الى حبيبتي ليبيا............

اهدي الابيات الى ليبيا الحبيبه وكل الاحرار والشرفاء ابناء القبائل الشريفه

مانا لمد جايين # نحنا اللي من قبل موجودين.

انحاموا ترابك والرمل والطين # غالي
علينا نحضنوه مسرّة.

جدي اللي من قبل دمى لين # سّيل اشعابك بيش تبقي
حرّة.

ماهوش من فرعة الهرّابين # ولا ذل لا هادن بسو ما أطرّة.

فعلا حفيد الحسن
والحسين # شريف منسبة لنذال ضاقوا مرّة.

وهو كيف بو 60ريشه وين # اعلي مركزه حادى
انجوم مجرّة.

فواخر اجواد طيورومواعين # جيابت الفخر ديما انعيدوا الكرّة.

واشراف من لشراف منسوبين # لشرف ولد لشرف أولد من حرّة.

*** *** *** ***

مانا لمد الموم # نحنا ضناك ولصل قبل اليوم.

والى بعد بكرى وكل يوم ودوم# متهوني
علينى انسلموا في ذرّة.

فراسين ركابة على المكروم # قصير الضهر والقين ديرى
زرّة.

وطيار حرب وغوص بحرى ايعوم # وهلّي مشاه اسلاح بر ايجرّة.

وشيخ دين
بالفتوة ايفيد القوم # ومهندس معا دكتور حضّر ذرّة.

دونك تنابوا قبل يبدا اللوم #
ابادي وحضر لوكانك مضطرّة.

كيف قبل كي توى انصار الشوم # ايصبوا تريسك ينصروك ف
مرّة.

وخوي بوجلاوي كلمتى الها سوم # عالي وغالي ابجهر واللي سرّة.

استاذ في
البلاغة قنقني معلوم # قايلينها قبلي انزيد انقرّة.

انعاود امعاه ابيات من
المفهوم # على ليبيا و لجواد ما يطرّة.

الله يحفظك ياليبيا ويحفظ فرسانك
للشاعر الطاهر الفاخري