مازلت نا هو نا .. على ما طرالي في الحياه وجرا ..نظيف معدني

مازلت نا هو نا .. على ما طرالي في الحياه وجرا ..نظيف معدني
ما زال في إحساس .. وضمير إيتعذب من عذاب الناس
وما زلت نعطف رغم حقد الياس .. حتى إن كان ما عقب علي نما
قلع غرستي مالارض مالاساس .. ونشرها مع الارياح في الصحراء
حتى وهي هشيم وعروقها يباس .. كي قبر حاتم مي أحساب خلا
والمركب أتضره كثرة الرياس .. أن سافر و جاته عاصفه هوجا
ونا مركبي منسوخ بالحراس .. وين ما علي شط النجاة رسا
واللي قستا ما قاسها تراس .. طاحناتني الايام طحن رحا
امغير للمصابي درت قلب أنحاس .. وعبرة عبرة اليابان للمأساة
وما زال قلبي ما علن الافلاس .. قاعد رصيده للهموم دوا
وما زلت متماسك مثيل الساس .. كيف هرم خوفو عل الزمان عصا
وما زلت صامد كي جبل لوراس .. رغم هزات الدهر الاقوا
و الله يقرضك با بذرة الدرياس .. ربيع وطنها ديما عفاه جفا
وهناك كيفه من البشر أجناس .. اصحاب الفتن و الحقد و البغضاء
والله يلعن الوسواس و الخناس .. اللي للمحبة و الاسلام اعدا
وتحسير المذابح هو جزا لجناس .. لكن جبيني فيه عرق حيا
وما زال فيا الشعر للدراس .. أدروس وتجارب موعظة وهدا
وما زلت داير للرفق مقياس .. مصافي انصفي في الرفيق بها
أصحاب المروة قرعة المنهاس .. اللي في النوايب يوقفوا بسخا
معادن كريمة كي أحجار الماس .. علي كل ما تقدم أتزيد غلا
أن جا الياس يلقاهم أشداد الباس .. وأن جاهم رخا صفوا وعطا واحما
ونكره الغدر ساقيني الغادر كاس .. من طبيب في سكرة عطش واغما
و الظلم يا من البست الباس .. لا اتكون لي ولا أنكون لها
وهو ذيب يوسف حاس والله داس .. والله أنظره من دم الكريم دو ا
ترايوا عليه وركبوه حساس .. وشال وزر يوسف نين يوسف جا
مالي وما الزير و الجساس .. وحرب البسوس وداحس والغبراء
أستوعبت درس الشنفرة حساس .. من أمته الموتى يفهموا الاحياء ؟
وان كنت ورا عمران في الكياس .. أنشوف في بصيص الجدي و الجوزاء
أنحط الرحيل ونلتقط الانفاس ... ونحدد مساري قبل كل اوتا
و انشق الطريق الموحشة بحماس .. ونكون للخلا عابي بكل عبا
يا عصر فيه طموحنا ينداس .. من أي الكواكب جيت وأي فضا
ثقب الاوزون أزعمه واستقراص .. و الصحن اللعين إيغيرن الاشيا؟
أنحوس في متاهه حايسه محتاس .. امراه عكس امراه فيها انا
أستنجدت و خفت وصارلي إلتيباس .. وردن علي صوتي ألفين صدا
وحاولت مسك القلم و القرطاس .. ونبلغ صلاح الدين قالن لا
و جا العم ( جنكيز خان ) فوق خماس .. بحمامة السلام امغلف العنقاء
و الصليب والقديس و القداس .. و حرب النجوم وهالة العذرا
من شرق يثرب لا مغارب فاس .. عليه نفذوا الاحكام الاشقيا
الموساد نصب كم صنم تفساس .. ايردد افكاره كي الببغا
وربطهم ( شوار سكوف ) ربط أركاس .. رموز العرب في املوك في رؤساء
رسالة إلي الفاروق وألتماس .. الاسلام طالب في الاسلام أفتاء
الإسلام عندنا غيله وطعن أمواس .. وردت جميل الطيبات أذاء
والاسلام في إنحدار وأنتكاس .. شيع وماع وهدم ما ابتنا
ويا عمر تما حجنا (تكساس) .. ودين من النصارى و اليهود إيحا
وياعمر مجلس الامن و الجلاس .. أكلاب رامبوا تنبح علي من شاء
نصح عمر بالحسين و العباس .. وثورة الحجارة واطلبو الفناء

صح لسانك يا اخي

ابدعت

صح لسانك يا اخي

صح لسانك خوى فعلا ابداع

مازلت نا هونا**علي ما طرالي في الحياة وجرا**نظيف معدني
========
ونا مركبي منسوخ بالحراس**وين ما علي شط النجاة رسا
========
مازال قلبي ما علن الافلاس**قاعد رصيده للهموم دوا
========
مازلت صامد كي جبل لوراس**رغم هزات الدهر الاقوا
========
مازلت داير للرفق مقياس**مصافي نصفي في الرفيق بها
========
معادن كريمة كي احجار الماس**علي كل ماتقدم تزيد غلا
((هدا البيت هدية مني لي احلي خوت وخوات في احلي زنقة))
طبعا بعد ادنك**اناو سوليدر**
=======
يا عصر فيه طموحنا ينداس**من اي الكواكب جيت واي فضا
======
الاسلام عندنا غيلة وطعن مواس**وردت جميل الطيبات اداء

******
مشكور خوي علي هالابيات الرائعة
ومعاها صح لسانك

محمد القحص كتب:لاهنت ودام ابداعك ,, كلمات بالصميم ومعبره لله درك

تسلم خويا محمج و ياريت اتشاركنا بأبيات من عندك في جماعه قالولنا انك شاعر