وواحد ما يعجباش شكلك يشريها معاك ويجيك بسيارة 14.5 وعينك ما تشوف الا النور ...

واحد + واحد = واحد

واحد أمسكر الحدود ...
وواحد أمسكر المطار ...
وواحد أمسكر الطريق ...
وواحد يهرب في الإثار ...
... ... وواحد راسه وراس القبور ...
وواحد يدني في النويرة لقديرته ...
وواحد بدى يحط في خطوط حمر ......
وواحد كان مااخداش حقيبة بيقلب الحكومة ...
وواحد يبي ليبيا فيدرالية باش يحصل ما يلهط ...
وواحد يا يشد المجلس العسكري يا نهاركم أحرف ...
وواحد يتاجر بالدين وكان تتكلم يطلعوك فتان وكافر ...
وواحد جماعته طايحين خنبة ويقولك لا هادو مش لينا ...
وواحد قاتل عبدالفتاح وإللى معاه ومايبيش يسلم روحه ...
وواحد ما يبيش اللغة العربية بس اللغة الرسمية في الدستور ...
وواحد طايح فيها تهديد كان ما داروش اللي في باله يقط الحكومة ......
وواحد يضربها سكرة ويشدلك بوابة وحيه على عمكم حيه حد يقرب ...
وواحد على خاطر حقائب حكومة مؤقتة يطلع المجلس الإنتكاسي خونة ...
وواحد يشبح في رويحته ومدينته وبس يقولك لولاي راهو ليبيا تقسمت ...
وواحد يبيها إسلامية !! عاد الله قتدهار !! تقول باقي الليبيين مش مسلمين ...
وواحد يفتح قناة تلفزيونية ولا إذاعية ويلمع إللي يبيه و يمسح بي إللي يبيه ...
وواحد يخوف في الليبيين ويقوللهم البترول بيكمل وديرو حل لروحكم من توة ...
وواحد شادها على المصارف باش يصرف ألفين دولار ويطلع للسوق يبيعها بمكسب ...
وواحد ما يعجباش شكلك يشريها معاك ويجيك بسيارة 14.5 وعينك ما تشوف الا النور ...
وواحد مداير جمعية خيرية ويلقط فالفليسات بسم عوائل الشهداء والجرحى ويدس في جيبه

وشدى العزم ياليبيا
منقـــــــــــــــــــــــول

حسبي الله ونعم الوكيل في كل هؤلاء

ايه والله صدقت

ضــــــــــــــــــــــــــــاعت ضـــــــــــــــــاعت ضـــــــــــــــــــــــــــــــــــــاعت