مامن عجب ريناه في هالمده

مامن عجب ريناه في هالمده ...... العين كل شي تصدّقه خلاّها

ريت ام منقسمه جزاوي عدّه ..... و ماهمش بيها حاسّين ضناها

ريت كم حاكم منبطح في الرده ..... سركوزى مداس و مو مراعى جاهه

ريت كيف يرفع في الفيتو ضده ..... و هو فيه يستعطف تقول ايلاهه

ريت نفط ماشي للعدو مودّه ..... يغذي بوارج ليبيا مرماها

ريت القنابل نارها مشتده ..... حتى المدارس ما نجت من داها

ريت ابنيه سيسانها منهده ..... و كم عايله غم الركام اشلاها

ريت وادى ماجر منظر يجيب الغده ..... رقاريق دم و جثث ما تحصاها

ريت كم عيّل نصف وجهه عدّى ..... و كم شابّه متناثرات اعضاها

ريت كم شايب بالرصاص تردّى ..... و كم من ثكلى سيل دمعها بكاها

ريت كم كلبً ابخوه اليوم تغدى ..... و كم طفل كسرة خبز ما يلقاها

ريت وجه في رائيس ما يتندى ..... دوله تقتّل في اخوته خاواها

ريت باب في وجه الجريحه سده ..... بحجّة يفشّل في اهداف اعداها

ريت اجتماع اكبارنا في الشده ..... كليمات للتنديد ملّيناها

ريت ريت ياما ريت ياسر سده ..... طاب خاطري من سرد هلّي راها

وديول العرب ما يفارقوا المخده ...... و راعي الشياه يموت دون شياهه

يالله يا معين كيده رده ...... غازي غزى ليبيا يريد فناها

كيف ما نصرت جيوشنا في الرده ..... انصرها و طهّر منه الاوباش ثراها

صحيت يا محرر وباني ليبيا الحديثة ... ابدعت في التعبير الملم للاوضاع..

سلم لسانك

كلماتك معبرة جدا

رائعه فعلا وستكون اروع فى القسم الادبي ..