ﻫﻠﻮﺳﺎﺕ ﻟﻴﺒﻲ

ﺍﻻﺣﺪ 2014.10.05
ﻋﻴﺎﺩﻱ ..
ﺧﺸﻴﺖ ﻟﻠﻴﻮﺗﻴﻮﺏ ﻗﻠﺖ ﺧﻠﻲ ﻧﺪﻭﺭ ﺃﻏﻨﻴﺔ ﻣﻦ ﺃﻏﺎﻧﻴﻨﺎ ﺍﻟﻘﺪﻳﻤﺔ ﺍﻟﻠﻲ ﻛﺎﻧﻮﺍ ﻳﺠﻴﺒﻮﺍ ﻓﻴﻬﻦ ﺃﻳﺎﻣﺎﺕ ﺍﻟﻌﻴﺪ ﻟﻤﺎ ﻛﺎﻧﺖ ﺍﻟﻨﺎﺱ ﺗﻜﺮﻩ ﺑﻌﻀﻬﺎ ﻭﻛﺎﻧﺖ ﻋﻨﺪﻧﺎ ﺣﺮﺏ ﺃﻫﻠﻴﺔ ﻭﻗﺒﻠﻴﺔ ﻭﻣﻨﺎﻃﻘﻴﺔ ﺃﻳﺎﻣﺎﺕ ﺍﻟﻄﺎﻏﻴﺔ ﺗﻲ ﻋﺎﺩ ﻣﺎﻫﻮ ﻛﻠﻜﻢ ﺗﺘﻔﻜﺮﻭﺍ ﻓﻴﻬﺎ ﻫﺎﺫﻳﻚ ﺍﻻﻳﺎﻣﺎﺕ ﺍﻟﻠﻲ ﻛﻠﻬﺎ ﺣﺮﻭﺏ ﻭﻣﻮﺕ ﻭﺧﻄﻒ ﻭﺣﺮﺍﺑﺔ ﻭﺗﻬﺠﻴﺮ ﻭﻛﺎﻧﺖ ﺍﻟﺪﻧﻴﺎ ﻣﻘﻠﻮﺑﺔ ﻭﻣﺎ ﺗﻘﺪﺭﺵ ﺗﻄﻠﻊ ﻗﺪﺍﻡ ﺣﻮﺷﻜﻢ !! ﺗﻮ ﺩﻳﺮﻭﺍ ﺭﻭﺣﻜﻢ ﻧﺴﻴﺘﻮﻫﺎ ﻣﺮﺣﻠﺔ ﺍﻟﺮﻋﺐ ﻭﺍﻧﻌﺪﺍﻡ ﺍﻻﻣﻦ ﺍﻳﺎﻡ ﺍﻟﻄﺎﻏﻴﺔ ؟؟ ﺍﻟﻤﻬﻢ ﻟﻘﻴﺖ ﺃﻏﻨﻴﺔ ﻣﺒﺮﻭﻙ ﺍﻟﻌﻴﺪ ﻋﻠﻰ ﺍﻟﺰﻳﻨﺔ ﺍﻡ ﺍﻟﻔﺮﺳﺎﻥ ﺍﻟﻮﻻﺩﺓ ﻣﻦ ﻏﻨﺎﺀ " ﺍﻟﺒﻠﻐﺔ " ﻓﺘﺤﻲ ﻛﺤﻠﻮﻝ ﻭ " ﺍﻟﺼﻨﺪﻝ " ﺳﻌﺪ ﺍﻟﺠﺎﺯﻭﻱ !! ﻭﻳﻐﻨﻮﺍ ﻓﻴﻬﺎ ﻓﺮﺣﺎﻧﻴﻦ ﻭﺍﻟﻮﺍﺣﺪ ﻣﻨﻬﻢ ﻓﻤﻪ ﺑﻴﺘﺸﺮﻙ ﻣﻦ ﺍﻻﺑﺘﺴﺎﻡ ﻭﻳﺘﻨﻄﻂ ﻭﻳﺼﻔﻖ ﻭﻳﺮﻗﺺ ﻭﻳﺪﻳﺮ ﻓﻴﻬﺎ ﻛﻠﻬﺎ !! ﺗﻲ ﻳﺎ ﺟﺰﻣﺔ ﺍﻧﺖ ﻭﺍﻳﺎﻩ ﺍﻧﺘﻢ ﺯﻋﻤﻴﺘﻜﻢ ﻣﻤﺜﻠﻴﻦ ﻣﻦ ﺿﺮﺑﻚ ﻋﻠﻰ ﺍﻳﺪﻙ ﻭﻗﺎﻟﻚ ﻏﻨﻲ ﻟﻠﻘﺎﺋﺪ !! ﻛﺎﻥ ﻣﺶ ﺣﺸﻴﺸﺘﻚ ﺍﻟﺸﺤﺎﺣﺔ ﻭﺍﻟﺘﻤﺪﺭﻳﺢ ﺗﺤﺴﺎﺏ ﺭﻭﺣﻚ ﺑﺘﺤﺼﻞ ﻓﻠﻮﺱ ﻭﺣﻮﺵ ﻭﺳﻴﺎﺭﺓ . ﻭﺗﻮ ﻃﺎﻟﻊ ﺑﻌﺪ ﻃﺎﺣﺖ ﺍﻟﺪﻧﻴﺎ ﻓﻲ ﺑﺎﺏ ﺍﻟﻌﺰﻳﺰﻳﺔ ﺗﺴﺐ ﻭﺗﻠﻌﻦ ﻭﺍﻟﺘﺎﻧﻲ ﻃﺎﻟﻊ ﻓﻲ ﺍﻟﻔﻀﺎﺋﻴﺎﺕ ﺩﺍﻳﺮ ﺭﻭﺣﻪ ﺟﻮﺭﺝ ﻛﻠﻮﻧﻲ ﻟﻜﻦ ﺍﻟﻘﺎﺋﺪ ﻗﻀﻰ ﻋﻠﻰ ﻃﻤﻮﺣﻪ . ﻭﺍﻟﻌﻨﺰ ﺍﻟﺜﺎﻧﻴﺔ " ﻟﻄﻔﻴﺔ ﺍﺑﺮﺍﻫﻴﻢ " ﻗﺎﻟﺖ ﻓﻲ ﺍﻟﻘﺎﺋﺪ ﻛﻼﻡ ﺣﺘﻰ ﻓﻲ ﻓﺮﻋﻮﻥ ﻣﺎ ﺍﻧﻘﺎﻟﺶ . ﻭﻫﻤﺎ ﺍﻟﺜﻼﺛﺔ ﺯﻣﺎﻥ ﺻﺎﻳﺮﻟﻬﻢ ﺯﻱ ﻃﻘﻢ ﺍﻟﺘﻮﺍﻟﻴﺖ ﺭﻏﻮﺓ ﺣﻤﺎﻡ ﻭﺷﺎﻣﺒﻮ ﻭﺑﻠﺴﻢ ﻻﺯﻡ ﻳﻄﻠﻌﻮﺍ ﻣﻊ ﺑﻌﻀﻬﻢ !! ﻭﻣﺎﺗﻨﺴﻮﺵ ﺍﻟﺴﺎﻳﺒﺔ " ﺳﺎﻟﻤﻴﻦ ﺍﻟﺰﺭﻭﻕ " ﺣﺘﻰ ﻫﻲ ﺧﺬﺕ ﺣﺼﺘﻬﺎ ﺗﻘﻮﻝ ﻣﻨﺰﻟﻬﺎ ﺍﻟﻘﺬﺍﻓﻲ ﻣﻦ ﻣﺴﺮﺡ ﺍﻻﻟﻮﻣﺒﻴﺎ ﻓﻲ ﺑﺎﺭﻳﺲ ﻭﻣﺎﺧﻼﻫﺎﺵ ﺗﻐﻨﻲ !! ﻭﺍﻟﻤﺸﻜﻠﺔ ﺑﻌﺪ ﻫﺎﺩﻳﻚ ﺍﻟﻄﻠﻌﺎﺕ ﻓﻲ ﻓﻀﺎﺋﻴﺎﺕ ﻓﺒﺮﺍﻳﺮ ﺣﺘﻰ ﺑﺮﺍﻣﺞ ﺍﻭ ﺍﻏﺎﻧﻲ ﻣﻌﺎﻭﺩﺓ ﻟﻴﻬﻢ ﻻ !! ﻳﻌﻨﻲ ﺧﺴﺮﻭﺍ ﺷﻌﺒﻴﺘﻬﻢ ﻭﺧﺴﺮﻭﺍ ﺗﺎﺭﻳﺨﻬﻢ ﻭﺧﺴﺮﻭﺍ ﺍﺭﻭﺍﺣﻬﻢ ﻣﻦ ﻏﻴﺮ ﺳﺒﺐ ﻭﺑﺪﻭﻥ ﺛﻤﻦ !! ﻭﻓﺎﺯﻭﺍ ﺑﺎﻟﻠﻌﻨﺎﺕ ﻭﺍﻟﺴﺐ ﻭﺍﻟﺸﺘﻢ ﻭﻃﻴﺎﺡ ﺍﻟﻘﺪﺭ !! ﻭﺯﻱ ﻣﺎ ﻗﺎﻝ ﺍﻟﻤﻄﺮﺏ ﺍﻻﻭﺑﺮﺍﻟﻲ ﺷﻌﺒﻮﻻ . ‏( ﻛﻠﺐ ﺍﻟﺒﺎﺷﺎ ﻣﺎﺕ ﻣﺸﻴﺖ ﻭﺭﺍﻩ ﻛﻞ ﺍﻟﺒﻠﺪ .. ﻭﻟﻤﺎ ﺍﻟﺒﺎﺷﺎ ﻣﺎﺕ ﻣﺎ ﻣﺸﺎﺵ ﻭﺭﺍﻩ ﺃﻱ ﻛﻠﺐ ‏) ﻭﻟﺤﻤﻜﻢ ﻃﻴﺐ !!
ﻭﺳﺎﻣﺤﻮﻧﻲ ‏( ﻧﻬﻠﻮﺱ ‏) ...
ﺧﻮﻛﻢ ﻛﻼﻡ ﻋﺮﺏ
منقول