ياراضيين العار..............لخونة الجامعه العبريه

هذه القصيدة للشاعر المعروف مفتاح الفالح تتحدث ابيات القصيدة عن الذل العربي و العار الذي يغطي العرب من العدو الاسرائيلي

يا راضيين العار ..
يكفيكم ركوع وشجب واستنكار ..
مفروض تختشوا ..

يا باردين الحيل .. ويا حانيين الراس لسرائيل ..
داسوا القدس .. وقتلوا العويل ..
ان كان تفهموا وصلوا لعقر الدار ..

* * * * * * * * * *

يا مدمنين الشجب والتأجيل
يا بايعين العرض .. يا فجار .. !!
اسماه كامبوا ديفيد .. خذاكم سيل ..
عرب باعكم .. طفل الحجارة ثار ..

* * * * * * * * * *

يا راضيين الظلم
وملي ظلمكم .. تطلبوا في السلم
وفي كل قمة تحلموا في حلم ..
وفي كل قمة مالكم دبار ..
وفي كل قمة يصير فيكم شلم ..
وفي كل قمة ساسكم منهار ..
وفي كل قمة مضيقين العلم ..
وفي كل قمة طالعين اصغار ..
يا سبب تلطيخ .. الامجاد الاولى
والشرف والتاريخ ..
يا من تغاضيتوا عليه صريخ
اطفال شعب عزل دالهم جبار ..
يا من كملتوا قتل واتسخسيخ ..
يا عايشين اذناب لستعمار ..
يا مضيعة ميعاد شرم الشيخ ..
يا مضحكة .. باراك والدولار ..

* * * * * * * * * *

يا باذلين الجهد ..
في كل ما يغضب الواحد الاحد ..
يا قاتلين امالنا في المهد ..
يا قهر لأمة يا اعداء الاحرار ..
يا ويلكم منا امرار الصهد ..
نهار التغابن يا وقود النار ..

يا عايدين الكرة ..
يا حانيين الراس مية مرة ..
فضحكم الواقع والقناع تعرى ..
وضحت الصورة ماهناك عذار ..
لا لكم انجاز ولا صنعتوا ذرة ..
في عيون الصغار صغار ..
وكمين طفل مات بري .. كيف الدرة ..
لعند توا ما اوخذلة ثار ..

* * * * * * * * * *

يا اقلال الهمة ..
يا اكبار الامة ..
يا تعاسة الامة ..
يلي امريكا لبستكم عمة ..
ما ترقدوا ليلة بلا احتقار ..
يللي التميتوا اطناشر لمة ..
يقنع وينفع وايش فيهن صار ..
كيف ما اتجوها تطلعوا م القمة ..
ما تزعجوا اليهود باي قرار ..
رخيص عندكم عرض الانسان ودمه ..
هدفكم افلوس وجاه واستقرار ..
تعبان وضعكم .. مخجل ومخزي تمة ..
ولعند توا نومكم ما طار ..

* * * * * * * * * *

يا خيان ..
يا بايعين القدس للعدوان ..
لو كان لي في الاعلام مكان ..
ونقدر انقول الشعر باستمرار
مجنون ..
ملتزم ..
شاعر بلا عنوان ..
حتى في النقابة صفر علي ايسار ..
لو كان هذا نشناكم الا اشنيان ..
وكل يوم نفضحكم بعد الاخبار ..
يا واصلين لمرحلة الادمان ..
ع الخوف والحياة في ظل الاستعمار ..
اياكم اجتنبوا غضب الامريكان ..
فيه خوف عالكرسي وفيه حصار ..
مرات يهجروكم في المضاجع كان ..
بلا موافقة منهم دعمتوا جار ..
نعلكم التايب لا اسمع الاذان ..
والمسلم العاصي لا فقد في البار ..
خدتوا معاكم شعب كي الجران ..
يزغرت وهو مشيول في التيار ..

يا راضيين العار ..
يكفيكم ركوع وشجب واستنكار ..
مفروض تختشوا .

من طرف green girl السبت 24 ديسمبر - 4:01

تسلمي بجد يارصيفيه هده القصيده بالدات نحبها هلبه يسلم دوقك يادواقه ====================================== Flag

سرت التي تتوسط ليبيا الحبيبه وخير الامور اوسطها Flag

green girl كتب:تسلمي بجد يارصيفيه هده القصيده بالدات نحبها هلبه يسلم دوقك يادواقه ====================================== سرت التي تتوسط ليبيا الحبيبه وخير الامور اوسطها

منوره حبوبه والذوق ذوقك لانك تحبيها

يا راضيين العار ..
يكفيكم ركوع وشجب واستنكار ..
مفروض تختشوا ..

يا باردين الحيل .. ويا حانيين الراس لسرائيل ..
داسوا القدس .. وقتلوا العويل ..
ان كان تفهموا وصلوا لعقر الدار ..

* * * * * * * * * *
يا راضيين الظلم
وملي ظلمكم .. تطلبوا في السلم
وفي كل قمة تحلموا في حلم ..
وفي كل قمة ساسكم منهار ..
وفي كل قمة طالعين اصغار ..
..
يا عايشين اذناب لستعمار ..
يا مضحكة .. باراك والدولار ..

* * * * * * * * * *

يا قاتلين امالنا في المهد .. Sad

يا قهر لأمة يا اعداء الاحرار ..
يا ويلكم منا امرار الصهد ..

يا عايدين الكرة ..
يا حانيين الراس مية مرة ..
فضحكم الواقع والقناع تعرى ..
وضحت الصورة ماهناك عذار ..
في عيون الصغار صغار ..

* * * * * * * * * *

يا اقلال الهمة ..
يا تعاسة الامة ..
ما ترقدوا ليلة بلا احتقار ..
يللي التميتوا اطناشر لمة ..
ما تزعجوا اليهود باي قرار ..
رخيص عندكم عرض الانسان ودمه ..
هدفكم افلوس وجاه واستقرار ..
تعبان وضعكم .. مخجل ومخزي تمة ..

* * * * * * * * * *

يا خيان ..
يا بايعين القدس للعدوان ..
لو كان لي في الاعلام مكان ..
ونقدر انقول الشعر باستمرار
مجنون ..
ملتزم ..
شاعر بلا عنوان ..

اياكم اجتنبوا غضب الامريكان ..
فيه خوف عالكرسي وفيه حصار ..
يا راضيين العار ..
يكفيكم ركوع وشجب واستنكار ..
مفروض تختشوا

الف شكر ليك **بنت الرصيفة**
اختيار رائع جدا جدا
للاسف هدا حال الامة العربية

ايــــــــــــــــــــــــــــــــــــــــــــــــــــــــــــــــــــــــــــه عرب كالعادة

ياراضيين العار..............لخونة الجامعه العبريه

ياراضيين العار..............لخونة الجامعه العبريه

رد: ياراضيين العار..............لخونة الجامعه العبريه

رد: ياراضيين العار..............لخونة الجامعه العبريه

رد: ياراضيين العار..............لخونة الجامعه العبريه