كل وقت عنده رجال.............الى رجال الظرف الحالي

فعلا لكل وقت رجال يحفرون اسمائم اما في صفحات المجد والعز او في مزابل التاريخ
واللعنه على كل خائن

كل وقت عنده رجال= وكل جيـل عنـده حضـاره
وكل فكر عنده خيال= وكـل عقـل عنـده دبـاره
وكل قلب عنده منال= وكـل كبـد فوقهـا مـراره
ومأيدوم شي حال موحال= فالدنيا قـد يمـه الغـاره
ايحل الرخا بعد لكلال= ويجي الربح بعـد الخسـاره
اتشوف الزها الوان واشكال= والمجدب ايبيّن اخضاره
ايغربل اتغربيل غربال= اليا الوقـت يبـرم مـداره
كـم عـرش كايـن وزال= باقيـات شاهـد اثـاره
وكم زعيم يوم القتـال =ضراتـه خيانـه انصـاره
باعـوه لعـداه وانـدال= هانـوه ضاعـن افخـاره
وكم غزي قزّن اعيـال= بـلا الأب باتـو سمـاره
وبرايات نـاس جهّـال= كساهـن الشيـب العـذاره
وما يخلدن غير الافعال= الا العمـر حـدد مسـاره
وراهم ايغّروك لنذال= ان دارو ارواحهم عصاره
يكشفّم المشوار لاطـال= والمخفـي ايبانـن عـواره
واللي عاش ربة دلال= يتعب ان شـاف الصغـاره
كان قبل كاسـب امـوال= متمتـع بعـز وكبـاره
حاط بيه ظرف نشال= ومـا عـاد يكسـاب بـاره
عليـه ظلـم الايـام دال= تبهـدل وقلـن اقــداره
والاخر اللي عاش هذمال= ومي امبيّتـه ويـن داره
تعلاّ وماعـاد ينطـال= ولا فـوق شالـو اخبـاره
امزكا انكان قال ما قال= متمكـن وفـارض قـراره
سبحان ربنا امغيّر الحال= نشا الكون عالـم اسـراره
خلق اجيال تخلف اجيال =وخالق اسـلام ونصـاره
وباسط الوطا ورافع اجبال= وتابـع الليـل بنهـاره
بامره استغنـوا أبخـال= والاجـواد بامـره فقـاره

لى شاعر ابوبكر رابح

فعلا اختى صح لسانك

صح بدنك

يعطيك الصحة تسلم اصابع اللى كتبت
كل وقت عنده رجال.............الى رجال الظرف الحالي 657344231

صح لسانك يااااااااااااااااخوى الله يحفظكم Flag

شكرا لمروركم

كل وقت عنده رجال= وكل جيـل عنـده حضـاره

وكل فكر عنده خيال= وكـل عقـل عنـده دبـاره

وكل قلب عنده منال= وكـل كبـد فوقهـا مـراره

ومأيدوم شي حال موحال= فالدنيا قـد يمـه الغـاره
Thump up

مشكورة علي هالكلمات

وكم زعيم يوم القتـال = ضراتـه خيانـه انصـاره
باعـوه لعـداه وانـدال = هانـوه ضاعـن افخـاره

الله الله على هذه القصيدة .. فعلا لكل وقت رجال ,, صح لسان الشاعر الرائع ابو بكر رابح على القصيدة الجزلة لقد كتب وأبدع وأجاد أن الشاعر لسان الأمه وهو الذي يشخص حالها وشاعرنا كان دقيق جدا في الوصف ونحن الأن نمر في محن عصيبة وكل حرف يرفع المعنويات مطلوب ,, صدقتي يابنت الرصيفة عندما قلتي اللعنة على كل خائن والعز لمن كتب أسمه في صفحات المجد ،، أشكر لكِ هذا الأختيار وسعيد بإطلالة حروفك المشرقة وحضور ذوقك السامي ,, دمتي بحفظ الله ورعايته