بيان مناطق ومدن غرب وجنوب طرابلس بشان الاحداث الدامية بعاصمة ليبيا طرابلس :

من طرف زائر الأحد 17 نوفمبر - 1:46

بسم الله الرحمن الرحيم والصلاة والسلام على اشرف المرسلين .

ان مناطق ومدن غرب وجنوب طرابلس تابعت المظاهرة السلمية التي خرجت في 15 / 11 / 2013 بعد صلاة الجمعة مطالبة باخلاء طرابلس من التشكيلات المسلحة . وقد تابعت بكل حزن وأسى الاحداث المؤسفة التي حولت المظاهرة السلمية الى احداث دامية سقط فيها العديد من الابرياء ، وفي الوق...ت الذي نقدم فيه تعازينا لذوي الضحايا فاننا نعبر عن اسفنا وتعاطفنا معهم ، متمنين الشفاء العاجل للمصابين . وفي ضل هذه الاحداث التي تعيشها طرابلس وضواحيها فاننا نؤكد على الاتي :-

1- نساند وندعم الحراك السلمي للشعب الليبي وندين الاعتداء على المدنيين الذي ادى الى سقوط الارواح خلال المظاهرة السلمية .

2- المطالبة بالتحقيق في احداث الجمعة الدامية وملاحقة المسؤلين عن ارتكاب الجرائم والقبض عليهم ومحاكمتهم .

3- ندعم و بقوة جهود اهالي طرابلس الى اخراج كل التشكيلات المسلحة القبلية والجهوية والمؤدلجة والمشرعنة من العاصمة طرابلس وتطبيق القرار 27 و 53 .

4 - ندعو كل الليبيين الى ضبط النفس وتحكيم لغة العقل والابتعاد عن العنف والمحافظة على حرمة الدم الليبي واعتبار سفك دماء الابرياء وازهاق ارواحهم جريمة في حق الدين والوطن .

5 - نستنكر محاصرة مدينة طرابلس من قبل التشكيلات المسلحة ونطالبها بالانسحاب الفوري دون قيد او شرط .

6- نؤكد على تفعيل الجيش الليبي والشرطة لحفظ الامن .

7- نحمل المسئولية الكاملة للمؤتمر الوطني العام والحكومة المؤقتة تجاه الاحداث الدامية التي وصل اليها أمن الوطن والمواطن في هذه المرحلة من تاريخ ليبيا .

حفظ الله ليبيا من كل مكروه .

والسلام عليكم ورحمة الله وبركاته

ملتقى مناطق ومدن غرب وجنوب طرابلس .

صدر في مدينة جنزور يوم السبت الثاني عشر من شهر محرم الحرام 1435 هجري
الموافق السادس عشر من شهر نوفمبر 2013

..

أني واحدة من الناس أعيت من البيانات نبي فعل هيا ياجنزور اعطيهم الاشارة وأن شاء الله يكون هذا البيان هو الاشارة يااااااااااارب

مشكوره و بارك الله فيك أختي جراح

من طرف teto الأحد 17 نوفمبر - 9:50

ربنا يهدى العباد لما فيه خير هذه البلاد

اللهم أهدى العباد لما فيه خير هذه البلاد

من طرف greenisback الأحد 17 نوفمبر - 23:56

الشعب الليبي بينتهي ويقتل وتسفك دماء أبنائه في كل مرة بحجة وذريعة وأسلوب مختلف والبيانات واخذة مجراها وما بتش تنتهي‏!‏‏!‏‏!‏ الباين بتستمر لآخر واحد من الليبيين بيصدر بيان بروحه يدين ويستنكر ويشجب‏!‏‏!‏‏!‏ اللي اتجي فيه ربي يصبره ولك الله يا وطني الجريح.. صبر جميل والله المستعان

يوم ما ان ضربت بني وليد ما دورها حد الا القليل من الأوفياء الشرفاء يوم سوق السعي حصلوا اطرنقات من المصاريت الكل بدي ايعيط وينذب وشجب وبيانات حتي الأحرار ( قريب بينصبوا خيم عزاء في حياشهم ) علي سبة السعي بني وليد ( يلعن والديها ) . . . والله ما واجعني فيهم واحد ( عدا الأحرار ) و ( حرمة الدم الليبي ) وين كانت هذه الحرمة لما الناتو يفشخ فينا والملاعين بتاع الناتو مش مقصرين في قتل الأحرار والابرياء ، عجب والله نبكي علي خاطر من بكاني . .

من طرف Zico الإثنين 18 نوفمبر - 0:28

البيانات إنها الوصفة المخدرة لكل عملية حرب بين منطقتين نتاجها التخريب والتدمير

لا ومجالس الحكماء ومش عارف شيني لو حكماء يشدوا فروخهم وأوباشهم قبل ما يطلعوا مش بعد ما يخربوها يطلعوا شيابينهم ومعليش وسامحونا وأمسحوها في ها اللحي لعنة الله عليهم وعلى لحيهم وعلى حكمتهم اللي ما تجي إلا بعد أن نفلتوا كلاهم اللي عنده كلب يربيه ويلجمه على الخطاء بعدين يولي حكيم لا والأدهى يطلبوا الصفح في الدم تي رب العالمين طلب القصاص في الدم والقتل وأحنا يقتل وتوا يرفع جبهية باش يخوفوا بيها ويقولك خلاص طاحوا عليك الشيابين عيب تردهم واللي ماتوا اليومين اللي فاتوا دمهم مشي فطيس وعادت أوغاد مصراته إلى أهاليها سالمة وتستقبل بالزغاريد

بيان مناطق ومدن غرب وجنوب طرابلس بشان الاحداث الدامية بعاصمة ليبيا طرابلس :

بيان مناطق ومدن غرب وجنوب طرابلس بشان الاحداث الدامية بعاصمة ليبيا طرابلس :

رد: بيان مناطق ومدن غرب وجنوب طرابلس بشان الاحداث الدامية بعاصمة ليبيا طرابلس :

رد: بيان مناطق ومدن غرب وجنوب طرابلس بشان الاحداث الدامية بعاصمة ليبيا طرابلس :

رد: بيان مناطق ومدن غرب وجنوب طرابلس بشان الاحداث الدامية بعاصمة ليبيا طرابلس :

رد: بيان مناطق ومدن غرب وجنوب طرابلس بشان الاحداث الدامية بعاصمة ليبيا طرابلس :

رد: بيان مناطق ومدن غرب وجنوب طرابلس بشان الاحداث الدامية بعاصمة ليبيا طرابلس :

رد: بيان مناطق ومدن غرب وجنوب طرابلس بشان الاحداث الدامية بعاصمة ليبيا طرابلس :

رد: بيان مناطق ومدن غرب وجنوب طرابلس بشان الاحداث الدامية بعاصمة ليبيا طرابلس :