تبري يا ثورة فبراير

من طرف miss rahaf الأحد 25 سبتمبر - 19:09

السلام عليكم ...هي أبيات بالليبي وانا بالليبي ما نعرف نكتب هلبا بس جت بخاطري هالكلمات وكتبتها
ليكم النص,والتعليق واصل يكفيني القراءه...ومشكورين

ماني ثوره يا مخططين الأخضر بخطوط سودا وحمرا ماني ثوره

ماني ثوره ولاني اللي نطالب معمر بقصفة عمره ولاني اللي لأذيال الغرب ننخرط تباعه
ماني نار ولاني اللي نحط يدي مع الكفار ولاني اللي خذيت ضد الضمير مناعه
لاني منهم خانوا تراب الجد ما نأمنهم ولاني لمداس مسوني ننتفض فزاعه
لالي مطالب ولا يشرفني نظم الجاهل والا الطالب ماحسبت شعبي ساهل ع الغزاة خداعه
ماني 17ولاني ال نسيت السبتمبر مانسيتاش ثورة نظيفه ردت ع المعادي أطماعه
ماني بشهر 2 بريه ذمتي من الميتين رغم ان كبيتدي ع الشعب ملتاعه
ثوره انا سموني وشن جاب على أرضي ليفني الصهيوني يؤمر يقرر وينفذوا الخوان بكل وداعه
ثوره ومانتكرر بناني شريف الأصل اسمه معمر عمرها زراعه و مباني وبالصناعه
الثوره ماهي قتال ولاهي جلبان الإحتلال الثوره باب تقدم ينفتح للناس على مصراعه
يلي طلعت في ظلي خطية ع الغلط ماتولي قول لمثيلك يفكر اخماسه يضربه في ارباعه
شوف بلادك ,هرج ومرج قولي شن زادك, وغير الكهربا مقطوعه والشعب صابته مجاعه
شوف ضميرك وقبل مصلحتك شوف لغيرك العمر لله ليش تحرقه في متاعه
ثوره عظيمه يوم انك تزيح الجهل ع التبهيمه وتفهم منهو شاري الوطن ومنهو باعه

ماني ثوره يا مخططين الأخضر بخطوط سودا حمرا ماني ثوره