أمر بتفتيش البيوت تفتيش دقيق

أخوتي خدوا حدركم ,, تلقى الان الجردان تعليمات من بوشنة بتفتيش البيوت زليزة زليزة ,ويتم القبض على كل شخص في بيته حتى علم أخضر أو صورة أو أي شيء يدل على موالاته للقيادة الليبية .
المصدر : الجدران الان في شارعنا ,, يفتشوا في كل بيت بس الان تفتيش وتخريب ,, وبكرة الصبح حتى تحت الزليز ,, وهم يتوعدون ويهددون ,,

يعني شني بيصير في مواليد الفاتح ؟؟؟ والي اسمه معمر ؟؟؟ حسبي الله ونعم الوكيل

هذه هي المهانة بأم عينها والمستقبل والقادم اكبر هيا استعدو للقتال لامفر

مادمهم مازال راقدين وراضيين بأنتهاك حرماتهم خلي اللي يديروه ايديروه تي الله معاد قايمتلهم قايمة الليبين كانو فوتو ها الفرصة

من طرف mano74 السبت 15 أكتوبر - 0:38

انشالله الصبح الاعلام الخضراء ترفرف على ليبيا كلها مش متركنة في الحياش

من طرف msm00004 السبت 15 أكتوبر - 0:40

نعناعة كتب:مادمهم مازال راقدين وراضيين بأنتهاك حرماتهم خلي اللي يديروه ايديروه تي الله معاد قايمتلهم قايمة الليبين كانو فوتو ها الفرصة

كيف يرضى ليبي حر انه يخش حد حوشه ويفتشه هدا ماناقص شني امال معاش في تريس شكلها

من طرف green light السبت 15 أكتوبر - 0:48

لا اله الا الله...

من طرف Mona Saudi السبت 15 أكتوبر - 0:52

من متى كانت تتفتش بيوت الليبيين ؟؟؟؟؟؟؟؟؟؟؟؟؟؟؟؟؟؟؟؟زمان معمر لم تكن حتى فكره تخطر في البال انه يجى شخص من طرف الدوله .........وبكل همجية ومن غير ورقة .................. ويفتش ويبعثر في منازل الناس ..................عندما قال القائد في خطابه قبل دخول بنغازي سيجري تفتيش المنازل .............لم يقلها مباشرة ...........بل قال قبلها اهل بنغازي عيوني .............ووصى عليهم بجمع اولادهم من الشوارع واغلاق المنازل .............والتعاون مع قوات الشعب المسلح .............وقال من معاه سلاح يلوحة في الشارع ........في الزباله بس لا يقعد في البيت............. Sad

يا أخوتي ,, انتم عندكم حق لو شفتم الفيلق الي جايبينه والشكالات النتنة وهيدك اللحي والمنظر المزري والأسلوب الوقح والمعاملة السيئة ,, من غير السلاح .. لو شفتم السلاح الي عندهم والسيارات وعددهم المرعب كل بيت يتهجموا عليه قريب 30 شخص ,, والناس عزل لاسلاح ولاشيء ,, وموجهين السلاح على كل اركان البيت .. والجيران مايخلوا حد يقف قدام باب بيته ,, يلزمة بقفل البيت ويقعد في بيته والي يطلع ياويله .
ربي يكون في عون العباد ,, وينصرنا قريب يارب العالمين والله تعبنا ,, والله اليوم لم نتدوق طعم الأكل ولا الشرب ,, والماء مقطوع ,, والمحلات مقفلة ,, ولاتقدر تطلب من الجيران لأن الحال سوى ,, والله الطفال اليوم ماعندهم مايشربوا ,,
حسبنا الله ونعم الوكيل

من طرف green army السبت 15 أكتوبر - 1:06

ايح يفتشونا تفتيش سميد مش دقيق

حسبى الله ونعم الوكيل والله فى ليبا النساء لرجل من الرجال

حسبنا الله ونعم الوكيل فيهم

لاحولا ولاقوة الا بالله بوشنه عقله امتسح قولولهم ميتبعوشى لعنة الله عليهم

سوسو كتب:لاحولا ولاقوة الا بالله بوشنه عقله امتسح قولولهم ميتبعوشى لعنة الله عليهم

من امتى عنده عقل بوشنه ولا جردانه؟
كان عنده عقل راهو لم قشيشه من اول يوم وقلب وجهه
وكان عنده عقل ولا احساس راهو ما وصلش الليبيين للحاله هادي
الحق في اللي يهزو في روسهم زي السطول وراه لعنة الله عليهم
ياليبيين من امتى حياشنا يتفتشو؟ومن امتى البنات يعتقلو فيهم حني كنا حتى المرور مايحقلاش يوقف بنت تسوق حتى لو دايره مخالفه الله اكبر وخلاص
الحمدلله على كل حال وربي يهدي من خلق