من صفحاتهم .. جرذان مضحكة

عبدالله ناكر قالو هوا اللي هرب عبدالله السنوسي برا من ليبيا .. وخذا حقاته طبعا .. كان الكلام صح .. معناها اسفين واجد ياناكر .. قبل نحسابوك تكذب ..

- خطرها عالتهريب .. كان سمعت حاجة على سيف بالله قوللنا .. خير ما نسمعوها من ب...را .. ماشور شي

- الحكومة لها 5 شهور وهيا تبدي استعدادها للسيطرة على الحدود والمنافذ .. خلاص يا حكومتنا العزيزة .. إنما الاعمال بالنيات

- المستشار مصطفى عبدالجليل يعلن عن قائمة الثوار الوحدوين الاحرار وعلى رأسها فوزي بوكتف .. عبدالله ناكر ..عبدالحكيم بلحاج .. مختار الاخضر .. وقريبا ستصلنا القائمة كاملة

- امس طالع مالقناة الساعة 12 فالليل .. القيت شباب يسكرو في الشارع ويولعو في نار .. شن في ياشباب .. قالو ماعطونش فلوسنا ونحنا اللي درنا درنا درنا ..باهي الحكومة ما عطاتكش فلوسك .. شن دخل الشارع

- خطرها عالفلوس .. ال2000 جنيه نحسابهم يوم 2-4 يبو بعطوهن .. تاريته الموضوع في نماذج وتشيلهن للسجل المدني .. ونقناق .. مش قلتلكم يجيكم 17-2 والالفين مازالن ماجن

- مدير إدارة جهاز المشروعات في جهاز ادبيبه وقبلها مدير المشروعات في ليبيا من89 لعند ال2000.. وتوا .. وزير للمرافق!! .. معناها جيبو ادبيبه ومسكوه الحكومة الجديدة .. وخلو سيف يكمل مشروع ليبيا الغد بالمرة .. ماهيا صارت صارت

- اليوم جيت لاجدابيا .. خطمت قدام المجلس المحلي القيته امسكر .. رئيس المجلس الاول قالو في مصر ومايبش يسلم .. والجدد يستنو .. والمواطن المسكين .. تحمل 42 سنة .. كان تحمل شوي اخرى شن يبي يسيرله

- كنت نمشي في وسط البلاد .. بحتت لوطة القيت باكو مناديل مرسوم عليه علم الخزي والعار .. والناس تعفس عليه .. وقالو في حتى دخان ... الناس ماتت عشان ترفع الراية هذي فوق .. ونحنا !!! ربي يصلح الحال وخلاص

هههههههههههههه شكراا ياخوى

يا عليك مغفلين وسذج

معقولة اعقولهم لهدرجة هكى حسبنا الله ونعم الوكيل