حواري مع احدى المغرر بها ( 2 )

درست في الجامعه واكملت تعليمها الجامعي وبعدها جلست في المنزل وسعت للحصول على عمل ولكنها كانت تريد عمل معين فلم تحصل عليه وذلك لندره تخصصها في الحياه العمليه ورفضت ان تكون معلمه رغم انه جائها اكثر من عرض وبعد فتره دخلت الخلوة واصبحت تحفظ في القران ولبست النقاب المهم جائها التعيين وكان تعيينها معلمه فرضت به ولكن شرطها ان تكون مدرسه بنات وفعلا اصبحت معلمه في مدرسه بنات ولكن معها رجال اصبحت تضايق من المدرسه وكل مرا تتحجج ولكنها تريد المرتب ( مع العلم ان اهلها حالتهم الماديه كويسه ) ولكن هذي امورها الشخصيه

جائها تقليص قعدت مضايقه من القرار في حين انها كانت تقدر تعمل في مكان تاني لكن انا قلتلها انت ملتزمه ماتبيش عمل وتبي مرتب اهي جاتك
بعد مابدات الاحداث تتصل وتقول ربي يسترنا وخايفين المهم مشيتلهم اول ماجلست قعدت اتقوللي شفتي اللجان الثوريه شفتيهم يدخلو البيوت ويغتصبوا فالنساء والله كيف مانحكيلكم انا طبعا رديت وبنرفزه قلتلها من اللجان الثوريه متنسيش ان عمك من اللجان الثوريه كيف عمرك سمعتي ان عمك دار حاجه بطاله اذا كان حتى دخان ميدخنش والفجر يصلي فيه فالجامع انت بالطريقه هذي تتهمي فيه يعني قوليلي اللجان الثوريه هما من اصلا كيف ماعمك منهم جارك خوك يعني ليبيين زينا زيهم مش من برا وبالله عليك قوليلي اسم واحد توا فالاحداث هذين قفز علي حوش واغتصب معرفتش تحكي معايا بس قالتلي الراديو قال والله علي قد ماتنرفزت ضحكت قلتلها اي راديو اذاعتنا المسموعه قصدك اللي توا فيها تحريم وتحليل وانت تحفظي في كتاب الله وقاعده تتهمي في ناس متعرفيهمش وقالتلي الجزيرة باهي اهي تقول قاعدين ايقتلوا في الناس (بيني وبينكم والله حسبي الله ونعم الوكيل فيها علي الجزيرة بجد والله ان اثرت في عقليه الناس غادي بنسبه 90 % ) مع انها مكانتش تتفرج علي تلفزيون اصبحت تتفرج وتتفرج المشكله بس ع القنوات الفتانه وبعدين انا طبعا قعدت اندافع قلتلها بالله عليك هذي لما قالتلي المرتزقه اتخش للحواشين ويغتصبوا قلتلها وريني حوش قالولكم انهم جا فيهم اللي انت تقولوه انا مش عارفه الفكره السيئه اللي حطوها وخشوا من باب الاغتصاب طبعا معجبهاش كلامي فاتتني بكل ووقفت
شفتها مرا تانيه انا كنت جالسه ساكته في نفس الغرفه كانت تحكي لوحده اخرا والله يستاهلوها وربي ينتقم منهم وكلام من هذا القبيل قلتلها انا بنسألك بس انت راضيه علي تدخل الاجنبي لبلادنا اصلا انا بصراحه اللي احبط نفسيتي ملقيتش حد مقتنع ان وجدو الناتو خطا باهي يقعد ضد النظام هذي حريته لكن ميقعدش مع اليهود ميدعمهمش للأسف نفس الرد كان
اصلا لو متدخلوش هما كنا نحن منسوفين كلنا بالله عليكم يااصحاب العقول لو فعلا الكلام اللي بيقولوه كان استنا الجيش الفترا هذي ؟ قبل القرار مش في طيارات ليش مقصف الشرق ؟ لا لما انقول هكي يقولوا لي لاماهو هو امر بالقصف بس مسمعوش الكلام وهبطو في مالطا والله كله من هالقناه والله حسبي الله ونعم الوكيل فيهم
المهم كان نقاش حاد بيني وبينها بعدين خشت علي تقليصها رديت عليها معش ردت عليا ( قلتلها انت متبيش تطلعي ونفس الوقت تبي مرتب باهي توا اهو مش تاخذي في مرتب ونفس الوقت قاعده فالحوش خلاص معناها احمدي ربيك ) والله مردت عليا

وفي بنات في نفس الوقت وحده فيهن قعدت اتقوللي انت مع ولاضد ضحكت والله قلتلها انا اكثر حاجه اتضحك فيا كلمه مع اوضد قلتلها انا مع الحق قالتلي اه معناها مع ثوار الخزي العارنظرت فيها نظره قلتلها كيف يعني قالتلي اصلا هما اللي معاهم الحق بعدين قالتلي احنا تحررنا توا سالتها قوليلي ايش تعني الحريه في نظرك ؟ طبعا مش اي حد يفهم
وهذي اقليه من الناس الكثر اللي هكي تفكيرهم

تعرفى كرهونى قى كلمة الحريه ...يبووو حريه الفساد وهده ميحلموش باها..تعرفى النمادج الى زى الى حكيتى عليهم وااااااااااااااااااااااااجدة وتفكيرهم ينرفز

الله يصبرك عليهم يا وخيتي بنغازية حرة وانشاء الله ربي يعجل بالنصر يا رب ويعرفوا وين الحق و وين الباطل

هم يطلبوا في الحرية ولا يعرفوا معنها ، مايسحابوش ارواحهم الناتو جلبلهم الحرية التي جلبتها امريكا للشعب العراقي مع احترامي للشعب العراقي والمقاومة العراقية واخيرا" لا اعرف ماذا اقول الإ الله يهديهم

حتى كان اهل بنغازى هلنا واحبابنا والله العظيم انتمناهم يرجعو اليوم قبل بكرة ومانبى نفرح لموت حد منهم لكن غلطو واجد فى بلادهم وفى هلهم فى الغرب وحتى فى حق انفسهم غلطو ولكن انقول لكل من له صديق انظم لهده الكارثة وخاصة بنغازية حرة هالبيت الشعر وقاله شاعر من بنغازى خذا سوك ياعينى خان لينا هان لفالماضى غالى كان ----خذا سوك ياعين انسيه ولا تطريه وعدى روحك ماريتيه لا غالى لا غاليتيه طلع خوان سريبه واملى بالنسيان ------ طبعا كلمة سوك بشد حرف الواو

ربي يهدي و خلاص...والله ربي يكون في عونك يا اختي بنغازيه..وسعة البال اللي عندك مع هالنماذج