دايرات ما في روسهن ما واطن

من طرف green girl الجمعة 1 يونيو - 4:53

دايرات ما في روسهن ما واطن ** ومن قبل ما لهنش فا لتكهيب @ وقت الخطر والموت ما يحتاطن ** أسود فالبرور أيخوفن فا لذيب @ أتقول غير فا احبوب الدوا ايتعاطن ** سكاري نهار الشوم شي عجيب @ عاليات كيف أسهيل ما يتواطن ** وعاصيات عا لتهجير و الترغيب @ واسياد فا المدينه وما لكات معاطن ** وايردن الضيم وناهضات غريب @ خازنات ديما سرهن فا لباطن ** نين تنظروهن يخرطن فا لشيب @ هن والشرف والعز ما يتخاطن ** حتي واريهن مرات راي عطيب @ الراي العطيب أمنين ناظن شاطن ** حتي وهو عطيب الراي دوم أيصيب @ وهن رفاقه عمر ما يتخاطن ** وما زالن أيعزن والبطون أتجيب
========================================================== Flag

سرت التي تتوسط ليبيا الحبيبه وخير الامور اوسطها Flag