ليش هكى يالليبين انتم ؟

بسم الله الرحمن الرحيم

السلام عليكم ورحمة الله وبركاته

شباب بنات وربى مانجامل حد بنسالكم ليش تخلوا موضيع بعض الناس الجرئيه تحدفوها ولا تنقلوها لى قسم المنتدى الخاص بالاعضاء فقظ ليش ماتكون للعامه

باهى شنو فيه موضوع سرى للغايه مافيه شى عشان ينقل لى الاعضاء فقظ

تى وين الحرية الراى ياخوان مايجى هكى

لازم كل يشوف يقول رايه دام ماغلط ولا جرح

ليش هكى انتم يالليبين ؟ ديمه تعرقلوا فى الشخص وترجعوا فيه الوراء

من طرف ناصر1 السبت 11 فبراير - 10:22

ليبيا خضراء كتب:بسم الله الرحمن الرحيم

السلام عليكم ورحمة الله وبركاته

شباب بنات وربى مانجامل حد بنسالكم ليش تخلوا موضيع بعض الناس الجرئيه تحدفوها ولا تنقلوها لى قسم المنتدى الخاص بالاعضاء فقظ ليش ماتكون للعامه

باهى شنو فيه موضوع سرى للغايه مافيه شى عشان ينقل لى الاعضاء فقظ

تى وين الحرية الراى ياخوان مايجى هكى

لازم كل يشوف يقول رايه دام ماغلط ولا جرح

ليش هكى انتم يالليبين ؟ ديمه تعرقلوا فى الشخص وترجعوا فيه الوراء

أولا: موضوع سري للغاية مكانه صح ، لأنه في مضمونه موجه للأعضاء
ثانيا: أنت تصف الليبيين بما تصفهم وانت منهم، فها انت تنصح وتوجه الى ما تراه صوابا
وكذلك الاعضاء فهم يعملون على تحقيق هدف اجتمعوا عليه في هذا المنتدى
وها انت تنشر ما تريد بكل حرية
وللادارة أن تصنف المواضيع حسب طبيعة وحساسية الموضوع والزوار المستهدفين به

أخي لم نعرف ما تقصد

وجه رسالتك لاعضاء المنتدى ولا توجهها لليبيين

شنو الليبيين كلهم شريكين في منع المواضيع اللي تقول عليها

عموماً أخي الادارة تعرف اللي يلزمها ومصلحتها وين

دع عنك الانتقاد اشتغل كماا تحب
وماهو من اختصاص الادارة هى ادرى به

سرى للغاية لم يكون موجه ياخوى الاعضاء لا والله

وكان موجه لليبين كلهم دون استناء

وانا ياخوى ماقلت شى يسئى للمواطن الليبى ولكن طاللب باشياء بسيطه جدا

ولكن نقاط مهمه جدا

يعنى عشان قلت راى طلعت منتقد وطلعت مانشتغل ؟ وطلعت مش عارف شنو ؟ بالصراحه لاتعليق

يأخي الكريم اكيد الادارة ليها رأي واستنى قبل ماتتحامل
ثانيا موضوعك صح موجه لكافة الليبيين بس ان وجهت الكلام بطريقة غير مباشرة للأعضاء الي يكتبوا في المنتدى ولما ينحط في القسم الخاص بالاعضاء اكيد حيشوفوه ويأخدوا بالفكرة
وكلمتك قوية ليش انتم هكي ياليبين شن دخل الزوار في اعضاء المنتدى الي يكتب ويعلق الاعضاء مش كافة الليبيين
يااااريت وصلت الفكرة
وتسلم علي الافكار ياحر

ليبيه بينى وبينك الصبر يجيبه ربى

والله هدا عيبى مانصبر وعصبى ومش عارف شنو اعتراف بالحق فضيله لكن يجوز بس يعنى مستغرب ليش انتقال غادى الموضوع وهو عادى جدا

بالنسبة ليش انتم هكى يالليبين المقصود بيه التركمات الى تصير نتيجة المواقف يعنى الى يعتبره الطرف الاخر الى هو انا او غير موقف سلبى اتجاهى بالغظ النظرعن الموضوع ولا فكرته

نحب نقولك مش بالضرورى نتكلم عن الموقف هدا بس يعنى اكيد فيه ترسبات اخره خلتنى نقول ليش انتم هكى بالليبين

المهم اختلاف فى القضيه لايفسد الود

ومنوره يامناظله على مرورك الكريم