الشاعر المناضل علي الكيلاني حفظه الله ورعاه

الله يحميك أخونا المجاهد المبدع علي الكيلاني

http://m.youtube.com/watch?v=PJuckLAVXDU

المجاهد علي الكيلاني

ما نمت منهن ليل تقول عالقياده لاهدات الخيل كان توجعك ما نمت منهن ليل
ما نمت منها غافي لا ضي والع لا الضي الطافي تقول في وسادي حاطين مشافي تجي قبالتي نقفز غطاي انشيل
خوك ياخدك بالحضن حضنه دافي وفي الظهر يطعنك طعنة بكل غليل
وأنت امدايره متقاك ع النفنافي وهاجاي اليا دارت الخيل صهيل
لو يبردنها حقوق خوذه وافي حقك وفوقه خوذ حق عديل
ونا عارفك زعلان لين مجافي واحني من وجعها كادنا التحميل
لكن قبالة الشئ ما هو خافي هذي طامزه كبرى ونكبة جيل
على ما عليها نستراو بالضافي بنت واضحة بانت بلا تمقيل
على ما عليها نكتحوا في السافي وهي مسمعره ترقى تزيد شعيل
يجوك وفد فوق الشوك يمشي حافي لو كان منك موجعه بتحيل
ولو كان هي ومازال ما هو كافي وما فيش في قلبك اهناك سبيل
مكتفين يا قايد كتاف أخلافي هاك موس ذبحنا بلا تقبيل
في وين ما نتغطى وفي وين رأسي ع الوساد نحطه تجي قبالتي فيسع انوض بنطه بعد صار هلي نقول مستحيل
كيف خوك يدخل للعدو في خطة وأنت حاسبه ساعة الدم يسيل
اللي ضامنه فازع فليله غطا طلع بايعك في السوق بالتدليل
طلعت قباله الناس مش مشتطه خيانة تعرت ناكره الجميل
متحشمين يا قايد الرأس توطى طايحين في طرفك علي انقيل
موش بسيطة يخونك اللي بيه الحذر والحيطه اللي تحسبه سدك طلع ساليطه على ظهرها بتمر الأساطيل
هاللي جدوده يفزعوا لي عيطه للخوت لا دار الرصاص ثقيل
طلع راسمك لعداك بيه خريطه وموضحك بالشرح والتفصيل
مش توجعك من خوك يطلع طيطه خاين وواضع في الخيانه ديل
اللي خان خاين روحه والرحلة طويلة وشاقه ومفتوحة وبالجاي مرحبا واللي مشي مربوحه وغربال ماله في الدبش تمييل
طامعين شافوها إلا ممسوحة خشولها عمم عليهم سيل
في من غرق واللي طلع في لوحه مشي في العلف خلف البحور ظليل
دوم للنوايب خيمتك مطروحة ومقصرين في حقك وكنت أصيل
رميناه حتى بحيط فوق سفوحه طاح الرطب منه تقول نخيل
انديروا الرزيلة العارية المفضوحة وهو في عباته يضمها ويشيل
مالناش اعذار وجايينك هكي جهار نهار وغالطين حد الغلط عاللي صار وعارفينها ما تنغسل بالنيل
وعارفينها سوده وصغا ومرار وعارفينها كبرت على التكييل
وقديش مره صاير التكرار ومن غيرنا ما سرتها بالحيل
درنا اللي في الغير ما تندار يا بال من حطك عليه وكيل
وحتى اللي هابوا بدوا جسار وتمت روايقهم علينا تسيل
كلاب ضالة وأذناب الإستعمار اللي قبل ما يبانوش في الدرميل
هذي هي فرصتهم لرد الثأر وحني بيدينا والعين فتيل
حني نازلين من حدره على جافار وانظني كوابحنا بلا تعديل
حني دوم في حقك وباستمرار ومهما علينا تحط راه قليل
هاذي جرودنا وأكبر عليها النار بلاك أنت ما عادش علينا تخيل

الشاعر المناضل علي الكيلاني حفظه الله ورعاه

الشاعر المناضل علي الكيلاني حفظه الله ورعاه

رد: الشاعر المناضل علي الكيلاني حفظه الله ورعاه

رد: الشاعر المناضل علي الكيلاني حفظه الله ورعاه