لو متت ماناكل اللي مو طيب .....

هذه القصيده تعد من روائع الشعر الشعبي التي تتناداى بصفات ابناء الاجواد(الرجال الحقيقين) وهي لامير شعراء الشعر الشعبي المرحوم حسن الاقطع الفاخري وهي اهداء مني لكل الاعضاء جميعا واخص بيها نبض الوطن صاحبه مقوله الاجواد ماترافق الا الاجواد:

لو متت ما ناكل اللي موطيّب............الخالق غني واللي خلق ما يسيّب

ولاناكل المسروقة.......................ولا نطارد اللي ف السبب ملحوقة
غني بصبر واللي صابرة مرزوقة....حتى لو بطا خير الكريم اقريب
طعام الجفا نقذاه قبل انذوقه............مفطوم ع العصر عايش معاش يخيّب
لاني دنوعي خطوتي مطلوقة.........ولاني عقور الغافلين انّـيـب
رحمة الخالق ما اتجي من فوقه...... على زرعه اللي زارع الشر تغيّب

لا نوارد غابي...........................ولا نشرب الداله اللي ماي قابي
حتى ان كان في البيّن رقيق ترابي... سراب قايله ديما البعيد اقريب
وروس العرب هم قرعتي واصحابي...نشكرهم صحيح وما علي اتعيّب
وذيل العرب ما يعرفوا باطلابي........ حتى وهم خواجه هل شوي واركيب

لو متت ما نرضى اوصاف زهيدة..... لجواد خيّبولي كل نوع نريده
بحساب يوم رفقتهم سنين عديدة.......ورفقة الذيليّة نهار اتشيّب
بينهم مسافة واسعة وبعيدة ............الزينين للعفنين وايش ايجيّب
لجواد لا رقيق الدق نق غريده........سباع الخلا منهم الناس اتريّب
لا يبخلوا لا يركبوا القعيدة ........... يغير بك اللي منهم اتقول اعطيّب
لا عاد سوط ولا ركاب يصيده ...... غلي جار جارهم هل هناه تهيّـب

طعام الجفا نقذاه قبل انذوقه*** مفطوم ع العصر عايش معاش يخيّب

بارك الله فيك وإختيارك لهذه القصيدة للشاعر حسن لقطع رحمة الله عليه يا محاربنا يا ولد الأجواد

ولك مني هذه الأبيات

الأجـــواد يا كريــم الجـود خيـر هدايـــا *** بهــــا جـاد دون النـــــــاس عالأجـــــواد

سماهـــــــم أجــــــواد منسليـــــــــن سمايـــــــا *** مشاهيــــــــر جيابـــــــــــــــة ثنـــــــاء وأمجـاد

ايجوا في عقاب وفي أول السهرايــة *** أصحاب المواقف والظروف أشـــداد

لو متت ماناكل اللي مو طيب .....

لو متت ماناكل اللي مو طيب .....

رد: لو متت ماناكل اللي مو طيب .....