حاست وغاب جملها ,,,,,,,,

نتنفس من الأخضر كتب:

حاست وغاب جملها وسهلت عاللي حلم ما يوصلها

انكان توجعك

جملها غايب وهي دايحة بين الأوطان دهايب

لا هوبت ولاعاد جاها هايب ولا عاد لقيت من يفك وحلها

اليوم حالها حال العطيب شطايب هذا حالها وهذاي هو منزلها

طاحت وطيحها الزمان الخايب وشاخوا مخايبها على عاقلها

كيف الصغير اليوم كيف الشايب ازابوا على الشينة وجو فأولها

ما تقول كنا يا زمان حبايب شوف العرب بالله شوف عملها

وما جيت نحكيلك على السبايب جروح واجدة وكاثر اليوم عللها

اللي قبل كانت عايشة وطرايب تصعب على الغازي إيجي ينقلها

واليوم تمت للأنذال رغايب واحد يبي يصيدها والأخر يبي يقتلها

جملها عدا

والغير ما لقيت معاه مودة

بعد عزها باتت اليوم في شدة وضاقن عليها سهولها وجبلها

اللي قبل كانت في الخلاء ممتدة اليوم قاصرة حتى على منهلها

من ضيم الزمان ومن مشاكل عدة وأشياء واجدة ماني بسرد عللها

لو كان نحكيلك اتجي منهدة دموعي تقول سيول جت منجلها

جملها رايح وهي حالها حال المريض الطايح

انباعت وباعوها أقلال ربايح وزاد الزمان يا بوقرين خدلها

مهاميل في وسط البساط جوايح تقول جرب ما والي يبي يقبلها

في وين ما تمشي إيجيها مايح من وطنها ناوي يبي يجفلها

وما عاد تنشدني ياما تريس ملايح الأرواح باعوهن نهار شكلها

حاست وغاب جملها

librom كتب:ما أضيق العيش لولا فسحة الأمل
انشاء الله منتصرون

عز الرجال كتب:انا عندى امل ان جملها موجود وهو في استرحة المحارب ولا تنسو انهم مراوغ من الطراز الرفيع وياما راوغ العالم من قبل