جلسة مع لجواد

جلسه مع لجواد فى سهرايه .......... هى منية الخاطر أحدود الغايا
جلسة ليلــــــــــــــــــــــــــه .......... تعيد ما مضى عدة أسنين طويله
فى جوها يشكى الخليل خليله .......... بنفس صافيه تلمع أتقول أمرايا
وفيهم اللى يحكى ونا نصغيله .......... ويرتاح وين ما يجبد أمعاى حكايه
وفيهم اللى يدوى بما طاريله .......... بطيب نفس ما يجحد أسرار خفايا
...
وفيهم اللى يلقى الحديث وسيله ......... عنها أيفرج فى أهموم قضايا
وكل جيل ما تكمل محاكى جيله .......... تنهض وديما للحديث بقايا
وترتاح الخواطر من أحمول ثقيله ......... راحة اللى لحمولها واطايا
متفاهمين نقضوا فى أوقات جميلة .......... ولا لغيرنا نجبد حديث وشايه
وحب وطنا ماأهناك شى مثيله .......... له نرفعوا أبعزة أعلام الريا
لو نموت ما نالف أوطان بديله .......... محفور فى القلوب غلاه من مولايا
جلسه مع أهل الهمــــــــــــــــه ........... فيها الوجوه الطيبه ملتمه
ناس لكلامى صاغيه مهتمه .......... وكل حد يدلى فى الحديث برايا
نهار نلتقى يصبح نهار مسمى .......... صحبه ووفاء وطيبة وصدق نوايا
ولا حد منا بعيب يفتح فمه ............... ولانا لخطية غيرنا عرايا
نجيب البعيد نقربه ونلمه ............... ومتمنى ضنا لجواد دوم أمعايا
وهااللى لنا حاسد يموت بسمه ............ مانبادلوا سية خطى بخطايا
أحنى صبرنا صبر الجبال الصمه. ........ أحنى فى الشموخ لروسنا علايا
جلسه مع لجواد فى سهرايه. ........... هى منية الخاطر أحدود الغايه

قناة النوايل

على القصيدة الجميلة أو الجلسة الجميلة بعد إذنك كان تناوليني كوب من الشاي على الجمر من فضلك ههههههه manoucia verreشكرا أختي

زرعت في شعبي الخير وعارفه ما ايقصر ،، ماعندي فيه جميل ولا علي فعلته نتحسر،، لو خانوا المرتدين فيه احرار ما توخر ،، عالنار ايهدوا متحدين وحتى للجبل اتكسر ،، عصارة امخلصين الدين بصمودهم العالم واحل ايفسر ،، علي مبداي كونوا صامدين جاي اليوم اللي فيه العدو نخسّر

نفعلو ماقنا عظيم قولنا وأعظم كان فعلنا,,,,أحني اللي للكلام نوفوآ
وأحني اللي الدموع النازلات أنكفو واضحين كيف الشمس مانتخفوآ شهيرين من الماضي أو تو مزال ...وأحني دوم ف صف الضعيف أنصفوآ نصرين للمظلوم ياجهلنا ,وأحني دوم عن دير العفانا ولانظلموآ ولانحبوآ من يظلمنا ولايمين ولايسارنلفوآ ,,ولا نختلـوآ ولانحبوآ من يختلنا
وأحني دوم للصاحب أتقـول نسايم جميل طبعنا واجد جميل عللنا
ان قلنا هدا ,وأن قلنا فعلنـا ماهناك مكاده وأن قلنـا فعلنا من عوايد هلنـا
واحـني مانقولوآ ف الكلام زيـاده الي يعرف التاريخ مايجهلنا

هههههههههههههههه بصحتك هي ليك وتستاهلها هالطاسة ياحفيد الاسمر من بنت النوايل تعرف والله حتى اني سهفتني

وتسلم يااسود ليبيا على الكلمات الرائعة التي سرتها

وبارك الله فيكم على مروركم

احنى صبرنا صبر الجبال الصمه *** احنى في الشموخ لرؤسنا علايا

تسلمي أختي العزيزة على هالقصيدة

والأجواد ما ترافق إلا الأجواد

من طرف librom الثلاثاء 11 سبتمبر - 18:09

مشكورة اختي الكريمة manoucia verre على هذه القصيدة
وبارك الله فيكِ

وحب وطنا ماأهناك شى مثيله .......... له نرفعوا أبعزة أعلام الريا
لو نموت ما نالف أوطان بديله .......... محفور فى القلوب غلاه من مولايا
جلسه مع أهل الهمــــــــــــــــه ........... فيها الوجوه الطيبه ملتمه
ناس لكلامى صاغيه مهتمه .......... وكل حد يدلى فى الحديث برايا
نهار نلتقى يصبح نهار مسمى .......... صحبه ووفاء وطيبة وصدق نوايا

ابيات ولا اروع صح لسان القائل وسلمت يداك اخت بنت النوايل الحرة صحيتي