعم الوكيل فيكم بس

تسونامي إن شاء الله يخبط مصارينهم أولاد الحرام هادوم... قالك خناب يشكي من خناب لجردان خنابين ويطلب من حكومة مخانب يديروا حل.....شكله ماحصلش تفتوفة هكي علاش طالع مداير روحه قلبه عالبلاد... حسبنا الله ونعم الوكيل....لعنة الله عليهم دنيا وآخرة