شاعر من الشرق الليبي

من طرف gandopa السبت 2 فبراير - 17:13

يا شعبنا الليبي عليهم ثور
مية كتيبة وألف دكتاتور
حالك اليوم عطيب ،،،
بين فاطمة الحمروش بين الكيب ،،،
فيك ينهشن يا وطن كمّن ذيب ،،،
حصلوا علينا كلنا في سور ،،،
اوجوه عيب ما ايديرن امفيت العيب ،،،
اللي بان واللى ما ظهر مطمور ،،،
ايشدّوك بين الحبس والتعذيب ،،،
واوقات يحرقونا حرق في تنّور ،،،
لله في سبيل الله شي عجيب ،،،
الاسلام موش هكي بلطجة واشرور ،،،
من هو اللي ما عوّزوه حبيب ،،،
واللي ما فطس مرتمي مبتور ،،،

من غير نظهروا ما عاد فيه طبيب ،،،
وان كنت موش راضي يا امقريف غور ،،،
لا جيش لا شرطة ولا تدريب ،،،
وكمّن وزارة راسها طرطور ،،،
البقرة اتذر ويسرقوا الحليب ،،،
ويقولولنا يا شعب كون صبور ،،،
شباب ليبيا ذابل وراسه شيب ،،،
واللي ايديرها مابت اتجي في الشور ،،،
يا وطن مازال البطون اتجيب ،،،
فى كل جيهة بادية واحضور ،،،
انت وطنا ما نتركوك اتسيب ،،،
خود عهد ما تبقى الا مسرور ،،،
ـــــــــــــــــــــــــــــــــــــــــــــــــــــــ
شاعر من الشرق الليبي

من طرف ???? السبت 2 فبراير - 17:48

يا وطن مازال البطون اتجيب ،،،
فى كل جيهة بادية واحضور ،،،
انت وطنا ما نتركوك اتسيب ،،،
خود عهد ما تبقى الا مسرور ،،،

هذا عز ليبيا راهو مقعور
شبابها ضايع بالهم يشيب
السرقة كثرت فيها والزور
والشعب راقد فالذل يسيب
عيش واشبع من بو شاقور
هاذ الحرية في راي الذيب
يا لي قلت راني بها محقور
كنت عايش فالغز والعيش نصيب
اظلمت روحك اسكت ماكش معذور
ماعندك في الدنيا شافق واحبيب
***
معذرة الابيات باللسان الدارج الجزائري
وشكرا للشاعر الذي عبر عن الوقع ببراعة