تجميعة أمثال ليبية - جزاء 3

من طرف Zico الخميس 14 يوليو - 19:53

"عيش بالمنى يا كمون .. نين إيجيك الشرابي"

الكثرة تحرم الود
عاون سيدك عبد السلام بحبيل
اخر الزمر طيط
ابليس ما يخربش بيته

يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته*
كل حد وسعده .. حتى البرم ، وحدة تطبخ في السفناري ، وحدة تطبخ في اللحم*
*مدام ولدي حي يا سعدودي .. نوار قبرعون فوق خدودي
الشوارب تبوس .. والقلب فيه السوس*
*الفار الزرباز من سعد القطوس
اللي واخذ على طعامك ، وين يشبحك يجوع*
صامت قليل الملح ما يتعدّى .. برّك احدانا ناقته وتغذّى*
ما يحبّها شبح .... جابوهلّه عروس*
*في اللبس زوجة من ... وفي الشرف بنت من
*كل شئ دواه الصبر ، إلا قلّت الصبر ماليهاش دواء
*اللي ضرباته أمه راحت فيه
*مشيت للبحر نشكي من كبر هبالي .. حتى البحر وخّر ووجعه حالي
*غايضه واسمع مافي قلبه
*كل شئ تلقاه في السوق ، كان أمك وبوك
*اللي يحب روحه ، يقعد بروحه

*شرْقه بريقك ، توّريك عدوّك من حبيبك

*يا تعس من عنده ابنتّه حارة ... بنيّة وحيدة تفيّض المرارة
*يا عيون مصبركم على غاليكم ... كيف ترقدوا نوم الهني ويجيكم
*تمنيتلك يا قلب ما تتمنى ، حجة وتوبة والصلاة والجنة
*يا نفس توبي وارجعي للمولى ... راهو وراك القبر مشنى طوله
لو تندري يا نفس شن يطرالك ... تنوحي على روحك العمر بطوله*

*حاسدين الأعمى على طول عكازه
قالّه التقعميز على الرخام في الصيف مضرة*
قالّه وفي الشتي ؟ ... قالّه لو كان خلاك تقعمز

اللي مرته قصيرة ، يفرح ويقول صغيرة*
ياعين خليك منه كثر البكي والغريدي ، إمغير أطلبي فضل مولاك ، يقرب زول من تريدي*
*بالله يا قلبي شرتعها ... يا رحمة ربي موسعها
فيه من كلامه مستكه وقرنفل ، وفيه من كلامه حار زي الفلفل*

زوجت بنتي باش نرتاح من بلاها ، جتني وأربعة صغار وراها*

*زي رجل البهيم القدامية ... لا تحك ، لا تصك
*اشكون يسبقك ، كان تجري بروحك
*كيف اللي يخرّف في حلمته لحماره
*جبال الكُحل ... يكملوهم المراود

مات البحر وصلى عليه الحوت*
نسمة من قراجيم الحوت*

*اجعل كل ثنيّة عندنا فيها ولية
*من قلة بختي جت كنتي بنت أختي
مركب الضراير سارت ومركب السلفات حارت*
*ما هم إلا هم السّلْفة، أما الحما ماشية منتلفة
*عقربين في غار ولا سلفتين في دار
*مهبول من شوى دحية ومهبول من طمع فيها..ومهبول من عطى بنتها للسايب يربيها
اجعنك ياعايشة بين غشر عيشات
رزقك ويعاديك
اللي توصيه ماخير فيه
الحر من همزة والعبد من غمزة
اللي مايالف قديمه مايالف جديد الناس
اللي ترهنه تبيعه
كيف عيش الشعير موكول ومذموم
لاوية حزام الطرف بالتاجورى
بنات باب بحر يرقصو على غلو البرمة
ياسعد من كان الرقيب خالة
التونسى قال عندنا بى واحد وطرابلس كلها بيات
ما يجى من العرب باشا ولا من الحطب ماشا
من قبل زازيا مخبلة فى شعرها

رخص الحرير نين واطوا به لقدور
اجعنا غابة والناس فينا حطابا
بعد السيف أمعلق منجل
من شوق الشيح سمت ولدها شيحة
شاوره أوما تعباش عليه
قسم العيد إيجي من بعيد