مازلت نا هو نا .. عنوان للصمود و رمز للتصدى .. سبيل عادتي مازال في رد علي ابيات شعر لسفيرة النوايا الحسنه

كنت انرد علي ابيات شعر لسفيرة النوايه الحسنه
يا عصر فيه طموحنا ينداس**من اي الكواكب جيت واي فضا
الاسلام عندنا غيلة وطعن مواس**وردت جميل الطيبات اداء
و في شايب من الجماعه الي معايا كان بجنبي و قالي نحن ما يأثر فينا لازمان و لاشيوخ انتاع الفتنه و رد عليها بالقصيده هذي وهو كان قايلها بعد شاف المعتصم في الجبهه وهي باللهجه الشرقاوية المسكره فسجلتها له و انشاء الله خوتي يفهمو الكلمات و
الي تبي توضيح انشاء الله نشرحلكم معناها

مازلت نا هو نا .. عنوان للصمود و رمز للتصدى .. سبيل عادتي مازال

مازال شامخ خشمي .. و مازال يدالف هوايج طشمي
و مازلت نغشم انكان اتجي للغشمي .. عنيف صلب ما نقبل الاستغبى
ومازال يصعب بالنقايص وشمي .. عصيت ع التمنتيفه و ع التغوى
ومازل في عينت المولى عشمي .. قوي بيه نتقى جميع ابلاه
ومازلت شهم بمن تشاهى حشمي .. و ما زلت للبغضي امراض الداه

مازلت رافع راسي .. وما زال عودي في الطقاشى قاسي
ومازال فيا من مأاثر ناسي .. عزم و عصر فيه شبع ورواع
ومازال ما يامن خصيمي باسي .. وان كان انتبش للعاص فانك باه
ومازلت مرهف للضعيف احساسي .. ومازلت ع الطاغوت نار احماه
ومازلت فألام الجريحي انواسي .. بكا ما اوتيت و ما الله عطاه

مازلت نا هو الاول .. و مازلت ف اجنان الشرف نجول
ومازلت لا نحرف لا انتحول ..عن ما اعتقدت و لا انرد وراه
ومازال ورورتي بعد نصول .. اتطرطش زبادي فايره تحماه
و مازل بالفال السقيم انفول .. بشير للعتاب و للخلاص اهواه
ومازال للغول الجهيم انغول .. ودون ما اتمومد ما اكففتت لا
ومازال عن نشو البهيم انعول الضاري فوقها فارسنه و اوعاه

مازلت ناصب طولي .. و مازلت في موقف ثبات ارجولي
و مازل تتارن افخار اثفولي .. مع كل شرافه لهن تجباه
و مازلت صايم من النجس اجفولي .. انحير برفضي لدلع الاعداء
ومازل يداوى جريح اطبولي .. علي رغم كراها ملاء الجواء
ومازلت بو نجها غشيم جهولي .. فحل في العراك و صلد جاء ما جاء
ومازال من مطن قفاه اجدولي .. حط في اصفاع و غالبه البكاء
و ما زال ما نقطع رجاء ميموني .. صلحت الحال رغم غيم لاجواء
وماني علي خربت السوق عجولي .. امغير تلمس خشمي يلزمك تصلاه
مانيش من الي مشيهم هزمولي .. ثبات في الوقوف و وثق في التخطاه

مازال كيما كان .. صعب اوصولي لا ابناب لا مختال لا بغراه

وهذا التسجيل الصوتي انتاع القصيده
http://www.4shared.com/audio/pajgd2ds/unkown_soldier.html

اللهم نصرك الذي وعدت

السهم الناري كتب:اللهم نصرك الذي وعدت

أذن الله و عونه النصر جاي لا محاله هذا مش كلامي انا و لا احلامي هذا كلام التاريخ

مازال في عين المولي عشمي***قوي بيه نشفي جميع بلاه

مازال مرهف للضعيف احساسي***ومازلت ع الطاغوت نار حماه

مازلت ناصب طولي***مازلت في موقف تبات رجولي

مازالكيما كان صعب وصولي***لا ابناب لا مختال لا بغراء

مشكور خوي **اناو سوليدر**

ربي يحفضك انت والشايب اللي معاك
وسلم عليه واجد واجد
وصيه مرة مرة يذكرنا بي ابيات سمحة زي هالابيات
لان اختك تحب الشعر هلبة

بس بي لهجتنا لان فيه كلمات ما فهمتها

صح لسانك

سفيرة النوايا الحسنة كتب:مازال في عين المولي عشمي***قوي بيه نشفي جميع بلاه

مازال مرهف للضعيف احساسي***ومازلت ع الطاغوت نار حماه

مازلت ناصب طولي***مازلت في موقف تبات رجولي

مازالكيما كان صعب وصولي***لا ابناب لا مختال لا بغراء

مشكور خوي **اناو سوليدر**

ربي يحفضك انت والشايب اللي معاك
وسلم عليه واجد واجد
وصيه مرة مرة يذكرنا بي ابيات سمحة زي هالابيات
لان اختك تحب الشعر هلبة

بس بي لهجتنا لان فيه كلمات ما فهمتها

صح لسانك

بلهجتكم هذي ما نقدرش لانه شرقاوي مسكر .. وبعدين كان انقوله اتسلم عليك بنت يقولي وين نمشي نخطب هههههههههههههههههه ما معش بصاره بكل

شنو البيت الي ما فهمتيش توه نشرح لكي

ههههههههههه
انشاء الله ربي يسلمك

ورد بالك تقوله
فكنا يا خوي والله هالموضوع ماخاطرنا فيه بكل

ههههههههههه
انشاء الله ربي يسلمك

ورد بالك تقوله
فكنا يا خوي والله هالموضوع ماخاطرنا فيه بكل

سفيرة النوايا الحسنة كتب:ههههههههههه
انشاء الله ربي يسلمك

ورد بالك تقوله
فكنا يا خوي والله هالموضوع ماخاطرنا فيه بكل

هههههههههههههههههههههههههه بس كده حاااااااااااااااااااااضر
بس ما قلتيليش وشن البيت الي ما فهمتيش

صح لسانه وربي يحفظه

بنت الرصيفه كتب:صح لسانه وربي يحفظه

ههههههههههههههههههههههه غريبه العزيز ديما كانت اتقولي عطيك لقوه في لسانك
هههههههههههههههههههههههههههه