ادمن صفحة ,,جامعة طرابلس,, يحكي شن صار معاه اليوم !!!في ظل فووورة قهااااااير

جامعة طرابلس‏
والله قاعد ما مصدق الي صار معاي اليوم في عز الظهر الساعه 3 صارلي سطو مسلح ونزلوني من السياره وخدو مني التلفونات وفلوس من القجر والسياره ما قدروش يولعوها ضربو القومه برصاص وخلوها

لكن بارك الله فيهم خلولي الشفرات قضوهم من التلفونات ولوحوهم

والله الحمد لله جت ف الريش معقوله بني أدم بدي حقه رصاصه الزفت والله القتل بدي زي صباح الخير يقتلك ويفوت ما يندري عليك واحد
...
والله في هديك اللحظه معاد عرفت كيف نتصرف الحاجه الوحيده الي درتها أني فصلة التأمينه لما طفيت السياره بس

نسأل الله السلامه وربي يعوض خير أن شاء وربي يجعل كيدهم في نحرهم

القراندي

,,,,,,,,,,,,,,,,,,,,,,,,

لا والمشكلة كان تتناقش معاهم ما يخلو باش يحلفو ان الدنيا امن وامان وطياح سعد

الا وين توصل فيهم بس هذاكا وين يبدا الخوف بالجديات وتبدأ لا امن ولا امان

وصباح الخير يا قراااااااااندي هذا وين عررررررررررفت ان حياة البني ادم حقها رصاصة بس؟؟؟؟

ربي يلطف بها بلادنا وخلاص