أشهد يا وادي دينار

شيماء العراق كتب:الشئ الي راح يخليني انجن انتم الوحيدين الان تتحدثون عن احتلال ترهونة
شاهدت التايتل في الجزيرة والعربية والبي بي سي وكل القنوات لايوجد خبر واحد عن ترهونة
اخوان الرجاء لانكون السباقين في اعلان احتلال مدننا

البرغوثي كتب:أشهد يا وادي دينار...... علي الجردان....... اللي جابولك الامريكان

بالله عليكم وسامحوني في هالكلمه:
هل ترهونه ماعاش فيها تريس؟
لومعادش عندهم تريس يلبسو رداوات ويعطو سلاحهم للنسوان

أشهد يا وادي دينار..... علي الزنتان....... وخونة ترهونه النسوان

هده مقاطع من تأليفي الخاص ولو في ترهوني حر أيوضحلي اللي صاير في ترهونه شنو, مرات الواحد يطلع فاهم غلط

واللي عنده كلام ايعله..... في الميعاد احني نصغوله....زعمك عقله شن قايله ... والا هما شن داروله

عابر السبيل كتب:

شيماء العراق كتب:الشئ الي راح يخليني انجن انتم الوحيدين الان تتحدثون عن احتلال ترهونة
شاهدت التايتل في الجزيرة والعربية والبي بي سي وكل القنوات لايوجد خبر واحد عن ترهونة
اخوان الرجاء لانكون السباقين في اعلان احتلال مدننا

والذى نحنا يحيرنا اكثر ان اهلنا فى بنى وليد يبادو بكل انواع الاسلحة ومحاصرين وترهونة اقرب المناطق اليهم ونحن نعرف ان قبائل ترهونة لن تترك ورفلة لوحدها ولمصيرها

ليبيا اولا كتب:اخواني هناك الكثير من المناطق تم التلاعب بها مثل ترهونه العمامر مسلاته عندي صديق في العمامرة قال لقد سلمت العمامر لعدم وجود اسلحة ثقيلة وخوفا علي العائلات الموجوده وبعد دخول الجردان في البداية قالو انعلقو علم العار ونتطلعو ثم بدو بتصفية المتطوعين وخوتهم والحرس الشعبي وكل من وقف مع القائد بخونه من بعض جردان العمامره

البرغوثي كتب:الاخوة الاعزاء
شاكرا لجميع تعليقاتكم
لقدعدلت في الموضوع زي ما طلب المشرف زيكو واحتراما لطلب عابر السبيل على الرغم من انني أحسست أن هدا الانذار فيه أجحاف وكأننا في دولة بوليسيه
المشرف العام صريح: تقول ترهونه قدمت شهداء ومن العيب أن نعيب فيها, الخسيس فقط من ينكر أن ترهونه لم تقدم شهداء ولكن كان الاجدر احترام الشهداء واحترام السبب الدي استشهدوا من أجله ( أترك لكم التعليق على مامعني أن يستشهد المئات من ترهونه تم تأتي وتستسلم)
أخي النجم الساطع: بأتصالي ببني وليد, العمامره والله فرسان و الدليل الان متواجدين في بني وليد, ولكن السؤال لمادا بلد المليون وتلاتمائة ألف نسمه لم تتحرك بينما تحركت العمامره القليلة العدد والعده ( أين الفرق و ما معنى دلك)
الاخ أبوخالد: ادا جمعه المعرفي خان هدا لايعني أن المليون وتلاتمائة ألف كلهم خونه ولكن بني وليد على مرمى حجر من ترهونه ( فما الدي منع ترهونه من الدهاب الي بني وليد)

يا أخوان حفتر من الفرجان وأصلهم ترهونه وقال بالحرف الواحد والله لما انلبسلهم رداوات ( ترهونه) : وين التريس اللي يرد عليه ؟
ولوترجعو للتاريخ الوراء وتتفكروا قصة المراة اللي قالت ( وامعتصماه) وتحركت علي خاطرها جيوش العالم بالكامل.
يعني هدا عيب أو لا؟ عندما حفتر يقول كلمه زي هدي تقبل منه ومني لا؟
أنا متأكد أن ترهونه فيها فرسان ما فيش كيفهم في ليبيا بكل ( لكن ) يا سبحان الله من وين امحاصرينا الجردان , من وين هجمو علينا امس؟ من وين أيجيهم الدعم؟ أرض من اللي واقفين عليها ومرابطين ويستعدوا وينظمو في صفوفهم للهجوم علي هلي ( بني وليد), ماهو كله هدا من أرض ترهونه.
وبعدين أنتم عارفين اللي ايسلم سلاحه شن معناها؟
السلاح عند الأشراف معناه زوجتك وشرفك واللي ايسلم في سلاحه ...... لكم الحكم

هدا وقت اللي يبي ايقول أنا راجل أو يمشي يلبس ردي
وين ترهونه من المرأة اللي ركبت فوق السطح في بو سليم وضربت الجردان بالبندقه, بالله عليكم وين وين ؟
يا جماعه لازم من الصدمه لترهونه بش تصحى
العار أطول من العمر ( وين ترهونه من هالكلام)
ما عندكمش سلاح قولو نعطوكم سلاح , عددكم اشويه , تعالوا والله سادنا اللي ايجي فيه البركه ,المهم الموقف مش مهم انك تنتصر أو تخسر, أي شيء ناقص في ترهونه والله مستعدين أنوفروه لكن الطامه الكبرى و الفالطه اللي ما أترقعش هي: ما نقدروش انديرولكم ناموس ما نقدروش انديرولكم شرف ما نقدروش انديرولكم كرامه , أنتم لازم اديروهن

تي والله لو هلي داروها قسما بالله ما عاد قايل أنا ورفلي بالله العزيز الدايم ما عاد قايلها
تي كيف واحد ايسلم شرفه , يسلم سلاحه, يستخف بدم أولاده الشهداء, يبيع جاره
تي والله يا ترهونه راكبكم العار وهده حقيقه مره لازم تعترفو بيها لو ما تحركتم قبل ما يتمو خوتكم ورفله( هدا كان ما زال فيها خوايا)
ما ننكرش ترهونه للأمانه فيها تريس لكن هدا وقتهم , خلاص الحكايه يا قاتل يا مقتول
معقوله المصاريت والزنتان والجبل و التواجير و الطرابلسيه والشراقه امحاصرينا وايهددوا فينا من أرض ترهونه و ما فيش عاقل أيقول كلمة حق
معقوله يا ترهونه أتخلو حفتر ينفد كلامه ويلبسلكم رداوات
معقوله خوتكم غالبين حتي في الخبزه وانتم ولاهامكم ولا حاسين
معقوله البلي جاينا من أرضكم وما في راجل ايقول كلمة حق
الصاحب عالصاحب يبيع عباته ياللي يفهم ويحس وعنده غيريه وعنده بيتيه
أنا هدى رسالتي لترهونه واللي مش عاجباته كلمة ( الردي ) يمشي يرد علي حفتر مش عليا
ويا مشرفين نبي انقوللكم بيت أنقولو فيه في بني وليد:
أنجو نفهمو الموضوع شن مضمونه..... وانقعمزو فوق بساط حمادي
يعني لازم ترهونه تنصدم و أتحس أنها مقصره واااااااااااااااااااااجد يا لا خوتهم
وعالعموم أسف لو في حد زعل مني والسماح يا ترهونه واللي يعاتبك معناها ايحسك
ولو تبو تلغوا عضويتي , هدا شيء خاص بيكم وانتم احرار لكن نرجع انقوللكم هدا المنتدى الوحيد اللي ما زال نكتب فيه.
وفي قصيده قاعد أندور عليها لو ألقيتها رح انزلها وبالله عليكم أفهمو كل كلمه فيها شن معناها
والسلام عليكم ورحمة الله و بركاته

البرغوثي كتب:يا روح العروبه
الاجدر تردو علي حفتر
من وين يضربو فينا
من وين أتجي الامدادات للجردان
من وين ايجي العصير البارد و اللميه المثلجه
من وين ينطلقو الجردان لتنفيد هجملتهم
بعد قتلهم لخوتهم ورفله وين يمشو الجردان و يستريحو
وبعدين يا ماما مش 100 أو 200 اللي خانو لالالالالا
والله الحجه ضعيفه
وزي ما يقولو : هدا احصانك وهدي السدره
ويورونا و يتبتولنا ترهونه انهم في الصف وانهم مسيطرين علي حرمة الارض
يا سبحان الله البلي كله يطلع من مجي وانتي عارف الوطا كويس واتقوليلي ترهونه قاعده اتقاوم
لو (لو) ترهونه تبي اتفك علي ورفله والله تقدر من الليله أتفك وتحسم الموقف (لكن)ز
أنا نعرفها ترهونه زيييييييين زين
ما تنسيش أنكم ما شاء الله مليون و تلاتمائه ألف نسمه

البرغوثي كتب:يا روح العروبه
الاجدر تردو علي حفتر
من وين يضربو فينا
من وين أتجي الامدادات للجردان
من وين ايجي العصير البارد و اللميه المثلجه
من وين ينطلقو الجردان لتنفيد هجملتهم
بعد قتلهم لخوتهم ورفله وين يمشو الجردان و يستريحو
وبعدين يا ماما مش 100 أو 200 اللي خانو لالالالالا
والله الحجه ضعيفه
وزي ما يقولو : هدا احصانك وهدي السدره
ويورونا و يتبتولنا ترهونه انهم في الصف وانهم مسيطرين علي حرمة الارض
يا سبحان الله البلي كله يطلع من مجي وانتي عارف الوطا كويس واتقوليلي ترهونه قاعده اتقاوم
لو (لو) ترهونه تبي اتفك علي ورفله والله تقدر من الليله أتفك وتحسم الموقف (لكن)ز
أنا نعرفها ترهونه زيييييييين زين
ما تنسيش أنكم ما شاء الله مليون و تلاتمائه ألف نسمه

عابر السبيل كتب:اخوتى ان ما طرح فى هدا لموضوع وما علق به الاخوة والاخوات يكفى فى هدا لموضوع ولا نتمنى ان يتحول الى جدال ونحن اخوة فى المنتدى مهما حصل وكله عتاب فقط واعتقد حان وقت قفل الموضوع واعتذارى من اخى البرغوثى واختى روح العروبة