تجميعة أمثال ليبية - جزاء 2

من طرف Zico الخميس 14 يوليو - 19:52

أحوج من فار المسجد
ثعلب حايم ولا أسد نايم
دجاجة الملك منقارها من حديد

البنت ضرة أمـها

البنت تتربي مرتين : وحـدة عند بوها، وحدة عند راجلها

البنت تجيب من عمتها ولو كان من كعبتها
بو البنات مرزوق
اللي خلف البنات ما مات
أعطي بنتك وزيد عصيدة
بفلوسك بنت السلطان عروسك
رباية البنت علي أمها
خوذ بنت عمك تصبر علي همك
عليك ببنات الأصول راهو الزمان يطول
خوذ البنات من صدور العمات
اللي يخونها ذراعها تقول: أنا مسحورة

اللي مراته قصيرة يفرح ويقول صغيرة
عقربين في غار ولا أختين في دار
حتي وهي مريضة ما تنسي القريضة
الضرة ضرة ولو كانت وذن جرة
أم الهبلة تموت وهي تاكل في شواربها
اللى يموت يطوالن كرعيه
استعجل تبطا
غايظه واسمع اللى فى قلبه
اللى يبيع جنانه , ينسى غلته
اللى بيدير الخير ما يشاورش
اللى ينغنى بعد فقره , ادعيله بثبات عقله
كول ما يعجبك , والبس ما يعجب الناس
اللى يخدم صنعة تطيعه
اللى يصرف ولا يحسب , يفلس ولا يدرى
المتربى فى الخير , يشم ايده يشبع
الـلـي عنـده بنــات عنـده الــهم بالـحـفنـات
الـلـي عنــده بنــات يناسب الــكلاب
البنات زريعة ابليس
البنات سلعة ذل
البنت أم والولد كـم
البنت حنونة
اللي تقسم للجوف اتبات فيه
ما قعد في السوق الا مرزوق
ماتقول احميده جا لين ايقول الباب زيو
خذ الحكمة من روس الفكارن
الديك قال البركة فى اللمة
اللى عنده الحنة يحنى ذيل حماره
كيف جيران الاخرة
الاسم كبير والعشا شعير
السكات فى باب الكلام خسارة
استعجل تبطا
راحة الحمار فى الفلوكة
تفرشيكة حمار فى فلوكة
كيف راحة الكرموس فى الغرارة

المكان الي بينوضوك منه ماتقعمز فيه .

اللسان هبرة تكسر في العضم .

ياهارب من الغولة ياطايح في سلال القلوب .

بات في الدباغ ليله صبح قربه
مايعرف التمر من البصل الحمر

اللي يغربك ما ينجيك** ولا توتخد له دباير

واللي تقرضك ما تربيك** ولا تلتقى في العشاير

واللي مي فرس بوك ترميك** ايقولو اصحاب التماير

والزور زور موش غابيك** محسوب من افعال الكباير

والحق حق ما نوريك **راهو دوا للضماير

واللي يعاشرك ما يخليك** حتى والزمان صار جاير

واللي عالخطا يداعيك **مايودلك كان الخساير

واللي جابلك ما يواليك** للسو زارع بداير

واللي يجرحك ما يداويك** انكان ما صفنش الضماير