وما تركعي لو حاصروك أسنين ،،،

وما تركعي لو حاصروك أسنين ،،،
أنتي بنى وليد وهلك جبّارين ،،،
،،،،،،،،،،،،،،،،،،،،،،،،،،،،،،،،،،،،،،،،،،،
أنتي صمود الماضي ،،،
حتى الله فى علياه عنك راضي ،،،
حاصروك طمّعهم أسكوت القاضي ،،،
هم وين فى أكتاب الدهر وأنتى وين ،،،
وهم فيك ما رضيوا أحلول تراضي ،،،
وانتى حديدك صب كيف أيلين ،،،
خلّيك منهم يلعبوا فى الفاضي ،،،
ضحكوا اليوم وتضحكى بعدين ،،،
،،،،،،،،،،،،،،،،،،،،،،،،،،،،،،،،،،،،،،،،،،،
وما تركعي لو حاصروك أسنين ،،،
أنتى بنى وليد وتخلصي في الدين ،،،
،،،،،،،،،،،،،،،،،،،،،،،،،،،،،،،،،،،،،،،،،،،
أنتي بن وليد الشامخة القوية ،،،
ياريت فى ابلاد الله منك ميّة ،،،
مازال تخدمي عالعز والبيتية ،،،
وعصيتي على زمرة المرتدين ،،،
وناسك أخيار الناس ، ناسك حيّة ،،،
وأن طالت الدنيا تخلصي فى الدين ،،،
حاصروك ، ما وصلوا أخباث النية ،،،
بعد جربوا سمّوك بالطاجين ،،،
حاصروك ليش وكيف لأى قضية ،،،
وليش يقطعوا التموين والبنزين ،،،
مش قالوا خلاص الدم صار أمية ،،،
واحنا كلنا فى الوطن ليبيين ،،،
ومش قالوا رفعنا رآية الحرية ،،،
وقالوا سواسي الناس زين وشين ،،،
ولا عاد شرقية ولا غربية ،،،
خوت فى التراب وخوتنا فى الدين ،،،
وانتى موش لانذال العرب مرمية ،،،
ولاك دار يحموها الصليبيين ،،،
وانتى دوم من دم الغريب بريّة ،،،
ايش جابه وهو ظالم لسوف الجين ،،،
وأنتي ارجال ومال موش أشويا ،،،
وأنتي الرفق والعز والبازين ،،،
شبابك أيعيدوا بك القرضابية ،،،
ويفدوك لو طاح العرق فى العين

صح لسانك اوخى او تحية لبنى وليد الصمود بنى وليد التحدى ربى يحميها ويحفظها

ليبيا التحدى كتب:صح لسانك اوخى او تحية لبنى وليد الصمود بنى وليد التحدى ربى يحميها ويحفظها

بارك الله فيك اوخيتي صامدون بأدن الله

أنتي صمود الماضي ،،،
حتى الله فى علياه عنك راضي ،،،
حاصروك طمّعهم أسكوت القاضي ،،،
هم وين فى أكتاب الدهر وأنتى وين ،،،
وهم فيك ما رضيوا أحلول تراضي ،،،
وانتى حديدك صب كيف أيلين ،،،
خلّيك منهم يلعبوا فى الفاضي ،،،
ضحكوا اليوم وتضحكى بعدين ،،،
كلمات جميلة عاشت بن وليد وعاشوا هلها

راااااااااااااااااااااااااااااااااائعه جدا القصيده صح لسانك اخي وتسلم بني وليد وهلها ====================================== سرت التي تتوسط ليبيا الحبيبه وخير الامور اوسطها

وما تركعي لو حاصروك أسنين
أنتي بنى وليد وهلك جبّارين


تحية لبنى وليد الصمود والتحدى ربى يحميها ويحفظها

وما تركعي لو حاصروك أسنين
أنتى بنى وليد وتخلصي في الدين

وما تركعي لو حاصروك أسنين ،،،
أنتي بنى وليد وهلك جبّارين ،،،


صح لسانك يا حر

بإذن الله تعالى بني وليد سوف تكون شوكة في حلوق الجرذان والخونة والعملاء