غابو التريس الوافي اللي يهتفو بالله والقذافي,,,,,,,,,,,,,,,

غابو التريس الوافي اللي يهتفو بالله والقذافي....
اللي قدمو لرواح شي اضافي بعدالصراع المر جندي جندي..
اللي وين ماجنك اعقود صفافي ماريبو من بطشهن لمقندي..
اللي سطرو تاريخ ماهو خافي فغيابهم من قبل قولي عندي..
ابطال فنوايب حيلهم متلافي ايفزو كما فزت جواد امفندي..
ولو لطلسي ماكسره مجدافي ماتسقطي فيدين كم امرندي..
وتمو ورآ ماكين عاري حافي له يفرشو لبساط تم قلندي..
هلهم اللي باعو التراب السافي لايطاليه بعد الاتراك سفندي..
يدوسو المجد ويقطعو فطرافي بسم التحرر غير ماني هندي..
وتمن شظايا دمهن غزرافي دون القليد الرتل تم شرندي..
طارت بلاطيار لستهدافي في سرت فغياب الافزاع وحندي,,,,,,,,,,,,,,,,,,,,,,,,,,,,

منقول

شكرا على عذب الكلام وجزالته

اقول لاختي بيت الرصيفة ايضا:

تريسه قاعد... ومازال يحلفو بالله انه صامد
منهم يلي روحه فداها بساعد
ومنهم يلي مازال روحه تعاند
حالفين العظمي ايردوها من يلي شارد
من غربها وعدى للشرق لين امساعد ..
تريسه قاعد ... ومازال بعد غيبته يحلف بالله انه صامد
.............
تريس امعندى لايخاف من غازى ولا جرد مرندى
يا بنت الرصيفة نعاهدك بالله ... راهم بندى
كلاب العملاء، مليونهم امعانا يساوى جندى
وتريسه قاعد ...وساعة الفزعة ايجوها جارد

هذه الابيات فقط كي نقول ان الشهداء منهم من قضي نحبه ومنهم من يجاهد في سبيل الله الي النصر المبين باذن الله ..

شكرا اخي فهد على ذوقك

من طرف ???? الأربعاء 25 أبريل - 15:04

شكرا على الكلام الرائع المنقول

خوي مغاوير ابدعت والتريس قاعدين ومعنوياتنا هما اللي يرفعو فيها ربي يحفظهم
وهذه ابيات بسيطه من اختك ان شالله تعجبك

ع العهد كانو وبالقسم وعدونا,,,,,,,ونحلف ببيت الله مانسيونا
نحلف نيابه عنهم,,,لا ريبو لا سلمو فوطنهم,,,,,,دوم للشهاده واهبين كفنهم,,,,راهم تريس العز مايخونونا
لا مايخونو,,,,دوم ف النوايب يدعكو ويكونو,,,,,فدا راسهم كل الارواح انهونو,,,,يالله احفظهم اللي يبونا
دوم احفظهم,,,,,يالله ارفعهم ولا تخفضهم,,,,,واجعل شفاعة سيدنا تتبعهم,,,,هاللي بقو ع العهد ماباعونا
لا ماباعو,,,,لا هم من اللي روسهم ينطاعو,,,,دون وطنهم هبو وجو يداعو,,,ونحن بنات الوطن ماهانونا
ماهانونا,,,,ووين سمعو فداء تقول بيغتصبونا,,,,ولعت النار فجوشهم كانونا,,,فزعو وخشو ع العدو وجنونا
نختم كلامي بالدعا لمولانا,,,,,يالله قربهم يجو يالانا,,,بهم نفرحو وهم يفرحو لملقانا,,,,ونطرد اذناب الذل اللي خانونا
ع العهد كانو وبالقسم وعدونا,,,,,,ونحلف ببيت الله مانسيونا

بنت الرصيفه