ماك هاينه يابرقه .... الله والنبي فالكبد تمت حرقه .... بعد ناركم

لا ما ايهونو قومي ..... حتي ولو كانو بعكس همومي
وحتي زمان اقراب خاطو لومي .... علي طير ناتو كابرين بعله
جونا تحامو قاصفين حرومي .... وانتم تقولو عالكفر بسمله
وماتو ضنانا ما صغو للرومي .... ومامن عرب منكم بهم تسله
ومامن عرب منكم غزو ديمومي ... ايعومو معا برنالد نعتوهله
ايعومو معا ياس العدو فقسومي ... اتقولو علينا خاطيين المله
تقولو علينا ازلام تو ترومي .... شوفي خبر لوباش يا منحله
ايام دك كافركم فشم نسومي .... لاهيين في رفعت اعلام الذله
ماهي شماته لا انبت اسمومي ... لكن خبر تاريخ نشرحهله
بعد ريت فيكم ضايقات علومي .... الله والنبي ميت خليل وخله
بتفجير مستشفي عليهم لومي .... وشديه باسك ليش ترخيهله
اصغارك هتايا فيه كم محرومي ... اشبح كبدته تمزيط مزطهله
وكم بات فاقد فيه عيل تومي ... تومي الخاطر مش والدهله
ورانا معاكم هامدات عزومي .... وحق النبي ماعاد قلن بله
وراكم اعزاز اعزاز في مرسومي .... وراكم ضنا وطني ونا ناقله
ما انريد كان الخير ليكم دومي .... وما انريد كان الخير نبعتهله
الله والنبي مفقود لي مردومي .... كان سيدها صاحب القفل وحله
دونك وقيسي قيس كل حشومي ... رد القياس وقال عاودهله
منقول للأمانة,,,,

من طرف Zico الثلاثاء 14 مايو - 1:45

منورة علي النقل اختي الحرة .....
وكلاااااااام رااااائع وابداااااااع لصااااحبه من الاخير ربي يحفظه الحر او الحرة ....
ماعندي ما نقووول فيه .... ترفع القبعة لصااااحبهااااا ....