المعزة و العصفور يقتحمون المصرف التجاري حى الاندلس

الاخت فاطمة كانت امام المصرف معقولة يسكرو باب الشركة ويخلو النساوين برا تي والله مافيكم نخوة ولا فيكم راجل تخافو ع رواحكم تسكرو الباب وبارك الله فيه الشاب الدي دخلنا لي محل الأحدية وصاحب محل الأحدية طلعتو رجالة مش النساوين اللي في داخل الشركة
والله ما خوفت ع روحي خوفت ع خوي يجي يروح بيا يلقى الضرب لكن والله بعد هالموقف أخطى راسي وأضرب والله ماعاد صاير منها والله لما نوصلو نازحين ونتشرد وننسو حاجة أسمها ليبيا
لما شفت الولد مات قدامي مش عارف كيف القتل ولا ساااااهل

الشاب ابوبكر لايف حاضرينها....مصراتي مقيم في الريقاطة...قتل شاب مصراتي من سكان السياحية....تعاركو داخل الصرافة...الولد لي يسكن في السياحية جي اركب سيارته....طلع الثاني من الصرافة واخرج مسدس وأفرغه في صدر الشاب وهو جالس في سيارته...سعفوه لعيادة الشفاء وتوفي على الفور....وبعدها عينك ما اتشوف ألا القواذف والرشاشات ومضادات الطيران والوضع لايزال محتقن جدا...

الشاب بوبكر قال والله جارنا الولد لي يسكن في السياحية..صح مصراتي لكن ولد طرابلس وولد السياحية ماعنداش فيه جو الثوار....احتج على معاملة المليشيات للناس فى المصرف وتعارك مع واحد منهم..مشي المليشياوي طلع مسدسه وقتله بعشرة رصاصات لين المسدس وقف معش فيه رصاص... وبعدها صار اللى صار حرب