الله الله يابات التريس........سرت وبني وليد...مجموعه رائعه.

بو منيار يابات التريس ......المعتصم بالله وسيف وخميس
الله الله يابات التريس
الله الله ياعز الرجال .........حب الوطن عندك بالنفيس
انتم من قبل سلالة ابطال .......تريس اجواد ماتعرف رخيص
وباعك جرذ ايقولوله اشكال........وعليه ايرد كله بالنكيس
خود العهد ماهو قول قال .......أنردوا الثار يا انموتوا فطيس
الله الله يابات التريس ...........مايسواك بوشنه لا ادريس
بومنيار يابات التريس
-------------------------------------
ما انسلموا في سيف لا عبد الله .....ولا نسلموا في ظفر سمح الطلة
ماانسلموا في والي ..........ثابتين رانا كيف قبل وتالي

***********************

سرت اللى دارت الامجاد .. واخرى فزعة بنى وليد
قايد وعياله شجعان........قيادة فرسان صناديد
فارس لا باع ولا خان .... شهادة انه صقر عنيد
وشعبة مع جيوش الصلبان...... وحلف الناتو بالتحديد
صادق سماهم جرذان .......الاسم اللى عمره ما يبيد
معمر اللى زهى الاوطان ..... تحدوه جيش عرابيد
عليه قالو عابد الاوثان ...... لقى ربه مطمان شهيد
سرت اللى دارت الامجاد ......معاها هلها ف بنى وليد

*****************

عرب اجواد وخوت اجواد***علي الميعاد***ايجيبوا للعظمى الامجاد
عرب وقفتها وقفة عز وقالت طز***مع قائد شامخ ما كز *** اللي عالي فوق مراكز *** وطق ازناد***فجارف فموطن لجهاد***بماضي قايدنا نعتز ***جديدك باد بعد يا العظمى جاك فساد*** انتي ياعظمى جاك الوز***اللي صياد***امجاهد نايل الاستشهاد***وداعا يا قايد ياعز *** بلاك سواد*** العظمى ماليها ضماد

**************

احنى اللى للكلام نوفو واحنى اللى للدموع النازلات انكفو
واضحين كيف الشمس ما نتخفو شهيرين من الماضى او تو مازلنا
واحنى دوم فى صف ضعيف انصفوا نصيرين للمظلوم يا جاهلنا
واحنى دوم عن دير العفانا انعفو ولانظلمو ولا نحب من يظلمنا
ولا يمين ولا يسار انلفوا اولا نختلو ولا نحب من يختلنا
واحنى دوم للصاحب اتقول نسايم جميل طبعنا واجد جميل عللنا
ان قلنا هدا وان قلنا فعلنا ماهناك مكاده
وان قلنا فعلنا من عوايد هلنا
واحنى ماتقولو فى الكلام زياده الى يعرف التاريخ ما يجهلنا

****************

كونه ضاع ضاع اختار الوطن وجاهد بلدراع وماسلمش ...... كونه ضاع ضاع
كونه ماهرب فعلان ماهرب اختار الموت ماختار الدهب صدق وين قال اول ماخطب انقاتل لين دمي ايصب صب ..

***********

مجموعة رائعة جدا وكل الشكر أختي بنت الرصيفة على هذه الروائع ورحم الله القائد وأبنائه والشهداء الأحرار وعاشت ليبيا حرة ابية

ابدعتي في اختياراتك ايتها المبدعه ====================================== Flag

سرت التي تتوسط ليبيا الحبيبه وخير الامور اوسطها Flag

شكرا لمروركم وكلامكم الجميل واتمنى ان تزودو الموضوع ببعض الاضافات من عندكم
وخاصة اخي محمد القحص ياريت نشوفو منك شعر سعودي عن الشهادة او عن الرجال البدو فانتم اقرب للشعر الليبي

مجموعة رائعة جدا وكل الشكر أختي بنت الرصيفة على هذه الروائع ورحم الله القائد وأبنائه والشهداء الأحرار وعاشت ليبيا حرة ابية
دائما متميزة *_^

اختي مقرحية وافتخر جابت زية بس للنص مشكور ليها دليل علي مستوى الذوق الرفيع الشعبي لأعضائنا الكرااااااااااام

قائدنا وعياله الشجعان***قيادة فرسان صناديد Thump up

=========
فارس لا باع ولا خان***شهادة انه صقر عنيد Thump up

=========
صادق سماهم جردان***الاسم اللي ما عمره يبيد Cheerful

مشكورة بنت الرصيفة علي هالابيات
ربي يدومك لينا

ياسرت حتى كي نغيب عليك .......... ان راد ربنا بعد الغياب نجيك إن راد المولى ........ إنجيك وانتي رايقة معدولة ......... مانكش من يالا العين الحوله .......... الجسم بره والجواجي فيك ......... وحق من نسخ لايات عند رسوله ......... زاهي روى في وسطك وفي واديك .......
إن راد العالي انجيك يا زها عيني وراحة بالي ........ ياسرت قمة راحتي ودلالي ......... فيك كل شي مني وروحي ......... فيك يا ساكنة الواقع وكل خيالي ......... ما خالن حكاويي لي امفيت عليك ......... سرت أولافي .......... سرت الرباط اللى متين ووافي .......... عزيزة وبك تعتز يا قذافي ......... ثراها اينادى يا امجاهد بيك ......... و اغيابنا ماهو اغياب مجافي ......... فى اقلوبنا يا سرت دون شريك ......... أم الجميع ودوم طرفك ضافي ......... نحنا ضنا كبدك ومنك ليك
الله الله ياسرت

جاهد ابكل جساره *** عليه يشهد التاريخ بللي داره
عليه الثنا والقول موش اخساره *** شهيد بطل مفتخرين بيه احفاده
فارس نوا درب الجهاد اختاره *** دون ليبيا ناضل ونال شهاده
ومعاه من ضنا وطنه اجواد عصاره *** فرسان ليبيا يوم العناد اسياده
اربات عز لخشوم العدو كساره *** جوارح احقوق ابلادهم رداده

يابات المعتصم بالله ماقصرت********خضت المعارك في شوارع سرت

قذافيـــه بنت اجواد كتب:

جاهد ابكل جساره *** عليه يشهد التاريخ بللي داره
عليه الثنا والقول موش اخساره *** شهيد بطل مفتخرين بيه احفاده
فارس نوا درب الجهاد اختاره *** دون ليبيا ناضل ونال شهاده
ومعاه من ضنا وطنه اجواد عصاره *** فرسان ليبيا يوم العناد اسياده
اربات عز لخشوم العدو كساره *** جوارح احقوق ابلادهم رداده

صح لسانك