هلوسات ليبي 2014

هلوسات ليبي.. الخميس 2014.02.20 بالرغم من الاحتفالات والاعلام والكلاكسات !! من يومين فقط !! وبالرغم من انهم ولعولنا جميع سياراتهم حتى الرابش منها !! وعلقوا عليها الاعلام ذات الالوان الثلاثية !!! وبالرغم من التركيز في تصويرهم للاحتفالات على الوسط وعدم تصوير اللقطة كاملة !! للإيحاء بانهم جموع غفيرة !! وبالرغم من الصخب المصاحب لهذه الاحتفالات من مفرقعات ومدرعات وعاهرات !!! إلا ان انتخاباتهم اليوم كانت استفتاءً حقيقياً يبين العدد الفعلي لمناصري الشهر الثاني !!! ولم تستطع الحناجر والكاميرات مغالطة الارقام والاحصائيات !!! وحتى في أوساط مناصريهم كانت علامات الاستياء والشعور بانهم قد ضُحك عليهم !! وانهم أسقط في يدهم بحيث يصحون يومياً ليروا مدى ما أوصلنا له تخطيط الغرب وغبائهم !! حيث تحولت ليبيا من دولة بلا مؤسسات كما يحلو لهم وصفها الى دولة بلا قرار وطني واصبح مصيرنا يتقرر على أهواء الرياض وابوظبي وباريس من جهة وبين الدوحة وإسطنبول ونيويورك من جهة اخرى !! يا سادة.......... لقد أضعنا بلادنا بغبائكم وجبننا !! فرطنا في اعز ما يمكن ان نترك لأولادنا .. لقد فرطنا في الكرامة والسيادة الوطنية !! يوم ان وجهت فوهات بنادقنا الى رؤوسنا !!! واتبعنا خريطة خنازير الجزيرة !! الرحمة على ليبيا والعار والرزية على العملاء الخونة !!! وسامحوني (نهلوس )خوكم كلام عرب

هلوسات ليبي .. الجمعة 2014.02.21 قصة حقيرة .... بعنوان يوم المحضر .. بعد انتهاء العرس الديمقراطي ليلة البارحة !! طبعاً بدون حضور أهل العروس ؟؟؟ وبعد الدخلة اكتشفت العروس بان العريس أصلع وقصير وسمين وكبير في العمر وسنونه طايحات !! وانهم ضحكوا عليها بصورة شاب طويل ابيض لابس سورية طويلة وعقال !! وداير روج لشواربه !! وقالولها بتولي زي جارتك اللي خذت واحد أحمر ابيض عيونه زرق ومعبئ فلوس ومعيشها زي الملكات !!! اليوم الخيم ضموهن والضيوف روحوا والزمزمات راقدات والاذاعة خداها صاحبها !! والعروس لقت روحها راقدة جنب شيطان موش بندام !!! وهلها مهناش !! وخواتها لاهيات برواحهن !! يعني ماهو جايها حد !! وأم العريس وخواته زي ما قال الكتاب في وصف الشيطان !!! شعر شايب مشتشت وعيون حمر وظوافر طوال وقصيرات وخشوم زي منقار النسر !!! المهم اليوم المحضر !! واحتمال العروس تهرب أو تنتحر وهذا الاقرب للتوقع !!! والفالطة كان قعدت وعاشت معاه !!! وحملت منه !!؟؟ كيف بتجي ضنوتها !!! . . . الحق الحق لومها على هلها !!!! سيبوها خوتها !! وخلوها بروحها بعد........... موتة بوها !!! . . ومع تحيات ولد عم صاحب البوطي !! وواحد من ضنى عم العروس اللي سيبوها بروحها !! وسامحوني( نهلوس )خوكم كلام عرب

هلوسات ليبي .. الجمعة 2014.02.21 حسب قانون الجاذبية السقوط دائماً يكون للأسفل !!! وحسب قانون القرايا السقوط يعني عندك كعك في الصحيفة !! وحسب قانون الغابة السقوط دائماً للفاكهة الفاسدة !!! وحسب قانون الدول الكبرى السقوط يعني جاك الاستعمار !!! وحسب قانون الفضائيات الليبية السقوط يعني ....النجاح.. فكلما كنت ساقط اكثر كنت ضيف دائم على الشاشات !! وستصبح يوماً ما صاحب البرنامج والدليل................... ( ناظم الطياري ) !!! وحسب قانون المعتمر البطني السقوط يعني ........ التمديد !!! وحسب قانون المجتمع الليبي السقوط علامته الرضى !!! والدليل رضانا عن السقاط اللي متريصين علينا !! وسامحوني (نهلوس) خوكم كلام عرب

هلوسات ليبي .. السبت 2014.02.22 من حكمدار العاصمة لخليفة حفتر !! القاطن بدير تشاد!! لا تشرب من الدواء !! في الدواء سم قاتل !!! في الدواء سم قاتل !! أعتقد جازماً إن ثلاثي أضواء المسرح حفتر والزنتان والتحالف قد ابتلعوا الطعم !! وإنهم سكروا بالغرور لحد الثمالة !! واضحوا يظنون بانهم المحور الذي تدور عليه باقي المكونات !!! وبالتالي وقعوا في الشرك الذي نصبه لهم ثلاثي أضواء المدينة زيدان ومصراتة والاخوان ؟؟ وأصبح الليبيين متأكدين إن الشيطان اللي يقرأ على زيدان أقوى من شيطان جبريل !!! وإنه أتى على ما عمله جبريل فجعله هباءً لا قيمة له !! فبعد ترغيد ناكر وتهديدات القعقاع والصواعق !! ومدة الخمس ساعات والتي أصبحت حسب اعتقادي خمس سنوات !! وبعد الاستقلاب الحفتري على قناة العربية ومحاولته تقليد السيسي !! والتي كانت نتائجها حرق جميع أوراقهم !! و تلميع ديسكوات السيارات الصينية متاع المصاريت !! بعد تلميع زجاجها الامامي في الجنوب !! وبالتالي أصبحت جاهزة للانطلاق من جديد !! فهنياً لثلاثي أضواء المسرح على الغباء المركب !! وهنياً لمانحي برنار هنري ليفي المواطنة الليبية مع مرتبة الشرف !! فقد أثمرت جهوده وحفظت (أرض الرجال ) بروتكولاته عن ظهر قلب !! وأصبحت تطبقها على الليبيين بكل أريحية !! وسامحوني (نهلوس )خوكم كلام عرب

هلوسات ليبي .. الاحد 2014.02.23 يا قــــــــــــوم ....... 2 طيارات وحدة في تونس ووحدة مالقوهاش !! يا قــــــــــوم ... بوابة فم ملغة وبوابة سوسة وبوابة برسس وبوابة خشوم الخيل !!! يا قــــــــــــوم .. 4 مليار لمصر و250مليون لموريتانيا و200 مليون لتونس !!! يا قــــــــوم .. مصرف في اوباري ومصرف في سرت ومصرف في العجيلات !!! يا قـــــــــوم ... القاعدة وانصار الشريعة والليبية المقاتلة والسلفية والاخوان المسلمين !!! يا قــــــــــوم ... رئيس الحكومة ورئيس المؤتمر وولد وزير الدفاع وزوز صغار لعضو المؤتمر !!! يا قـــــــــوم ... مئات الاغتيالات والتفجيرات والسرقات والانتهاكات والفاعل مجهول !!! يا قـــــــــــوم ... ستة جواسيس من قطر بجوازات سفر ليبية مزورة!!!؟؟ تكلموا على خاطرهم المفتي والمرشد والامير !! وبنت ليبية اضطرت لتزوير جوازها باش تخش لأهلها حبسوها عام وخطفوها بعد الافراج عنها !!! يا قـــــــوم ... أهلـكم في تونس ومصر يذوقوا في الامرين باش يأمنوا لقمة صغارهم !!! يا قــــــوم ... الجنسية الليبية أصبحت لعنة يأمل الكثير منا التخلص منها !!!! يا قـــــــوم ... بلادكم ضاعت في غوط الباطل ..يا قوم بلادكم ماهيش حكر على فئة معينة او قبيلة معينة او عائلة معينة... يا قوم بلادكم أصبحت سمعتها تضاهي سمعة مثلث برمودا !!!!. يا قـــــوم .. الي يحب بلاده ما يكرهش هلها !! واللي يكره ناسه أكيد ماهوش ولد أصل !!! يا قــوم .. رسول رب العالمين بعث لأكبر قادة الارض بصفاتهم عظيم الروم وعظيم الفرس وما قالش من النبي او الرسول قاللهم من محمد بن عبد الله الى هرقل عظيم الروم أسلم تسلم !! أسلم تسلم ...فقط انه يدخل الاسلام وجبت له السلامة في ماله وبدنه ونفسه !! يا قــــوم شني بتقولوله يوم غدوة لما تتباكوا تبوه يشفع فيكم !! يا قـــــــوم .. سامحوني (نهلوس )خوكم كلام عرب

صاحب البوطي .....
ياقوم ...
راكم رفاقة عمر موش اليوم...
ياقوم...
انذليتو... وبعتوها برخص السوم..
ياقوم...
ايجي يوم ويروح اللي مظلوم...
ياقوم ...
ماتنكعوها اللي مابتش اتروم...
ياقوم...
كلام العرب راهو قوي مسموم...
ياقوم...
ديرو احساب يوم القيامه تقوم...
ياقوم...
الدايم الله ماهناك شي ايدوم...
......










من ردود الفيس بوك منقول

صحيتي على نقل هالهلوسات أختي ثورية وتحية لخونا اللي يهلوس كلام عرب  

هلوسات ليبي ... الاثنين 2014.02.24 لامبة 42 وات ...!! 42 عام... من الجهل والعبودية والقمع والاستغلال !!! 42 عام ..لا عندنا دكاترة ولاعندنا شيوخ دين ولا عندنا علماء اجتماع !!! 42 عام ... لا عندنا قُصاص ولا عندنا روائيين ولا عندنا كُتاب !!! 42 عام ...لا عندنا فنانين ولا عندنا ملعبية كورة ولا عندنا أدباء !!! 42 عام ..لا عندنا قضاة ولا عندنا محاميين ولا عندنا ضباط شرطة !! 42 عام ..لا عندنا دفاع جوي ولا عندنا بحرية ولاعندنا صاعقة ومضلات !!! 42 عام ..لا عندنا حرس بلدي لا عندنا حجر صحي ولا عندنا مكافحة المخدرات !! 42 عام.. لا عندنا سلع مدعومة ولابنزينة مدعومة ولاعندنا تعليم مجاني !!! 42 عام.. لا عندنا مستشفيات عامة ولاعندنا مدارس عامة و لا عندنا جهات عامة !!! 42 عام .........من الكفر والفسق والمجون وضياع القيم الاجتماعية والدينية !! 42 عام ... عندنا بارات وعندنا خمارات وعندنا ملاهي ليلية !!؟؟ 42 عام .. عندنا بنات ليل وأطفال الشوارع وملاجئ تعج بالعجزة !! 42 عام .. عندنا الشيعة وعندنا التكفيريين وعندنا المسيح وعندنا عبدة الشيطان !!! 42 عام .. عندنا البنات تلبس القصير والضيق وتتبرج وسافرات طول الوقت !! 42 عام .. عندنا شواطئ العراة وعندنا محلات الوشم والتاتو !!! 42 عام .. عندنا زواج المتعة وزواج المثليين وزواج السفاح !!! 42 عام .. عندنا الاغاني الساقطة والكليبات الماجنة ومجلات البالغين !!! 42 عام .. عندنا الخمر وعندنا الميسر وعندنا اليناصيب !! 42 عام .. .. من ضياع الآمن ومن عدم الشعور بالأمان !! 42 عام ............... الله يرحمك ويخفف التراب اللي تحت رأسك وسامحوني (نهلوس) خوكم كلام عرب

هلوسات ليبي ... الاربعاء 2014.02.26 لا للتمديد نعم للمؤتمر الوطني !! لا للفدرالية نعم لبرقة !!! لا للمليشيات المسلحة نعم للثوار !! لا للإقصاء نعم للعزل السياسي !!! لا لولاية الفقيه نعم لسيادة المفتي !!! لا لنزع سلاح الثوار نعم لدعم الجيش الليبي !!! بنغازي ............. - أعتقد إنه يجب على ثوار بنغازي القبض على المزيد من التشاديين !! او على الاقل الاستعانة بالمحقق (جعونان) !! أو( ارسين تربل) للقضاء على القتلة الزئبقيين !!! بعد خطرها وين الخطة الامنية اللي ما تخرش المية اللي قال عليها زيدان لتأمين بنغازي !! ووين الكاميرات اللي بيركبوها في بنغازي هل تمت الاستعاضة عنها بالقمم المحروقة كخطة (ب) زي الخطة ( ب) متاع المعتمر الوطني !!! - أعتقد جازماً حازماً غير مكره إلا إن كنت ناسي وإلا قاسي بأن ما يحدث في بنغازي هو البهارات التي تنقص أمبكبكة ... حفتر !! وعلى حد عرفي إنها بتجي............ حارة تمزعق !!! وسامحوني (نهلوس) خوكم كلام عرب

هلوسات ليبي ... الجمعة 2014.02.28 وجهة نظر بالرغم اني متأكد مليون بالمية ان انصار فبراير لا يتجاوزون الــ 30 % من نسبة الليبيين بكل من فيهم من موتور وحاقد وفاقد للولاء وخائن وتبع !! وإن انصار سبتمبر حوالي الــ 60 % من نسبة الليبيين مع تحييد الـــ 10 % الذين هم لا لهؤلاء ولا لهؤلاء !! إلا ان الظروف قد خدمت الــ 30% وأصبحوا هم المسيطرون على الارض !! و بالرغم من مكابرتنا ومحاولة انكارنا للواقع أصبحنا نحن الحلقة الاضعف فقد أجتمع علينا !! اليهود والنصارى وارباب السوابق وأصحاب الكروش والمتلونون ولا ننسى أقوى سبب لهزيمتنا وهو جبننا وخوفنا وحبنا للحياة حتى لو كانت بطعم الحنظل !!؟؟ إلا اننا وقعنا في عدة أخطاء سببت في عدم رجوح كفة الحق او على الاقل عدم انتشار الظلم !! الخطأ الاول اننا لم نشتري سلاح ونكون كتائب ومليشيات على الاقل لندافع عن انفسنا !!! الخطأ الثاني وهو الاكبر في رأيي هو اننا لم نرشح شبابنا لدخول المؤتمر الوطني ونتبنى أحد الاحزاب وندعمها !! الخطأ الثالث هو اننا كررنا نفس الخطأ الثاني ولم نرشح شبابنا للجنة الستين !! الخطأ الرابع هو اننا لازلنا مكتوفي الايدي بالنسبة للكوارث الانسانية التي سببتها فبراير وهي اللاجئين والمهجرين والاسرى وعائلات الشهداء والجرحى !!! حسب اعتقادي بانه يجب على اخواننا في الدول الاوربية وامريكيا وكندا واستراليا الضغط وتكوين جمعيات وندوات للتعريف بما أل اليه وضع هؤلاء الليبيين !! وتوصيل الصورة للرأي العام العالمي !! ويجب على من في الداخل ان يوحدوا صفوفهم ولا نترك أي معترك انتخابي الا ويكون عندنا أحد الاشخاص لدعمه والوقوف في صفه !! و ماتقولوش جُبن عتبة وتعصبوها في رأسي بعدين وين تولي خضراء ساهل !! ونهلوس سامحوني خوكم كلام عرب

هلوسات ليبي .. السبت 2014.03.01 تنويه .. الاخوة الاعزاء بعد التحية والمحبة أريد ان انوه باني كنت ولا زلت وسأبقى كما عهدت نفسي على المبدأ ولن ازيح عنه !! ولكني لم أكن ممن حلب صدر سبتمبر !! أو ممن ركب ظهر فبراير !! ولا علاقة لي مطلقاً برؤوس الدولة وسدنتها وحملة مفاتيح خزائن مالها لا من قريب ولا من بعيد سواء اليوم او قبل 17 فبراير , ولن اكون بوق لأي كائن في الكون سوى نفسي !! وإن ما جعلني ادافع عن سبتمبر هو الماء والملح !! وما جعلني اقف ضد فبراير هو الموت والدمار والخراب والاستعمار وفقدان الوطنية والعار الذي جلبته لنا بين ثناياها !! وكل ما اعتقد بانه الحق سوف اقف لجانبه حد المستطاع !!! ولذلك اكتب ما يجول بخاطري ويعتمل بفكري دون خبث او خدمة لجهة معينة او توجه سياسي معين !! انما هي افكار تلح علي لأخرجها من جمجمتي !! فهي تحتمل الصواب والخطأ شانها شأن جميع افكار بني البشر !! لهذا رجاءً لا داعي للسباب واللعن على الخاص !! ولا داعي لتخوين بعضنا ورمينا بما لم نرتضيه لأنفسنا !! فانا كما انا لم اتغير او كما ازعم باني ..... ما زلت احفظ الماء والملح !! فمن يجد في نفسه ريبة مما أقول ارجوه رجاء أخوي ان يضغط على زر الغاء الصداقة !! وتمت !! والسلام عليكم ورحمة الله والبركة !! وسامحوني (نهلوس )خوكم كلام عرب

هلوسات ليبي .. السبت (2)2014.03.01 بين الكواسر ناكر وبوكا وفتحي الفرجاني والطياري !!! وبين الماجدات غيداء التواتي وايمان العبيدي وهناء الحبشي !! وبين تحقيقات جعودة وبوقعيقيص والشهيبي !! وبين سياسات السويحلي والسايح وزوبي !! وبين فتاوي الغرياني وسالم الجابر وعلي الصلابي !!! وبين قيادة حفتر والمدني وحامد الحاسي !! وبين النواصي والصواعق والدروع !! وبين الامارات والسعودية وقطر !! وبين فرنسا وامريكا وتركيا !! وبين مصراتة والزنتان والشرق !! وبين زيدان وجبريل وبو سهمين !! وبين التحالف والاخوان والوفاء !! وبين القاعدة والتكفير والليبية المجاهدة !!! سنبني ليبيا حرة ابية مستقلة لا غربية ولا شرقية ولا عربية ولا شرعية !! وسنكتب دستور مدستر كامل الدسترة !! وسنبني جيش مجيش كامل التجحيش !!! وسلمولي عليها سالمة عقلي والع بيها سالمة !!!!! وسامحوني نهلوس خوكم كلام عرب

يسلموا يديك على النقل وصح لسان كاتب الهلوسات بللتوفيق لكما

هلوسات ليبي ..
الاثنين 2014.03.03
بالرغم من عدم معرفتي لأي من اخواتنا المسجونات لدى بيادق الحامي الاوحد !!
وبالرغم من اعتراضي على التهويل في اعداد الاسيرات في سجون ثوار الانسحابات التكتيكية !!
إلا إن عندي العلم اليقين عن طريقة معاملتهن من قِبل هؤلاء الملائكيين ذوي الاجنحة !!
فالصور والفيديوهات تشي بما يتمتع به هؤلاء الصناديد من مكارم الاخلاق !!
عـــــــــــلــــــــــــــيـــــــــــــه ....
وبالأصالة عن نفسي وبالنيابة عن صنف الذكور أقدم اعتذاري للشيء المسمى رجولة !!!
وانعي للتاريخ موت الرجال واستشهاد الرجولة !!
وهنا لا أنعي لكم سوى نفسي كما أنعي شعر اللحى ورائحة العرق والرأس المرفوع !!
فقد قتلها جُبني وخوفي وتعلقي بالحياة !!
بحيث اصبح مجرد وجودي على قيد الحياة مكسب كبير لأطفالي !!!
وأصبحت رئتاي تعتاش على الهواء الملوث بالمهانة والذل والانكسار !!
فلا تحزني اختاه الاسيرة فجدران سجنك براح أكثر من قفصي الصدري !!!
ولا تحزني اختاه الاسيرة فالتاريخ لا يلقي بالاً ألا للشرفاء !!! ولا يحترم سوى الابطال !!!
ونحن لسنا منهم !!!
ونهلوس سامحوني خوكم كلام عرب

هلوسات ليبي ... السبت 2014.03.08 وأن يكن .. ان المتتبع للأحداث الاخيرة في الجنوب وما رافقها من ضخ اعلامي غير مسبوق وخاصة من قناة الخضراء !!!!. وذلك بعد عشرة ايام من وصف هذه الاحداث بالحرب القبلية ثم أصبحت حرب تحرير وانتهت بالسيطرة الكاملة على الجنوب وفوجئنا بالسيد المحترم باسم الصول تحت لوحة ارشادية في تخوم سبها يعلن سيطرة القوات الشعبية على الجنوب بالكامل وفي اليوم الثاني اختفى كل شيء بما فيها قوات الدفاع الشعبي بمعداته والياته ومحاربيه , وخرج علينا عمنا حمزة بالمموه وهو يقول بان ساعة الصفر قد أزفت وبانه قد قرر النزول للساحة !!! ومكمن الاستغراب هو توافق قناة فزان وقناة الخضراء في وصف الحرب في الايام الاخيرة مع اختلافهم في اسماء الطرفين ؟؟ وبعد اختفاء المنسحبين وتبخر معداتهم !! لم نرى جثثهم التي قالوا في قناة فزان بانها بالعشرات ولم نرى اسرى او جرحى من الطرفين !!! وبعد عشرة ايام فوجئنا بخبر اعتقال عبدالله منصور وبالأمس الساعدي !! حسب اعتقادي بان هناك احد مضحوك عليه !! واتمنى ان لا اكون انا هو !!! وبالمناسبة مع احترامي للاسم والكنية والتاريخ إلا ان تسليم الساعدي كان كأي خبر عادي !! مع اعتراضي الشديد على ذئاب النيجر !! ولكن 3 سنوات وانت معرض للتسليم ولم تفعل شيئا او تحرك ساكناً ؟؟ وتبقى تنتظر ان تكون كبش فداء فتلك الكارثة !!! كان الاجدر بك مصاحبة ابيك واخويك المعتصم وخميس !! وفكونا من السب يرحم ولديكم فهذا رايي الشخصي !!! وربما هناك من يعلم ما لا اعلمه ولكني أحكم بالظاهر !!! وسامحوني (نهلوس) خوكم كلام عرب

هلوسات ليبي ... الاحد 2014.03.09 كازي روما ... البيباص المليح بالإضافة لهوس جماعة فبراير بالمصاري وعشقهم للكراسي إلا انهم يتمتعون بصفة أخرى غير عادية لا يتمتع بها سواهم وهي صفة حبهم للحشايم والتهزيب والتشلبيخ !!! قولي كيف ؟؟ اهو نقولك كيف شد عندك !!! كلكم تذكروا في معرض الكتاب متاع القاهرة حضروه قريب 300 واحد من جماعة فبراير حتى المتحصل على شهادة سادسة غنم حضر المعرض !! وقعدوا يضحكوا علينا المصاروة !!! وكلكم يتذكر في مؤتمر البرلمانات العالمي في كندا !! حضره 22 واحد من جماعتنا حتى اللي مساوم مساومة رفعوه معاهم !!! وقعدوا الكناودة يضحكوا علينا قالك جاي من الصين 3 انفار ومن ليبيا 22 نفر يحسابوها صبة خرسانة فازعين كلهم !!! وكلكم يتذكر في مؤتمر المختبرات العربي اللي داراته المغرب !! مشوله حتى جماعة القبة الفلكية وين وصلوا غادي لقوا اللي متريس على المؤتمر ليبي مش من جماعة فبراير لكن الراجل قديم وماسك نقابة فنيي المختبرات من نهار النبي والسدرة المهم الجماعة دارت العار وحزوها بيناتهم بالتراب وفي الاخير انسحبوا !!! واليومين اللي فاتوا ماشيين لخوالهم الطلاينة وما مخلين واحد حتى العويب اللي محصل فوشيكة في ساقه رافعينه !! وقعمزوا مجموعتين كل واحد والطابيلة متاعه يخطروا عليك عرب العريس لما يجوا مع الجهاز يقعمزوا فيهم بروحهم !! وخطب الشيخ نوري المبيض وخطب حتى غوار وع الخبر قالو ماشيين سبعين نفر ووين روحوا لقو الجضران لاعب فيها بموس قصاصة !! ومخشش باخرة فقش وطلعها فقش وقاعد غوار يخطب قالك ابو عنتر ما باش يسمع كلامي ويقصف الناقلة ؟؟؟ يحساب روحه حق رأس دولة !! ما يحسابهاش حارة كل مين ايدوا ايلو !! وسلملي على بدري بيك ابوكلبشة وقوله صح النوم !! وسامحوني (نهلوس )خوكم كلام عرب

هلوسات ليبي .. الثلاثاء 2014.03.11 أمبارح طلع الجضران على الناقلة واليوم طلع زيدان على لوحة !!! لا صار من خيار القوة ولا من خيار الصوبات !! والاخوان ضربوا ضربة معلم قعمزوا زيدان ونوضوا مصراتة !! والمشكلة مزال فيه اللي يقول نترحم على الشهداء وثورة سبعطاش مباركة !! اليوم الناقلة نقلت ليبيا نقلة نوعية جابت الثني للسعي !! وحولت بوقزازات لخارج الملاك مع احتفاظه بما وقع تحت يديه من مغارة الاربعين حرامي !!! اللي واجعني في الموضوع انه أمبارح كان يشرح في الخطة كيف الضفادع بتتكعبش للباخرة والعناكب بتنزلها من الجو !!! وكريم العين قال اللي يموت وهو يتكعبش او ينزل او ما يعرفش يعوم عوامة كلب فهو شهيد !!! لكن نحب نطمئن الحاج كريم العين انه عندنا هلبة اختصاصهم عوامة كلب او بالأحرى جماعة أرخي روحك تعوم !!! وعلى ذكر حرب الناقلة بين ابراهيم جساس وبين كليب بوسهمين !! قال وزير الثقافة الموضوع سيادي وليس سياسي ؟؟ على اساس جماعة برقة قاريين مسائي وما يعرفوش مني اللي جايهم !! للمرة الرابعة على التوالي درع (المنطقة الوسخة )هو اللي ينفذ في الاوامر يوم بني وليد ويوم طرابلس ويوم الجنوب واليوم الشرق !! وحقه قبل ما ننسى اليوم نقلب في المحطات لقيت قناة الجبل تفرجت شوية لقيتها لجماعة الزنتان !! شد عندك العاصمة وفزان ومصراتة وبرقة وبنغازي والجبل وتاجوراء وصبراتة واجدابيا وسرت وبني وليد والزاوية و متاع الامازيغ !!؟؟ يا جماعة الخير وين تلقوا في الفلوس ؟؟؟ وتقولي ... والله ما خرجنا إلا لنصرة هذا الدين !! والتاغية كاين مسكر علينا كل شيء !! عليا الليم إلا راجل الله يرحمه كاين عارف طبنا !!! مرات الكوي دواء !!! وسامحوني (نهلوس) خوكم كلام عرب

ثورية خضراء كتب:هلوسات ليبي .. الثلاثاء 2014.03.11 أمبارح طلع الجضران على الناقلة واليوم طلع زيدان على لوحة !!! لا صار من خيار القوة ولا من خيار الصوبات !! والاخوان ضربوا ضربة معلم قعمزوا زيدان ونوضوا مصراتة !! والمشكلة مزال فيه اللي يقول نترحم على الشهداء وثورة سبعطاش مباركة !! اليوم الناقلة نقلت ليبيا نقلة نوعية جابت الثني للسعي !! وحولت بوقزازات لخارج الملاك مع احتفاظه بما وقع تحت يديه من مغارة الاربعين حرامي !!! اللي واجعني في الموضوع انه أمبارح كان يشرح في الخطة كيف الضفادع بتتكعبش للباخرة والعناكب بتنزلها من الجو !!! وكريم العين قال اللي يموت وهو يتكعبش او ينزل او ما يعرفش يعوم عوامة كلب فهو شهيد !!! لكن نحب نطمئن الحاج كريم العين انه عندنا هلبة اختصاصهم عوامة كلب او بالأحرى جماعة أرخي روحك تعوم !!! وعلى ذكر حرب الناقلة بين ابراهيم جساس وبين كليب بوسهمين !! قال وزير الثقافة الموضوع سيادي وليس سياسي ؟؟ على اساس جماعة برقة قاريين مسائي وما يعرفوش مني اللي جايهم !! للمرة الرابعة على التوالي درع (المنطقة الوسخة )هو اللي ينفذ في الاوامر يوم بني وليد ويوم طرابلس ويوم الجنوب واليوم الشرق !! وحقه قبل ما ننسى اليوم نقلب في المحطات لقيت قناة الجبل تفرجت شوية لقيتها لجماعة الزنتان !! شد عندك العاصمة وفزان ومصراتة وبرقة وبنغازي والجبل وتاجوراء وصبراتة واجدابيا وسرت وبني وليد والزاوية و متاع الامازيغ !!؟؟ يا جماعة الخير وين تلقوا في الفلوس ؟؟؟ وتقولي ... والله ما خرجنا إلا لنصرة هذا الدين !! والتاغية كاين مسكر علينا كل شيء !! عليا الليم إلا راجل الله يرحمه كاين عارف طبنا !!! مرات الكوي دواء !!! وسامحوني (نهلوس) خوكم كلام عرب

لك وله اختي تقديري واحترامي واعجابي بكل ما يكتبه وان كنت على تواصل معه ابلغيه مني السلام ونسأل الله ان يجمعنا به ونستفيذ منه فهو مدرسة يقتبس منها العلم والمعرفة 
حفظك الله ومشكورة على نقلك المتواصل ومزيدا من الاستمرار 

     

هلوسات ليبي ... الاربعاء 2014.03.12 ردها علي إن استطعت !!!!! هربت الناقلة وهرب زيدان وتقهقر أسود الجبل و سباع البحر!! ولم يشفع لزيدان مالقي أفريقيا للفرق المحلية !! ولم تشفع له بحور الكذب التي سقاها للعطاش من ابناء فبراير ليصبح مُطارد من قِبلهم !! فالبرغم من اننا عشنا في عهدهم المجيد العديد من الانتصارات والانجازات ابتداءً من موقعة البوخة وانتهاءً بموقعة الناقلة وما بينهما لا تجدي معه إلا علامة ما لانهاية !! وتوة يا صحاح الوجه والكلام طبعاً لعيت الاخرين !!! مع احترامي الكامل لعيت أحني !! أمس خطفوا مزيود من مستشفى لما لقوه انقلبت عليه سوق الجمعة والخط ولوح والشو الزايد اللي درتوه !! ولما انقام ابو انس الليبي طلعتوا تتوعدوا في المارينز بالويل والثبور وعظائم الامور !! ولما انحكم تكفيري ليبي في العراق بالإعدام طلعتوا كلكم من جماعة غاندي !! ولما قال أحمد قذاف الدم بيت من الشعر. شعر زنقرتكم وقف وطالبتوا به حياً او ميتاً !! ولما خشت ناقلة للسدرة خشيتوا في عقل مش عقلكم على أساس ان الدولة ماشية بالبيرو والمسطرة !! تي وين الكيب والمقريف ووين بن حميد ووين الحمروش ووين فوزي عبد العالي ووين المنقوش ووين الجويلي !!! وين دم جماعة غرغور ووين راح دم الجنود اللي ماتوا في بوابة بني وليد !! وين الــ 5 مليار متاع القرطاسية والــ 30 مليون رشوة الجضران تي وين الفلوس المصقعات متاع المجمد !! تي وين المرتزقة الافارقة متاع القذافي ووين اثار قصف طيران القذافي ووين المغتصبات !! تي وين الانفاق اللي تحت باب العزيزية !! تي وين نتائج تحقيقات المقابر الجماعية اللي لقيتوهن !!! تي وين الحرية والرفاه ودولة المؤسسات !! تي وين الجيش ووين الشرطة !!! تي وين القروض اللي من غير فوائد والسلف اللي من غير ربا !! ووين العشرة الاف اللي في الشهر !! تي وين علاوة العائلة الـ100 دينار للعيل !! تي وين ودرتوا راقدة الريح ليبيا !! ونهلوس سامحوني خوكم كلام عرب

هلوسات ليبي .. السبت 2014.03.15 اشتدي أزمة تنفلقي ... على ما أعتقد إن ليبيا في اللحظات الاخيرة !! وإن هناك كبشان ليسا املحان سيتناطحان في الوادي !! وان الدم سيجري جداول ليكشف جثامين ابنائنا ضحايا 19 مارس 2011 !! كنت أضن وخاب ضني ان النفط يقاس بالبرميل !! لكنكم تقيسوا فيه بالبطاقات الشخصية !! ومكان صدورها وقربها من منابع هذا الشيء ...الاسود !!! وكنت أحسب انه يثمن بالدولار ؟؟ لكنكم تثمنون فيه برؤوس الرجال او بالأحرى الاطفال !!! رأينا المفتي قد شمر سوريته وسفي كمه واتكئ وتنحنح وخرج لنا بفتوى جهاد الحقول النفطية !! ورأينا أبو سهمين قد جمع كنانته ورمى الوطن بسهم الدروع !! ورأينا أسماء القبائل في شريط أخبار قناة برقة تبايع عنترة الجضري !!! وهي تعِده وعداً لن تخونه وعهداً لن تخذله بانها معه حتى الموت وقد كتبت وثيقة العهد والمبايعة بالدم !! وتنافس الشعراء في ذكر مناقب عنترة وخصاله !!؟؟ وتُذكره بانها معه شيباً وشباباً !!! على ما أعتقد باني سمعت نفس الكلام ورأيت نفس الوثيقة ولكن الاختلاف الوحيد هو التاريخ وصاحب البيعة !!! بئس لكم لقد حزتم على الاقل اثنين من خصال المنافق الثلاث !! واذكركم ..بإن فتح الحقول لن يتأتى سوى بفتح العقول !! وكل ما أخشاه بان قلوبنا المقسمة سنطبعها على خريطة الوطن !!! وسامحوني( نهلوس )خوكم كلام عرب

أعتذر عن تأخري في النقل
النت مدايرها فيا

ثورية خضراء كتب:أعتذر عن تأخري في النقل
النت مدايرها فيا

   مشكورة اختي الكريمة على الجهد و النقل الرائع لاخينا كلام عرب

شكرا ثورية على هذا النقل المتميز

هلوسات ليبي ... الاثنين 2014.03.17 الرحمة للموتى والعزاء في الوطن !! اليوم تقدمت بنغازي في لعبة السلم والثعبان الخاصة بالإرهاب ووصلت لمرحلة متقدمة منها !! اليوم بنغازي حاكت الموصل والبصرة وأربيل !!! اليوم بنغازي ارتدت رداء كابل وكراتشي وبغداد !!! اليوم بنغازي أحست بألم دمشق وبيروت وصنعاء !!! اليوم بنغازي ارتدت السواد المبقع بالأحمر القاني وهي تتحسر على ايام توشحها بالأخضر !!! اليوم بنغازي صارت قبلة للصعاليك والمماليك و شذاذ الافاق !!! اليوم بنغازي أضحت ملاذاً لتجار الدين وتجار البارود وتجار الذمم !!! اليوم بنغازي دماء تسيل في الشوارع ومكبرات الصوت تبحث عن متبرعين !!! أخشى ما أخشاه أن تصبح بنغازي.... تتحدث الافغانية !!! إن تعلمت بنغازي اللغة الافغانية فأبشروا بخروج البرتقالة في طرابلس وقناة الحكمة في مصراتة !! وحينئذً ستصبح اللغة الوحيدة المشتركة للتفاهم هي لغة .......... الحمار !!! مع كامل احترامي للسادة القراء إلا اننا بدانا من ثلاث سنوات نرى لغة الحمير تكتب على الجدران !! ونسمع أصوات النهيق على الشاشات !!! ضعتوا .. وضيعتونا .. و أضعتوا الوطن !! إن الامر يحتاج... وقفة ... على أعلى نقطة والقفز.. ايذاناً ... بالانتحار !!! وسامحوني( نهلوس) خوكم كلام عرب

هلوسات ليبي .. الثلاثاء 2014.03.18 المجد للشهداء .. يصادف غداَ (يوم الشهداء) كانت علامة الصليب المرسومة على طائرات التورنيدو والرفال والأف 16هي أخر ما وقعت عليه أعينهم وهم يرفعون رؤوسهم للسماء , في ذلك اليوم أهدت الارض الشرف للسماء !! وفيه أهدت السماء للأرض أطناناً من الحمم !!! ومن ذلك اليوم اصبح العز مرادفاً لأهل ذاك الركب !! وبعد ذاك اليوم تغيرت مقاييس الرجولة !! وبعد ذاك اليوم صارت ليبيا تتمدد وتنكمش تتمدد وتنكمش في انتظار التمزق !!! في ذلك اليوم غادرنا الرجال وبعد مغادرة الرجال عاثت الكلاب فساداً في الحريم !!! المجد للشهداء .. خوكم كلام عرب