صباح الفل يا ابن بلدي

من طرف ???? الأربعاء 23 نوفمبر - 9:14

مالك يا أبن بلدي هو أنت قالب وشك ليه؟
مش أنت يوم ما الثورة قامت قلت هيييييه؟
ورقصت في الشارع وقلت بقينا أحرار يا بيه
وأنت أصلاً محدش قال لك حرية يعني أيه
وأن الحرية مش بس حقك اللي تفضل تدور عليه
وبعدين تنسي واجبك واللي عليك ما تفكرش فيه
وترجع بعديها تستغرب البلد ما تغيرتش ليه
طب أسمح لي أقول لك يا سيدي من يوم الثورة عملت ايه !؟
عملت بأسم الثورة كشك عشان تبيع سجاير
ولزقـت سـتـيـكـر الشـهـدا بـتوع 25 يناير
اللي الفكيك اكتشف أنهم ماتوا في أحداث يناير
وعالأرض الزراعية قلت فرصة وبنيت عماير
وعملت للثورة لحاف ومش بعيد تعمل ستاير
وكأن الثورة قامت لأجل الفلوس مش للضماير
كأنـك لبست بنطلون ونسيت تـقـفـل الزرايـر
بعد الثورة أنت قلت كلام كتير مية مية
قلت البلد دي بلدي وهشيلها جوة عينيا
وعشانها هتغير عشان مصر البهية
لكن كانت المفاجأة أن أخلاقك هيا هيا
وكلها كام يوم ورجعت ريما لعادتها الأولانية
وبقيت تشكي من البلطجة وأحنا كلنا بلطجية
أصل أحنا أحسن ناس تصقف وأجدع مطبلاتية
تكونش فاكر الفهلوة هتاخدك للعالمية؟
ده مفيش بلد بتتقدم وأغلب سكانها فهلوية
ده أحنا عشان نتقدم عايزين عزيمة قوية
وأتفرج عاليابان وشوف خيبتك القوية
يضربها نووي، اعصار، بركان وبرده واقفة عفية
واحنا بلدنا تولع عشان عيل عاكس ولية
آه لو تبدأ بنفسك بشوية أحساس بالمسؤلية
واللي بيقول لك الكلام ده مش واحد من الفلول
صدقني أنا كنت جنبك جوا الميدان مسحول
وكنت بعلو صوتي بصرخ معاك وباقول
ارحل ياللي ظلمك عدى كل العقول
يمكن أكون أنا ساذج، يمكن أكون مخبول
بس أن أحنا نظلم نفسنا، أهو ده اللي مش مقبول

صباح الفل يا ابن بلادي
ه
طب أسمح لي أقول من يوم الثورة عملت ايه !؟
عملت بأسم الثورة كشك عشان تبيع سجاير
ولزقـت سـتـيـكـر الشـهـدا بـتوع 17فبراير
وحاليا تبيع وتشتري في سلاح وناس كلها خايفه تطلع لجناين

غير انكم زدتو حقد على بعضكم بجرت التورة الصهيونية
وحاليا تتنحرو على الحكومة اللى انتخبوها من خارج الجماهيرية
وياخسارتك يا ام اللى بعتي ولدك ومات في حرب الجاهلية
وفي الاخير ولا واحد اتفكر شهدائك انتى يلي اسمك تورة شعبية
ما انتى الا تورة برنارد ولد الصهيونية
بس هيا في الحقيقة ما هيا الا حرب وخدعة ولعبة مساونية