ما فهمت شيء!!!!؟

الضيء وعاد الى قصته الحزينة من الاول بساعتين والثلاثة يهرب وبعدها بالاربعة والخمسة وتوا رسمي ثمانية ساعات ولا يقسموا فيهم يوم صبح ويوم عشية ويوم ليل يعني
تعلموا النظام وحياة الجداول يا ليبيين
والخبزة حتى هي رجعت طوابير والمعاشات بدوا يديروا فيهم جمعيات كل شهرين ثلاثة ينزلوا مع بعض والمستشفيات يفتح مستشفى يصكر واحد ومن غير حل لا تعقيم ولا هم يحزنون
والمواطن الليبي وألا خلي انقولوا السيد الليبي لاحياة لمن تنادي
الفبراري يقول الله غالب
والازلام يقولوا خليهم يستاهلوا
والمخانب والعملا والمستفدين يخنوا ويزيدوا وهم مستمخيين ومازال خيرهم جاااي
على العموم نبي نعرف هالضيء اه حتى المية مرة مرة تهرب حتى هي المهم عودة انجازات قهاير هذه شنوا معناها يا أهل طرابلس في فتوحات جديدة في رمضان والا شنوا؟؟؟
والناس اللي ساكته شنوا جاهم ؟
والناس اللي لمة قشيشها وماشية بترمضن برا وتجي بعد رمضان شنوا هم مش ليبيين والبلاد مش بلادهم؟؟
واحني اللي قاعدين فيها نتفرجوا ونبكوا على والايام اللي فاتت شنوا الحل؟؟؟
اه تفكرت شنوا قصة صيانة وخدمة الطرق اللي ناشطة في طرابلس مش مافيش فلوس والمشاريع واقفة والشركات هاربة؟؟؟

هيا سامحوني هي تساءلات ومواضيع مش فاهمة وين توصل وشنوا حلها؟؟
ولي امته بيستمر الحال اختكم جراح
والله لاتربحك يابوشنة

حاجة ثانية مافهمت ؟؟؟؟
واحد قاري ومتعلم ومتخرج من الجامعات وحتى عنده الدكتورة في المجال اللي حاطينا فيه ويطبق في قوانيين وشاد مكان ليه شنه ورنه
يجيه فرخ حشاكم زعميته عسكري ويكر في رجليه بشبشب الصبع يقعمز له على الطاولة ويمد له ورقة ويقوله وقع يوقع السيد المحترم من غير حتى مايشوف شنوا فيها ؟؟؟
مش شيء يقهر
اه تبوا تعرفوا شنوا فيها الورقة ؟؟؟
قولوا قبل معااااي
الله لاتربحك يابوشنة
الورقة فيها موافقة لي هؤلاء الثوار اللي واقفين في بوابة مؤسسة ما بان يتم دفع مكافأة لهم خمسين الف لكل واحد
وليبيا حرة
فكروني عندي قصص على سجون قهاير ولا في الاحلام توا نستأذنكم راسي تصدع من زنان المولدات وحرارة الجو
والله لاتربحك يابوشنة