سألني أحدهم ماذا تعني بكلمة حرة

وجدت احد الاعضاء وبارك الله فيه يسالني سؤال انت بنغازيه وعارفين بس لماذا حرة ؟

هو بصراحه معاه حق لان كلنا احرار وانا كتبتها لهذا السبب وبارك الله فيه لان طالما هو سالني فممكن يكون حد تاني عنده نفس السؤال خاصه في هذا الوقت

هذه اجابتي

عندما دخلت للمنتدى دخلته لانني مؤمنه بالحريه الذي جعلني اقرنها بااسمي واعني بها اني لست راضيه على وجود العدو الصليبي على ارضنا انا من بنغازي وانا ضد ماحصل من البدايه لم ارضى باي شي لقد كنت حرة قبلا ان ماتقوله النساء اليوم في المنطقه الشرقيه عن الحريه استغرب لها لماذا ؟ لان المراه في ليبيا تتمتع بالحريه وهذا ليس كلام اقوله

لو نظرت بس لبنغازي لاني فيها ايش اللي كانت محرومه منه المراه ؟ كانت تتعلم بمزاجها كانت تقعد بالمنزل بمزاجها كانت تقود في سيارتها في اي وقت حتى والله يمشن للفرح بسيارتهن ولابسات زي الفرح عمرنا مسمعنا ان وحده تم خطفها من سيارتها كانت تخرج في الصبح بدري عادي

لوجيت للبس الدوله مش فارضه علينا لبس معين كيف دول معينه يعني لو بتلبس محتشم تلبس او اللي بتلبسه والله واخذات راحتهن ولو جينه للمحجبات اللي يبن يلبسن الخمار والله عندنا واجدات مافيش حد يكلمهن عليه

تبي تشتغل تشتغل تبي تقعد فالمنزل تقعد تطلع تسوق تطلع للمنتزهات وكل مكان في كل وقت واي وقت

الجوامع مليانات خلوات للحفظ والله يمشن للحفظ يمشن للصلاه والحمدلله مافيش اي ضيق وهكذا هي في كل مناطق ومدن ليبيا يعني هي حرة

تعرف وان انا بجد استغربت في كلام اي وحده تقول حسينا بالحريه بعد يوم 17 ؟ انا الان نحكي ع النساء ماذا تعني كلمه حريه لهن؟ ايش اللي كانت محرومه منها بس

لو نبو انجو انطبقوا الدين الاسلامي صح والشريعه الاسلاميه صح مافيش اي وحدة متعرفش لان مفيش عليها اختلاف مش نطلعو فالشارع ونقولو تحررنا ؟؟؟

لهذا انا حرة

من طرف Zico الأحد 10 يوليو - 22:59

منورة وأنت حرة من قبل وزادت تبتث حريتك وستظلين حرة في بلاد الحرية

من طرف أحمد الأحد 10 يوليو - 23:01

بارك الله فيك بلغتي ووفيتي

من طرف ???? الأحد 10 يوليو - 23:57

منووووورة يا حرة ..معنى حرة هى ان تعيش الحريه وتقول لا للغرب لا لتقسيم ليبيا لا للقتال يعنى كلامهاا كله حق ومنطقى واسلامى وبارك فيك يا اختى بنغازيه حرة اسم على مسمه ربى يحفظك

والله ان بنغازي بل وليبيا كلها تتشرف بيك وماعاش اللي يحرمك من الحرية اللي عبرتي عنها بكل بساطة .والتساؤل اللي طرحتيه لطالما شغلني ولما سألت بعض من هؤلاء الواهمون قالوا ان الحرية هي أن يسبوا القايد بدون ماحد يكلمهم فهل كان السب والشتم حرية يامن تقولوا لا اله الا الله محمد رسول الله؟؟!!!

سألني أحدهم ماذا تعني بكلمة حرة

سألني أحدهم ماذا تعني بكلمة حرة

رد: سألني أحدهم ماذا تعني بكلمة حرة

رد: سألني أحدهم ماذا تعني بكلمة حرة

رد: سألني أحدهم ماذا تعني بكلمة حرة

رد: سألني أحدهم ماذا تعني بكلمة حرة