النجع الحلقة (( 10 )) 2013 ,,,, حلقة اليوم بيت شعر ونتمنى من محبي الشهيد المعتصم بالله تكملة الملحمة ,,,,

النجع الحلقة (( 10 )) 2013

الشاعر علي الكيلاني


جروح معتصم ماهن جروح رصاص

أختام وأوسمة يقولـن نبـوا الخـلاص

حلقة اليوم بيت شعر ونتمنى من القراء الأعزاء ومحبي الشهيد المعتصم وكل الشعراء الشرفاء ومن جميع من لديهم صفحات ومواقع ايصال هذه الملحمة إلى كل الشعراء كلاً حسب امكانياته وقدرته على إيصالها ومن لديه مشاركة في الملحمة يمكن أن يشارك باسم حركي أو يرسل شعره لمن لديه موقع أو صفحة لنشرها ويمكن المشاركة تسجيل بالصوت أو مكتوبة أو مرئية


منقووووول

شعراء زنقتنا بنبدوا بيكم إن شاء الله

[rtl]جروح معتصم ماهن جروح وبس[/rtl]
[rtl]جروح وطن ضاع  لاخبر لاحس[/rtl]
[rtl]جروح كبيره[/rtl]
[rtl] جروح مالقين لتو جبيره[/rtl]
[rtl]سبب جبدهن خلف ذهاب الشيره[/rtl]
[rtl]المعتصم تدوا وين مالخوف عفس[/rtl]
[rtl]وعرب وطنا اللي كانت صفوف شهيره[/rtl]
[rtl]اليوم غيبو الا اللي فارس[/rtl]
[rtl] وعبدالله تشهد عليه براك وقيره[/rtl]
[rtl]وسرت الصمود ووادي الوليد اللي لاتو مانكس[/rtl]
[rtl]جروح يبكن جروح مابن علي شور الطبيب يتكن[/rtl]
[rtl]حالفت قالن لطببهن يتركن!!![/rtl]
[rtl] يخطن حروف للمجد وتدرس[/rtl]

[rtl]هذي طشيشه من محارب لكم وفي انتظار باقي الاجواد لتجود بما فاضت به قراحهم[/rtl]
[rtl]وان عدتم عدنا محارب ليبيا القائد والرايه الخضراء[/rtl]
[rtl]تحياتي لكم ولاستاذنا الكبير المناضل علي الكيلاني[/rtl]

[rtl] [/rtl]

منورة أمووووووووورة تسلمي يا غالية حتى أنتي مشاء الله عليك اهو عاونتيني وناديتي على شعراء الزنقة الله يبارك فيك

محارب تسلم يا ولد الأجواد وكنت السباق والأول دائماً وكما عهدناك وسمعتنا هالأبيات على هالملحمة وسلم الله لسانك يا رب وربي يحفظك وتم التقييم  

واعتقد بأن الكثير سوف يردون عليها وسوف تنشهر وتحياتنا للشاعر علي الكيلاني ولكل شعرائنا

وحقه بالنسبة للمسابقة في الحلقة 8 من النجع المقصود في القصيدة زي ما قلت وطلع الرائد خميس معمر القذافي

     
   

النجع الحلقة (( 10 )) 2013

الشاعر علي الكيلاني


جروح معتصم ماهن جروح رصاص

أختام وأوسمة يقولـن نبـوا الخـلاص

أختام قيادة
وسام شرف فوق صدره وصدر بلاده
فارس ولد فارس قوي الإرادة
مولع السبسي مقابله ترباس
في كانتيره تبان كي القلاده
ويبان دمها كيف الذهب والماس
هم ينبحوا فوجها وهو كي العاده
ينفخ عليهم لين نفخ الأنفاس
لكانها بوده حربهم ما راده
لكن وحل والفأس جي فالرأس
ولولا الناتو دحرهم ما كادا
راهم في لبريقة مكدسين أكداس
لا العار عقب لي أعظام أجداده
ولا لي خواله لا حرج برعاص
نوو سرت لي هلها يبوا الإباده
هم يقصفوا فيها وهي حماس
أعماهم الناتو والذيول جراده
غازيين مرتزقه بكل أجناس
يقولوا الله وأكبر بكل براده
سكارا وسراقه وقل إحساس
خلوو الوطن ما خلوش غير رشاده
وديما الخانب غالب العساس
مالشط عرض وطول لا الحماده
لولا الناتو سرت ما تنداس
فيها اللي عرض أعطاها أكباده
وفي ترابها استشهد وباع الرأس
قال وفعل ما غاب في ميعاده
المصحف قراه مالفاتحة للناس
شرق وجنوب وغرب ماله احداده
لا غاب لا خناس لا وسواس
باعوا الوطن وعالنين مزاده
وبعده بدوا لكلينتن حراس
قولولهم ما عقمت الولادة
تولد اللى يجيبولها القصاص
إيجي يوم حتى حجارها إتنادا
وينوضولها ما الرمل والحصواص
وتزغرد اللى لي كبدها كماده
اتحيد ثوبها لسود اتقيم أعراس
تسكب صفيه الصابره الوداده
دموع فرح تبشر بأمل بعد اليأس

البقية في البرنامج إن شاء الله

منقووووووول

 
بالله شوووووووفو هالشعر
 
رووووووووووووووووووووووعة كلام مشااااااء الله

*******


 
أجروح معتصم ماهن أجروح رصاص...

اختام و اوسمه ايقولن نبو الخلاص ..

اجروح كرامه ..خداته المنيه تامات ايامه ..

... اخسرنا قليد الغزي سيد الشهامه الله يرحمه فازع و عاري الرأس..

و يقعد علي مر الزمان كلامه حكمه لجيل الجيل كى لخراص ...

امنين في التاسير قوي اعزامه... و قايل كلام ايثير فيك احساس...

و لولا الناتو يا كلاب اوباما.. ما تحلمو ترمو تلاه حصحاص ...

غدرتو و خنتو بو عبا و عمامه كيف ما انغدر كليب من جساس..


,,,,,,,,,,,,,

منقووووووووووووووووووووووول وصح لسااااااااان القااااااااااائل

بصراحة عجبني هلبة هلبة هالشعر كلاااااااااام جدا رااااااااائع

عشتووووووو عشتووووووو شعرائنا الكرام

تسلمووووو علي كل كلمة حلوة في حق قاااااائدنا وشبله المعصتم بالله

تحيااااااااااااااااااتي ليييييييييييييكم

مشكورة يا أمووووورة وفي هلبه مشاركات للبيت هذا وما زال ما نزلتهم تو نبدأ فيهم

مهند ابريني :

لا نوفيلك .. مهما عليك نقول فارس جيلك .. واقف جبل صامد وثابت حيلك .. قدام الخيانة يا شديد البأس

Fakher Omar :

جروح معتصم ماهن جروح مذله .. جروح فارس عن وطنه ما تخلى

بوصدام المقرحي :

جروح معتصم ماهن جروح مذله .. بيهن أعلي شامخ الفوق تعلي

قولة قدافية اتسد:

ماهن جروح مذله .. جروح مجد عالمهن العالم كله .. جروح معتصم .. ماهن جروح مذله

ضو ابراهيم منصور

جروح الفخر ..
يقولن نبو الخﻻص يوم النصر ..
وبعد الظﻻم ايجى ﻻزم فجر ..
المهم نلقوله تريس اكﻻااااص ..
جروح معتصم ماهن جروح رصاص ..

صمتي قدري :

ماهن جروح اكلاش أختام أوسمة للذل ما تاباش
قالوا عليه انذل ماعمراش
حياالله يا حمزه ويا بلعاص
وحنا جروحنا موحال ما تبراش
لين نخلصوا في الثأر عام وخاص

هذه الكلمات للشاعر رفيق اسهيل

محمد محمد :

جروح اينقن جروح ينقضن في الجرح ما ينحقن
جروح معتصم ماهن جروح وعدن
يبن ثأرهن لو كان فيه إحساس
منهن قعدت انعاني جروح الخريف زادن عليا آلامي
وزد في حماسي اليوم يا كيلاني
لين ننتقم منهم ضنا الأنجاس
وحق النبي ما هو كلام الساني
مازال نفعلوا وإن شاء الله ترداس
وماهن جروح رصاص

طلال نعيم قمر:

أخوكم نعيم قمر شارك فى ملحمة الشاعر على الكيلانى ونبوا رأيكم في المشاركة

جروح معتصم ماهن جروح رصاص
أوسام وأوسمة يقولن نبو الخلاص
كانن جروح قوية .. قلبهن أوسام وليه ألف تحية
هذا شي يدرس وفى الكلية .. ويبدن قواعد كى حجر الأساس
هذا معتصم راهو ولد صافية .. تشكيلة حروفه موش كيف الناس
الميم مرجلة فتاريخ هالبشرية ..هذا شي مسجل وتم خلاص
والعين علمهم دروس قوية .. وفاتوا دروس الزير والجساس
والتاء ترباية ولد بيتيه .. أخلاق وشجاعة فات فكر الناس
والصاد صبلهم النار الحية .. نسيتوا البريقة يا ضنا الأنجاس
والميم معلم وما فى زيه .. خطط واجدة خلن الناتو حاس
ونا قد ما نحكى عليه شويه .. حتى وهو فى الأسر عالي الرأس
ولكن نهاية فخر ليه وليه .. قتلهم بقوت أوسام موش رصاص
وماهن جروح رصاص ................. نعيم قمر

القاضي ألشريف

ماهم جروح الحاق ولاهم إصابة بندقة بنداق
جروح منو تدنيس الوطاء ما طاق
اللي فيه من نسل الاقحاح خواص
جروح بطل مابو يردعوه أوثاق
ولا لان للأوغاد لين خلاص
جروح معتصم بالذات يوم انعاق
جروح وطن يباو يقسموه انفاص
غزوه النصاره حولوه امزاق
بعد شرتعوا صفه اللي متراص
وفيه نصبوا النهاب واللقاق
ولنذال عمرا ما يجوا رياص
والوطن عنه ضيقوا لخناق
والمجد واللي كان كله صاص
.انساق بعد ماسيد السبيب انساق
وأحنا من غيابه شانا في نقاص
أيام سلطته ما من عدو وهاق
خلاه متسنج بريقه غاص
فبرلين وابصر وين في لنفاق
وقصة الملهى وطايرة الإرباص
وفيه من قداهم ساقني نقناق
انروق وين نلقاء دازلي عالخاص
أحرار هاجرو مالوطن بعد اضياق
وقطعو رمال البر والحصحاص
وفيه من عليه امحكمين أغلاق
وعليه فالحبوس امصكرين أقفاص
عليهم سلامي نبعثه بشواق
أعداد النجوم ونورها البقاص
كلام خطرا الفارس اللي ما راق
لين في رياحين الشهادة غاص
وحقه علينا نفرشو لوراق
ويضل دين ثأره وشورنا القصاص

مع تحيات ( القاضي )

Gbl Alsd Alsd

ماهن جروح رصاص قعدن أوسمة لوطن بعده حاس جروح معتصم .... جاري النشر

NaDawi El R

اجروح معتصم ماهن اجروح شظايا .. اجروح فخر للعظمى انردو الراية

Salah Rasad

جروح شجاعه تبى تريس مقنده وفزاعه

الصخرة الصماء

جروح معتصم ما هن جروح قليله,بهن نفخروا لعدة اسنين طويلة

Salah Rasad

جروح واصله للقلب موش خطيره ادافع على سيد السبيب وخبره

à Bâłi Hâbîbÿ

جروح معتصم تخلص وماننساها لين نمسحو من قالو احني درناها

طلال نعيم.قمر

كانن جروح قويه..قلبهن اوسام وليه الف تحيه..اوسام معتصم قصه وديمه حيه..تبى جامعة ودكتور والعساس.وماهن جروح رصاص

Salah Rasad

جروح معتصم زادت شرف لباته شامخ شموخ الصقر مايوم خشمه واطه
شامخ شموخ العزه. وﻻيوم هبت ريح هزت عزه

Sami Libya

انحفرن زين .. في جسم صامد يوم مابا يلين.. يوم الشدائد بان سيد الزين..أفتاريخ حبره دم مؤ بخباص

يفرج الله

جروح معتصم جابن فخر لي هلهن جابن العزه ولكرم علمهم

مهند ابريني

لا نوفيلك...مهما عليك انقول فارس جيلك..واقف جبل صامد وثابت حيلك...قدام الخيانة يا شديد البأس...

Fakher Omar

جروح معتصم ماهن جروح مذله ،، جروح فارس عن وطنه ماتخله
امير دولة نفسي

جروح معتصم ماهن جروح ضخيره *** جروح واوسمه ايخلن الغرب دميره

بوصدام المقرحي

جروح معتصم ماهن اجروح مدلة بيهن اعلي شامخ الفوق تعلي

ضو ابراهيم منصور

اجروح الفخر ..
ايقولن نبو الخﻻص يوم النصر ..
وبعد الظﻻم ايجى ﻻزم فجر ..
المهم نلقوله تريس اكﻻااااص ..
اجروح معتصم ماهن اجروح رصاص ..

صمتي قدري

ماهن اجروح اكلاش * اختام اوسمه للذل ماتاباش * قالوا عليه انذل ماعمراش حياالله ياحمزه ويا بلعاص * وحنا اجروحنا موحال ماتبراش لين نخلصوا في الثار عام وخاص .
هذه الكلمات للشاعر رفيق اسهيل وننتظر رأيك استاذنا علي ماتبخل علينا

Saheb Mabda

اوسمة و ختام جروح بطل ما توصفه القلام .... سليل الصقر سفاي الكمام اللي بعده مي عارفه الخلاص..... جروح معتصم ماهن جروح رصاص...




Alaghther Alfkr

جروح معتصم تمو جروح وطن .. علي صدر الأم قبل الحن ... جروح معتصم تمو جروح بلاد .. علي صدر اولاد بعدهم يجو احفاد .. جروح معتصم تمن وسام العز .. لكل من تحدى و قال كلمة طز //// ماني شاعر بس اهي محاولة

المغوار المقرحي المزروعي

أجروح معتصم ماهن أجروح رصاص اختام و اوسمه ايقولن نبو الخلاص ،،
اجروح كرامه خداته المنيه تامات ايامه اخسرنا قليد الغزي سيد شهامه الله يرحمه فازع و عاري الرأس ، و يقعد علي مر الزمان كلامه حكمه لجيل الجيل كى لخراص ،, امنين في التاسير قوي اعزامه و قايل كلام ايتير فيك احساس ، و لولا الناتو يا كلاب اوباما ما تحلمو ترمو ترا حصحاص ،, غدرتوا وخنتوا بوعباء وعمامه كيف ما انغدر كليب من جساس

محمد محمد

اجروح اينقن اجروح ينقضن في الجرح ماينحقن,, اجروح معتصم ماهن جروح وعدن يبن ثارهن لوكان فيه احساس,, منهن قعد انعاني اجروح الخريف زادن عليا الامي, وزد في حماسي اليوم ياكيلاني لين ننتقم منهم ضنا لانجاس,,, وحق النبي ماهو كلام الساني مازال نفعلو وانشالله ترداس,, وماهن جروح رصاص

العرندس العرندس

جروح يلومن --
علي من يبيهن بالمهام يقومن --
الواجب ايديرن والقبط ما يرومن --
يخشن الساحل عاريات الراس*
ايهدن على اللي قاعدات يحومن--
ونسين الدين اللي وراه خلاص*
يخلن جثثهم في الغريق يعومن--
عومت عذف في سيل وسط الاااس*
واللي نجن خلهن بعيد يزومن--
يهجن قدا وين عندهن بصباص*
----
جروح ايعاز--
لجيوش وكتايب رمزهن ركاز--
يردن تراب الوطن بعد انحاز --
م اللي انخلقن فاقدات احساس*
هدمن ونهبن وين فيه انجاز--
وخلن الدوله عالنه لفلاس*
----
جروح ملام --
علي شيوخ وقبايل عاطين كلام--
وكمين بيعه موثقه ف افلام --
نهار الرخاء بانو اشداد الباس *
ويوم شومها جابوه في لعلام --
اثريتهن غلن لرواح مان ارخاص*
جروح معتصم ماهن جروح رصاص **** اختام واوسمه يقولن نبو الخلاص

زهرة امل

ماهن اجروح وبس....جروح عز لا توجع ولا تنحس....هدين اوسمة لحرار ما تندس...بانن وشهدتها جميع الناس....اجروح معتصم ماهن اجروح رصاص.(هده مشاركه بسيطه ما تحرمنا من رايك فيها استادنا الشاعر علي الكيلاني

كبيرة القدر كبيرة القدر

جروح معتصم ماهم جروح رصاص
اختام واوسمة يقولوا نبو الخلاص
ماهي جروح وتبرا
جروح فيها لكم درس و عبرة
وقيم الرجولة فالظروف الغبرة
بيه تفتخر مرفوع بيه الراس
لاذل لا وخر و مجمل صبره
فارس ولد فارس من الاساس
انشد على الاجواد تعرف خبره
مسجل موتق من شداد الباس
وين نادى وطن قال لازم جبره
لبوا رفاقه الكل جمع اكداس

ماهي جروح قديمة
جروح تنبض بالفخر والقيمة
تحيا مع الاحرار ديما ديما
مشهور صيته بين كل الناس
جروح فيها مالشرف تبسيمة
تلاقيك و تنور ظلام الياس
ان غاب النور وصابته تعتيمة
الوطن اللي حازة اندال انجاس
توكل على المولى بكل عزيمة
وكيف معتصم ماتنحنيش الراس
وسجل تاريخك جنب سمح السيمة
جيفارا العرب ثأره يبي الخلاص

المزبون الورفلى

جرح معتصم ياعليوه جرح امجور لهو طول لهو عرض لهو امدور لاينشبح بالعين لايصور لاطبيب ايخيطه ياسواه جرح اعصومه فوق ماتصور لالادواء ياخوی لايداوه

سيد البل من طرف محارب الصحراء

جروح معتصم ماهن جروحه بس
جروح وطن ضاع لاخبر لاحس
جروح كبيره
جروح مالقين لتو جبيره
سبب جبدهن خلف ذهاب الشيره
المعتصم تدوا وين مالخوف عفس
وعرب وطنا اللي كانت صفوف شهيره
اليوم غيبو الا اللي فارس
وعبدالله تشهد عليه براك وقيره
وسرت الصمود ووادي الوليد اللي لاتو مانكس
جروح يبكن جروح مابن علي شور الطبيب يتكن
حالفت قالن لطببهن يتركن!!!
يخطن حروف للمجد وتدرس

من كلماتك محارب الصحراء
منتديات زنقتنا

محمد محمد

جروح يامصعبها لادكتور لاطب العرب طببها,,جروح مزقن كبدي من صاحبها لين خلفن فيا وانقطع لانفاس,,جروح ياعلي يانويرتي كامدها مالقيت منهو قالي لاباس,, اجروح ياعلي غابوا وتوارو هلها اللي قبل كانوا كيف القمر وناس,, جروح ياعلي زادن علي في اعطبها محروق قلبي حرقة الحماس,,جروح ياعلي بالله شي ايدرقها من شهر عشره في الفين واحداش,, جروح ياعلي ماقدرت نا انفارقها داخل جواجيه عايشه بحراس,, جروح ياعلي ماشعر جاب خبرها لافن لايقدر عليه احساس,,جروح ياعلي خطرن علي صاحبها وهو معتقل شامخ رفع الراس,,جروح ياعلي صيورنا انضمدها نهار بينا تولع قليا ارصاص,,هاذاك وين جروحنا انطببها وجميع من ظلمنا تحت الوطا ينداس..وماهن جروح رصاص

الشاعر علي الكيلاني
اخ محمد تعرف انا مدي اي سلاح لا يتعدى حدود اي بلد واحياناً اي حلف لكن الكلمه تتعدى كل الحدود بل وكل الموانع الطبيعيه والصناعيه واللاكترونيه كما انها اطول عمر من السلاح وابعد مدا لذلك نخلد الشهدا ونصل بهم الى ابعد مما يفكرون ان يخفوا قبورهم

محمد محمد

نعم انه سلاح الكلمه الذي يجعل كل بعيد قريب معا لنصل بالكلمه علي المدي البعيد ولنجعل من هذا الشهيد تاريخا تتوارثه الاجيال كما فعل الشهيد معمر القذافي تاريخا لعمر المختار فلنسلك تاريخ هذا الرجل ونجعل من المعتصم تاريخا تقديرا وعرفانا منا لمعمر القذافي

محمد تاباكي

جروح معتصم بالفخر موسومات-جروح عز وارثهن ولد من بات -اجروح اصقورة والصقر صقر حتى لو فقد موكوره محال ينزل في مكان انداس-اجروح شهامه اجروح صدن ولد واعمامه- قذاذيف ركبه اللي بلجامه صياده اللي لطار حط اكمامه -معمرهم تبعو مسار انجاس- اجروح رجوله لاساوم عليهن لااستجده قولة-فحل نسله من اجواد فحوله عاشو شوامخ رافعين الراس

متفائل خير

ماهن اجروح مدلي ،اجروح فرسنت فارس للوراء ماولي علي شان وطن العز مايتخلي ،اتهون الحياه والروح ولنفاس،ماهناجروح رصاص،

Moftah Abdallrhem

آجروح أوسام معلق علي كتفه وليه سلام طير حر ما رافق آسراب حمام آلي جرته غبيت علي آلقصاص فارس وهادي آلروع يوم آلطام خايف الي رامي عليه رصاص صيد موته بين آلاوباش حرام من باع وطنه آلخاين البصاص مغير للشهاده والتريس آحكام فازعين فديه للاوطان خلاص جيبة دكر وامه إلها حترام سليلة الي فرسان من برعاص علي شان عينه من وطا ينقام حتي من خطا إمعانا وجابنقاص. آجروح قماير في آلتاريخ يبدن والزمان آلجاير. ويحكن علي ضنوة زعيم وتائر آر تسمن علي كتوفه وعالاقفاص كيف آلنجوم العزبيهن داير وزاد عزها للواسمين خراص

Youlias Qayser

ماهن عقاب جروح
ولاهن نفس طالع ايغص الروح
هذين فخر للرابح مع المربوح
خويل عاش ما عمره ارضي بقلاص
ولا عمر ع الحدره ايفيض ميوح
ولا يوم خرّص صيبته خماس
جروح مسك من وسط الجنان يفوح
وضي فجر في وسط الكدر بقاص
سارج وراكب فوق خيل جموح
في الحل ما يقبل ايجيب انصاص

المجد لنا

ماهن اجروح ذخيره__اختام واوسمه راهن اجروح شهيره__يا كل من غافل تبي تفسيره__هذا لغز مطلمس ايبي خراص__فينا طبايع واجده وكبيره__من قبل قناصه بلا قناص__مامن اللي جرب وقاس وغيره__مازلنا اميه اتكيد فالغطاص__نبوا يوم تداعك تريسه خيره__يمسح ادراه الكبد فالبصاص__ردوا عليا ايا اسماح السيره__ماني المتكبر ولا عنطاص_

Gbl Alsd Alsd

ماهن جروح رصاص قعدن أوسمة لوطن بعده حاس جروح معتصم ... ماهن جروح شظايا ولا هن جروح معقبات ادماية هذين درس في التاريخ يبي قراية شرح الشجاعة فيه وقو الرأس ... جروح الفخر فيهن بلا نهاية وفيهن كرامة مش عند الناس وفيهن صمود عظيم من البداية لعند لحظة ما لفظ الأنفاس ... قصيدة تحت الإنشاء

مليوع الغلا

ماهن اجروح شظايا
اجروح عز قالن دون وطني هايا
نياشين فوق الصدر حد الغاية
مانالهن قبله أو لا تراس
الحاصل امن اللي صار في النهايه
استشهد افدا هالوطن هان الراس
ندعوا العالي ربنا مولايا
يكسيه م السندس اخيار إلباس
و يفرج عليه الوطن راح هتايا
او يحميه م الخناس و الوسواس ...

ويلي ماأصعب غيابه

قولولهم ما عقمت الولاده
تولد اللى يجيبولها القصاص
ايجي يوم حتى احجارها اتنادا
وينوضولها ما الرمل والحصواص
وتزغرد اللى ليكبدها كماده
اتحيد ثوبها لسود اتقيم عراس
وتسكب صفيه الصابره الوداده
دموع فرح تبشر بأمل بعد الياس ... الله عليك صح لسانك وربي يحفظك وايطول في عمرك

Moftah Abdallrhem

قال توا آنكبر لاخاف لا دنقر ولاهو موخر. غير هاتوا آسلاحي قال. وسام شجاعه علي صدره وبانن جهر في آلاداعه الموت كاينه وورود المنايا ساعه يابال دق آلغاز ماهوصاحي. بيه آفخري ياسرت صقر آداعا لولا آلناتو صعب حبس آسراحي. فارس ومبدا بوه له شماعه زعيم حر وصفه فاق كل آشراحي

Marwa Shahed

شدوا لحبال و ضاعفوا صوت الطبال **** زيدو غناوي وحرفوا مسار لأظلال *** الدبش صباغ بدم خاثره رحال **** افرحوا و اشمتوا بشهدائنا لأشهام **** زيد رصاصك ماتندري راك لاحقهم ***نور الشهاده صاهد مادارو و فضحهم *** و هانك ماتندري لحلال ***حل الله بصرههم و زاده إيمان *** معتصم بالله مانقول وسام ***ولا صدره رهب كان لقاي عذاب**** الخير جاه بقوة شهادة و أنعام *** السلاح نكر لأصناع منصدم بي الحر القيام *** الهازي فوق العصيم يصفا ظهار كي صفيت قزاز جا فوق صفا *** ما ينخفي باينهم و ماتلوم قاتله يمكن خذاه لأضعاف *** و يمكن تخزيرت معتصم بولاده خاف تبان *** قطع نسله و حتفه جاب
Marwa Shahed
بأسمي و باسم جميع من صام ** و بقبيلتي و قبيلة جميع لأقوام **** كلام انقول نزيف دمه دساس **** ناب معتصم بالقلب كرس غراس **** مو تسطير صفاحي ولا بحبر طابعه كلام *** تاريخ انحفر وسط الخلايا ودار انسال *** صبغت جين انحملن بسهام *** يعاود لوقت و ينطلقن أحلال *** الصدر ينفتح و يهجمن أعدام *** صوب الخاين ألي دمر ثاني لأطلال *** نعود لزمان نجيبوا أوقات أحلام **** وقت كان الحال بزها لأحوال *** سرت ناسها عايشه بآمان *** الطير حايم ما يخاف سحاب **** و الولد يلعب لاهي برهان *** و لأم ترضع و حليبها سيال *** الجد يسبح و بالمسجد أقيام *** و لبنت ترجا في نصيب الرجال *** و القبر تاريته مستني لأكفان *** يا سرت لنا عوده
Marwa Shahed
الشعار يذكروا الشهيد في الله *** معتصم بحبل ربه بوه ما عمره عصاه **** اسمه الحر ألي يخاف الرحمان *** عدا لربي كي عودته علي بلدان *** انفال فيه كلام خوف أعداه *** محراب ولد محراب مايخاف من جرذان *** البريقه ترابها شاهد لما الناتو جاه *** رجع خطوة و قدم اثنين بإيمان *** من تحيت التراب طلع فزاع بلحضة ثواني يختفي بأحشاد *** الناتو داخ ماعرف قناه *** قصفوا ألفين غاره ماجابو نباه *** ذراع بوه ألي مقريه لأجواد *** خبير حرب و دارسله زمان اسماه *** القلب يبكي فقد أرجال *** بكا نار علي تراس *** انحرقو بجمره أعداه
Marwa Shahed
في بوهادي بجزيره قال *** وقت طاحت لبريقه وخانا لأاقدار *** رجعوا عقاب الجيش و منهم من حفر الأقبار ***طلع بصدره و ذرعه شال *** و قال لتريس نا قدام *** النفط حق شعبي و ما ينهان *** روحي فدا ريح الوطن وفدا الإيمام *** انا كنت حاضره بطولت مغوار *** كان ما في تريس بالرباط لأمام *** الصبايا حراير بنات أحرار *** يرفعن لسلاح وقسما معاه
Marwa Shahed
جروح معتصم يشفن غليلي يكبر كلامي بطفيت وقيدي جروح ماكنه دارن سريب أولافي و الدخان ينده لأرقيله تواسيي جروح عصومه هواه ما عرف يحاميي شال النسل و دار العرا طريقي نذكر وسامه كي حفر عظامي و نسمع خبطت انفاسه بوجه غريمي تمنيت يكون مثيله مثيلي و نذوق السم بشهادة وريدي جروح معتصم ما يشفن نصيري و القلب ييكي وقادم بقدومي جروح معتصم يحرقن فانفاس صميمي
Marwa Shahed
جروح معتصم ماهن جروح رصاص اختام ووسمه ايقولن نبو الخلاص عد جروحه تشوف الشهاب نازل لأرض مايعرف إلا أحفار جروحي ماهن كيفه سلام السلام خاب الرجا ودار العار جاب بالرصيد و خلاه اصفار بو بكر كيفه مشا و أنصاص أجزاء الموت خذاه اثنين ما يعرفوا غير الله و ماعندهم والي سواه بالدم رسموا امجاد جروح بو بكر و عصومه القلب من النزيف طاح جيب وعا و لا اباري اغرسهن فيا غراس ما يحيد دمك عن دمي يا شهاب جروح بومنيار سايله علي تراب اثنين الفوايد الزمان رخاهم أعطاب و ماهو عطاب الشرف داير عليهم أحلاق جروح معتصم ينزفن سوا سواه

جروح معتصم ماهن جروح رصاص *** أختام وأوسمة يقولـن نبـوا الخـلاص

هذه مشاركات الأحرار في هذه الملحمة ومنقولة من صفحة الشاعر علي الكيلاني

تحياتي لهم جميعاً على هذا التفاعل  

Aboakela Milad

مشاركة سيد العارفين

ماهن جروح ذخيره .. جروح معتصم عالصدر ليهن سيره .. يحكن على قصة أجواد شهيره .. أسود حق ماهم عالحياة حراص .. أبطال عندهم عالوطن حرص وغيره .. تحديد للرجولة بوصلة ومقياس .. فارس اولد من صلب فارس خيره .. استشهد وما وطاش يوم الرأس .. بخطوط من ذهب ناصع أصعب تفسيره .. سجلهن ملاحم فالحياة نبراس .. سراج نور للذاهب إيدل بخيره .. وللخاينين خنجر فالمقاتل غاص .. عجزن قوافي الشعر في تعبيره .. فالشرح والتوصيف لين خلاص .. تاريخ من اللي لى لحظته الأخيرة .. اللي قبل لا يلفظ أخر الأنفاس .. لاو مرتهب لا عاد راجل غيره .. دايرلهم فى قلوبهم حماس .. قتلهم وما قتلوه من تهديره .. فحل فى مسارب نمل دار محاس .. دهمن بخفاء لين بان جهيره .. زاد فالخطى ما خصم بأحساس .. وسقاهم السم بقصته الشهيرة .. وحديث الأوسمة ماى هدرزة قصاص .. حيا مجد من قصة أمجاد كبيرة .. وتاريخنا اللي مرصوع رصع الماس .. الموت حق واللي ما يموت ضميره .. ايعلا عالصادق وعالكولاس .. وسيور الكتب تكتب أمور كثيرة .. على أبطال دون الوطن شربوا كأس .. صناع الملاحم والظروف عسيره ... حيا حيهم لبسوا المجد إلباس..

للشاعر السنوسي عثمان

Marwa Shahed
جروح معتصم ماهن جروح رصاص أختام وأوسمة يقولن خلاص
نشوف نزيفه ينقطعلي لأنفاس والهواء يهجر مكاني
جروح معتصم دششن أجوافي
حطام منتشر بوساط أكوامي
نمشي خطاوي بقطع قيدي
يقهر بزفيره ويزيد اعتزازي
جروح زادهن بو بكر انادي
انادي للأقراب ولا ناسي
دخان اعصومه ينده لأرقيله تواسي
جروح اعصومه جلده ما عرف ايحامي
شال النسل مع اهمومه واحلامي
ودار العرا و الهجار طريقي
عمق وسامه كي حفر اعظامي
صوته حامل قوة بزياد حفيري
نسمع خبطت انفاسه بوجه غريمي
تمنيت يكون مثيله مثيلي
ونذوق السم بشهادة وريدي
له الشرف الحيط اللي قباله ملاقي
ملاقي الشهيد وشاهد علي شهامة تاريخي
جروح معتصم ما يشفن نصيري
ولا الجرح يلتم بتذكار زعيمي
القلب يبكي فقد شريانه الواصي
الي معاد جاء قاصد نضيري
جروح معتصم يحرقن بأنفاس صميمي

نلقانك يابن عثمان جدت السيره وذكرت بوصف يالسنوسي وفيه حماس
ابيات وصفت للناشدين تفسيره. كلام علي الكيلاني في الاساس
عالمعتصم وباته والوطن وخيره. كيف صار فيهم من كمشه انذال اوباش
حلال ان نحييو معاك ملاحم واجده وشهيره. وتعاود علي بشعرك نشره به نزيد حماس

تحيه للشاعر صاحب الرد الاخير السنوسي بن عثمان
وسلمتي يانبض الوطن صحيتي ودم جودك يا بنت الاجواد

الله يسلمك والله يعزك خوي محارب ورفيقي في كلام الأجواد

والأجواد ما ترافق إلا الأجواد