" ألـم يستفيق الليبيين بعد ,, ! "

نوعدكم يا أحـرار إن المنشور مهم جداً و يوضح ما صاير ف ليبيا ،، ننصحكم بالقراءة و النشر لتعم الفائدة ..

في كل يوم يزداد الوضع تأزم و تتزايد المختنقات والنكبات أمام شعبنا الليبي
لن اشرح الواقع المعاش اليوم لأني سئمت من تكرار الإشكاليات والمتاعب التي
تواجه الليبيين من ضياع الأمن إلى ضياع الأرواح مروراً بضياع كل احتياجات
المواطنين ..

( و اسمحوا لي ان أتحدث معكم باللهجة العامية اليوم أي باليبي )

يا خوتنا وأصحابنا وأهلنا في الوطن المنهوب المسروق، حكامكم اليوم هم حفنة
سراق وخونة وعملاء جابتهم المخابرات الأجنبية على متن طائراتهم ودباباتهم
للتسلط عليكم ونهب رزقكم وقتل أولادكم والعودة بعد ذلك من حيث أتوا ..

* فاطمة الحمروش خنبت فلوس الصحة وهربت وقالت حاشاكم كلبي ما نسمحلاش بالعيش في ليبيا وكلكم سمعتها
* شمام يتكلم عن الحرية والأمان في ليبيا وهو في قطر ليبيا يعرفها من خلال قناته الإعلامية بس
* جبريل يجئ لليبيا زائر وهو مقيم في السماء على متن الطائرات يتنقل من و
إلى وشغله الشاغل التملق ومحاولة جدب الأنظار ليه من خلال سب الآخرين لكي
يجد نفسه الفارس المنقذ لليبيا
* عبد الجليل يخاطب في الليبين كل مرة من بلاد ما عدا ليبيا،
* الكيب خدي الخمسة مليار وهرب والناس نساته ونست خنبته
* بوشاقور ماحطوشي رئيس حكومة خلاها البلاد ورحل
* شلقم لم يدخل ليبيا إلى الآن
* التريكي والشامخ وسليمان محمود وجلود وكوسا عقيل وغيرهم كثر ينطبق عليهم ما ينطبق على شلقم
* دوغة يوم في ليبيا وسته في مصر ويقول ليبيا أمورها كويسة والقائمة تطووووووول من على شاكلتهم ..

حكام ليبيا اليوم كلهم يعيشون حياة العزوبية مش لانهم عزاب ولكن لان
عائلاتهم تعيش خارج ليبيا ويدرسوا على حساب الدولة برا وانتم تعانوا في
المشاكل في ليبيا ..

* آخرها حسن الامين جابها على البلاط واستقال امس و رجع لوطنه الاصلي ..

يا أهلنا وخوتنا خلوكم تتقاتلوا في بعضكم وهربوا كلهم بعد ما نفظوا البلاد
من كل أموالها وثرواتها ومازال مش حي وقفوا لن تصبح ليبيا صومال جديدة
وتغرق في الدماء، لأنهم حاقدين عاشوا برا وهم يحملوا الحقد بداخلهم على كل
الليبيين واليوم هما يصفوا في حسابهم ويأخذوا في ثأرهم منكم ..

فيقوا الله يرحم ولديكم البلاد بضيع أكثر من الضياع اللي هي فيه توا ..
اعتدت في كتاباتي سلك النهج الرسمي في الحوار لكن هذه المرة اخاطبكم بما
اعتدنا التخاطب به في مجتمعنا الليبي عسى ان تكون الرسالة أكثر وضوح بهذه
الطريقة .منقول من حرايرنا.

قاعدين على عماهم وعاجبهم الوضع المزري اللي عايشين فيه حسبنا الله ونعم الوكيل فيهم

صدق صاحب هذا المقال فيقوا ياليبيين يافيبراريين تعبتونا راهو البلاد ضاعت وانتوا تجروا وراء سراب يبنجوا فيكم ببعض الفتافيت التى لاتسمن ولاتغنى من جوع والهبرات االكبار ليهم
فيقوا البلاد خشت فى تسونامى الله اعلم وين نهايته لازم تتكاتف الجهود يد وحدة باش نوقفا ضد هذا التسونامى .
لااله الا انت سبحانك انى كنت من الظالمين
سلمت اخى االعربى حفظك الله اخى وامدك بالصحة والعافية

الله المستعان

هؤلاء يريدون زلازلا وبراكين وعواصف مجتمعة ربما يستفيقون منها