قفل الطريق الساحلي الرابط بين طرابلس والزاويه

ا

صوره من قلب الحدث لقفل الطريق الساحلي جنزور ، احتجاجا على مقتل المواطن فاتح التومي الذي وجد مذبوحا في منطقه العزيزية

وعاشت ليبيا حرة

اي صح الشباب صكروا الطريق الساحلي بشاحنات تراب واحجار وبالضبظ
سيمافروا النسيج وكوبري 17

وفعلآ السبب مقتل عبد الفتاح التومي و يسكن بجوار بريد جنزور بالزبط والسبب(((( امس وجدوا جتته في دار كهرباء في غوط بوساق تقريبآ وطبعآ مات تحت التعذيب و نكل بجتثه وتم العبور فوقها بالسياره
والسبب الاساسي..

من كذا شهر كان ماشي لمزرعته جنوب النجيله((وراء منظقة البيابصه))
وقفوه مجموعة سراق قطاع طرق اولاد حرام من اولاد عيسى ،وطبعآ معروفين
المهم في محاوله منهم ايقافه بالقوة واول ماوقف طلع مسدس ضرب واحد منهم وتم اسعافه ولاكن ربك رفعه وافتكوا منه

والقصه هذي معروفه لأهل المنظقه

ولاكن الضحيه غاب شهور ومامشاش لمزرعته ومن ايام فقط كيف ذهب للمزرعه وطبعآ نقزوله وخطفوه وصار لصار

______
وان شاء الله غير هكي يديروا لصلاح وادي لقاعد يعتقل في الشباب و يعذب
وكذالك جرذان الزاوية لهجموا وقتلوا
__________
وللعلم انا شاهد عيان لصكروا الكوبري حوالي 30والسمافروا نفسهم بس زائد 30

والله ماداروا جو اعتقال بالهويه او شتموا شخص او في شخص حامل سلاح او او
وبالعكس حسب لصار قدامي يبوا كذا مطالب وتقريبآ في بالهم بيصكروا مصرف الجمهورية و هذا حيصير الصبح وتوقعوا يفرجوا خط البنزين والغاز لمار لخزانات طريق المطار بجنب الطريق الساحلي..
والله على ما اقوله شهيد..
وماتسمعوا كلام ولا شخص وبأنه في اشتباكات وقتلى و و و
والله مافي حاجه إلا لذكرته بالتفصيل
_____

وللعلم بعد ساعه و نصف اختفى البشر بعد اغلاق الطريق

ربنا يلطف بالبلاد والعباد

هذا الزمن اللي كتر في الهرج والله حال يبكي انشاء الله ربي يهدي عباده .