قصيدة البل حازنة

للشاعر : الصغير اغنيوة

البل حازنة فى كل شعبة ووادي,,
سبب حزنها فقدة ضنا لجوادي,,
اليوم حازنة فى كل شعبة وجلهة,,
واجعين غياب كانو هلها,,
اللي وين ماغازي يجي ينقلها,,
يفزولها سبق يجو جرادي,,
هوين سيدها بدق الرصاص جبرها,,
يا يردها يا يريح منها غادي,,
قاعدا ضوال تدور هي وفحلها,,
تحن حانة ومرايفة للوادي,,
وريت كيف جيل اليوم بيمثلها,,
شكرو البقر وحذفو الزوايل غادي,,
واللى ذمها نا عارفه يجهلها,,
يبدل جمل بالعجل عنده عادي,,

البل حازنة فى كل شعبة ووادي,,
سبب حزنها فقدة ضنا لجوادي,,
اليوم حازنة تشكّى,,
الي قبل ترفع في الحجاج لمكة,,
واهي صابرة قالينها في حكة,,
كراهب يكرن بين جاي وغادي,,

البل حازنة فى كل شعبة ووادي,,
سبب حزنها فقدة ضنا لجوادي,,
اليوم حازنة نبيها,,
بعد ولد المدينة ناض يكسب فيها,,
ودايرينها منظر وماهم ليها,,
حاطينها في صور وسط بلادي,,
بلامعرفة قاعد يحادي فيها,,
راح سيدها لى كان فيها يفادي,,
وهي وين ماتلقى طريق تجيها,,
تبرق تراجي في موتها سقادي,,
تبي تريح في جرة اعزاز عليها,,
ضنا اجواد ركابة الكوت فنادي,,
البل حازنة فى كل شعبة ووادي,,
سبب حزنها فقدة ضنا لجوادي,,

*********************
قصيدة البل حازنة 277164628

من طرف الفارس الخميس 8 مارس - 21:32

سلمت خوي ولد الرصيفه علي نقل هادي القصيده الجميله جدا

البل حازنة فى كل شعبة ووادي,,
سبب حزنها فقدة ضنا لجوادي,,

سلمت ياخوي ولد الرصيفه وفعلا البل عز لاصحابها

من طرف fawzi zertit الخميس 8 مارس - 21:48

راح سيدها لى كان فيها يفادي,,
وهي وين ماتلقى طريق تجيها,,
Thump up

بارك الله فيك يااخي ولد الرصيفه

مشكورين على المرور المميز,,,

من طرف المجاهدة الجمعة 9 مارس - 1:33

البل حازنة فى كل شعبة ووادي,,
سبب حزنها فقدة ضنا لجوادي,,
تسلم وشعر رائع

قصيدة رائعة,,
شكرا ليك خوي

بارك الله فيك ا خي ولد الرصيفة علي هذه القصيدة الرائعة .. flag2

من طرف طحلب 1969 السبت 10 مارس - 0:31

المجاهدة كتب:البل حازنة فى كل شعبة ووادي,,
سبب حزنها فقدة ضنا لجوادي,,
تسلم وشعر رائع

من طرف Zico السبت 10 مارس - 1:14

بارك الله فيك ا خي ولد الرصيفة علي هذه القصيدة الرائعة

من طرف green girl السبت 10 مارس - 3:25

البل تعز النفس وانعم بيها &&& وهي عزها في الخيل تتبع فيها ======================================شايلينك وانتي اللي شياله &&& الدنيا قديمه كل يوم ابحاله ====================================== يا حلابه ... دلالك مع سيدك ايام شبابه ====================================== Flag

سرت التي تتوسط ليبيا الحبيبه وخير الامور اوسطها Flag

ماتحزني ياكحيله** ترجع ايام العز ومواصيله

اللي راح يرجع بين يوم وليله * مادام فيناعرق حي ينادي
وسيدك وسيد الوطن بات العيله * افثاره نهدومانهاب الصادي