الأن ... هذا حال اللذين فرحو وهللو لأستشهاد القائد فى شوارع العاصمة طرابلس

السلام عليكم ورحمة الله وبركاته

واحد يكذب ...
وواحد ينهب ...
وواحد يشتم ...
وواحد يخرف ...
وواحد يعتصم ...
... ... وواحد يسبسب ...
وواحد أمسكر الحدود ...
وواحد أمسكر المطار ...
وواحد أمسكر الطريق ...
وواحد يهرب في الإثار ...
وواحد راسه وراس القبور ...
وواحد يدني في النويرة لقديرته ...
وواحد بداء يحط في خطوط حمر ......
وواحد كان مااخداش حقيبة بيقلب الحكومة ...
وواحد يبي ليبيا فيدرالية باش يحصل ما يلهط ...
وواحد مايبيش ايسلم سيف للــحكومة المركزية ...
وواحد يا يشد المجلس العسكري يا نهاركم أحرف ...
وواحد يتاجر بالدين وكان تتكلم يطلعوك فتان وكافر ...
وواحد جماعته طايحين خنبة ويقولك لا هادو مش لينا ...
وواحد قاتل عبدالفتاح وإللى معاه ومايبيش يسلم روحه ...
وواحد ما يبيش اللغة العربية بس اللغة الرسمية في الدستور ...
وواحد يشتم فى قطر ولاخر يدافع عليها تقول توكل فيه وتشرب ...
وواحد طايح فيها تهديد كان ما داروش اللي في باله يقط الحكومة ......
وواحد يضربها سكرة ويشدلك بوابة وحيه على عمكم حيه حد يقرب ...
وواحد يشبح في قبيلته ويصلي عالنبي تقول ربي ما خلقهم إلا هما ...
وواحد على خاطر حقائب حكومة مؤقتة يطلع المجلس الإنتكاسي خونة ...
وواحد يشبح في رويحته ومدينته وبس يقولك لولاي راهو ليبيا تقسمت ...
وواحد يبيها إسلامية !! عاد الله قتدهار !! تقول باقي الليبيين مش مسلمين ...
وواحد يفتح قناة تلفزيونية ولا إذاعية ويلمع إللي يبيه و يمسح بي إللي يبيه ...
وواحد يخوف في الليبيين ويقوللهم البترول بيكمل وديرو حل لروحكم من توة ...
وواحد شادها على المصارف باش يصرف ألفين دولار ويطلع للسوق يبيعها بمكسب ...
وواحد ما يعجباش شكلك يشريها معاك ويجيك بسيارة 14.5 وعينك ما تشوف الا النور ...
وواحد مداير جمعية خيرية ويلقط فالفليسات بسم عوائل الشهداء والجرحى ويدس في جيبه

... كيف عاد هذه ضريبة الحرية والديمقراطية التى لم تذكر لا فى كتاب الله وسنته ، أوتحسبون الخروج عن ولي الأمر بالأمر الهين ؟؟؟...

والسلام عليكم ورحمة الله وبركاته

الله لا تغيب عليهم بلاء يارب ====================================== Flag

سرت التي تتوسط ليبيا الحبيبه وخير الامور اوسطها Flag

والله الا صدقت يا خوي
هـــــــــــــــــــــــــــــــــــــــــــــــــــــــــــدا حالهم
كفيت وفيت

منور

لا وفوق من هذا كله نقوللهم شن هالثورة الي انتو درتوها وعمايل المخزية من الي يسموا نفسهم ثوار يقولولي (هذو ماهم ثوار الثوار الحقيقين قاعدين في حياشهم) هذو مفرخ كان كل منطقه اذم في ثوار الناتوا تبعها وينهم الي كويسين.............
لايوجد والحمد الله هههههههههه
ياشينك حكومة وجرذان الله يجيرنا وفخار يكسر بعضه

الله لا تغيب عليهم بلاء يارب ====================================== Flag

سرت التي تتوسط ليبيا الحبيبه وخير الامور اوسطها Flag

ونزيدك واحد سارق سيارتي ومنزلها في سوق ليبيا المفتوح وقال منحيها من كتيبه ويبي يبعها عينى عينك بنص الثامن

وين بتشكى قانون مافي وجردان مانطيحلهم خشمى طز راح عمورة واولاده لابال سيارة العاطى حى ربي يعوضنى احسن منها Flag

صدقت والله وهذا هو اللي صاير ومازال البلاء القدام ماشافو شئ ان شاء الله من هذا واكثر والله ماتغيب عليهم بلاء

هذه ملحمه رائعه يا عز القائد واقترح عليك استمرار تطويرها وادعو الاعضاء للمساهمه
واحد يستنجد بالصليبين لحفظ الامن
واحد شاهر سيفه وكل الاخرين كفار لرؤسهم القطع
واحد يمصمص فى الخزينه لينهب اكبر ما يمكن قبل انقضاء المده

من طرف gandopa الأربعاء 7 ديسمبر - 12:03

رب اغفر لي ولوالدي، رب ارحمهما كما ربياني صغيرا
عَنْ أَبِي سَعِيدٍ الْخُدْرِيِّ رَضِيَ الله عَنْهُ أَنَّهُ قَالَ: قَالَ رَسُولُ اللَّهِ صَلَّى الله عَلَيْهِ وَسَلَّمَ: "يُوشِكُ أَنْ يَكُونَ خَيْرَ مَالِ الْمُسْلِمِ غَنَمٌ، يَتْبَعُ بِهَا شَعَفَ الْجِبَالِ وَمَوَاقِعَ الْقَطْرِ، يَفِرُّ بِدِينِهِ مِنَ الْفِتَنِ". وَعَنْ أَبِي مُوسَى الأَشْعَرِيِّ رَضِيَ الله عَنْهُ قَالَ: قَالَ رَسُولُ اللهِ صَلَّى الله عَلَيْهِ وَسَلَّمَ: "أُمَّتِي هَذِهِ أُمَّةٌ مَرْحُومَةٌ لَيْسَ عَلَيْهَا عَذَابٌ فِي الْآخِرَةِ، عَذَابُهَا فِي الدُّنْيَا الْفِتَنُ وَالزَّلَازِلُ وَالْقَتْلُ". وَعَنِ الْمِقْدَادِ بْنِ الْأَسْوَدِ رَضِيَ الله عَنْهُ قَالَ: ايْمُ اللَّهِ لَقَدْ سَمِعْتُ رَسُولَ اللَّهِ يَقُولُ: "إِنَّ السَّعِيدَ لَمَنْ جُنِّبَ الْفِتَنَ إِنَّ السَّعِيدَ لَمَنْ جُنِّبَ الْفِتَنِ إِنَّ السَّعِيدَ لَمَنْ جُنِّبَ الْفِتَنُ وَلَمَنْ ابْتُلِيَ فَصَبَرَ فَوَاهًا". اللهم إنا نعوذ بك من الفتن ما ظهر منها وما بطن.