دعوه للجيش الليبي لقتال الخوارج

وحكم اللي جاب الناتو ويقتل في المسلمين ، وفقه الجهاد يمشي زمان وإلا توا بس يامؤدب ( نكلم في الشيخ يا gandopa )

والله ماعرفنا كيف تبوها الحق وكيف تبوا ترجعوها البلاد

ولا كيف بديروا لو كل شي تنتقدوا فيه
ولا عابيين ع القادمون؟؟ تي والنبي اصحوا وصحصحوا البلاد ع وشك الضياع ومعاد مرجعها واحد وكان تبدأ حتى أمريكا بجيشها

انا عن نفسي خلاص حدفت الانفعال وبدأت ناخد فيها بهداوه
{{الناتو ذخلونا بقنوات اقوى من ثقافة الشعب والشعب طيب لحد السداجه وثقافته صفر وتوعية صفر }}
وزيد عن هذا حقد وكبت بدات بنغازي
ايام التسعينات كان عمر شكال في بوابه الشرقية لدولة سرت كان اي شاحنة بطائع او شاحنة خضار ينزل فيها و يبدأ يعفس عليها بالشاحنة!!ولا كذب
سنوات طوا ا ا ال و هما بهذا الحال

صفر معيشتهم{صندوق الحليب 90دينار وشكارة السكر 100دينار و و وهذا طول التسعينات وانتم عارفين 90دينار شنو معناها وقتها

مع مرتبات اذيكا الفتره

وهلبا هلبا ا هلبا
وحتى السفراء والشخصيات لتحكوا ع اساس هلبه كانوا من الشرق دوة زايده لأن اغلبهم من البيضاء خوال الذكتور ولالا وابداها بالكاسح وبوشنة وغيرهم

وزيد عن هذا الحروب زمان سوى تشاد وغيرها
تي اغلبهم من الشرق و ناس كيف متزوجه وارامل زوجاتهم قعدوا
وبعد الحروب قعدوا الصرصرية يساوموا فيهم ع شرفهم لما بيأخدوا مرتبات ازواجهم وو

هذا غير لوحيد عائله
وفي لوالده و و
ولا تعوضوا ولا شي غير مره مره سياره
-------------
زيدها قبل الاحداث بسنتين لو تذكروا{{{{ طلع فجأة مقطع فيديو لحرب تشاد وع اساس واحد شرقاوي يحكي وكيف قصفتهم الطائرات الليبية و و و}}هذا سبب احتقان لأي شخص يتفرج عليه وأبداهم انا ،وطبعآ الشعب وقتها كله يحب القائد،،،وفي نفس
المده طلع تسجيل صوتي في النقالات لشاب يقول نوضوا وثوروا وكذا وكذا و نحنا ضعنا{طبعآ ع اساس سكران بس هو حشاها حشية صح}

لما تربط الاحداث تلقاهم يجهزوا فيك نفسيآ للثوره!!
وكان هذا كله قدام اجهزة الامن ومافي توعية ابدآ ولا اجراءات لحاجات زي هكي،،،

بدل مايديروا برامج توعية او تجيب قصة حرب تشاد او او او

لا طلعوا بأسطوانة لأسمه محمد ياخد 1000ومش عارف شنوا وكله ضحك زايد
ههههههههههه اشاعه ذخلت لدوله فوق 50مليون لأنك لازم تجيب شهادة العائله ولا مش عارف شن اسمها المهم سعرها 5 دينار
وزيدها ذمغه ومش عارف شنوا



تي من الاخير معادش بنلوم حد انا لأن الشعب معاد فهمناه
نقد في نقد

هما جابو الناتو
**الناتو جاي جاي لأنه مخطط
------
***هما ضيعوا البلاد
***لضيع البلاد قطر وشلقم والبراني
----------
***هما الجرذان سرقوا
***السراق هما المستوردين وفرنسا وقطر والجرذان ماخدوا شي
---------------
***لحارب هو الناتو وبقواته ومرتزقته و الجرذان ماذخلوا جبهة وكانوا هاربين لتونس
***هما الجرذان حاربوا تحت طائرات الناتو
---------------
زيذان والمؤتمر حطتهم قطر
***دبروا رأسكم ياجرذان انتم انتخبتوهم
---------------
الزنتان رجعت و نادمه
***الزنتان اول من باع و و و
---------------
النفط تأخد فيه امريكا و و
***النفط مصكرينه الجرذان بالاعتصامات
-----------------------------------
قصدي مصطلحاتنا
واخبارنا ديما منتقده في بعضها الحق

والاصل اساسا هو
ان الجرذان الكبار يا اما جافو يا اما سافروا يا اما امورهم طيبه وباقي الشعب تسلق خوف ع نفسه وعشان يعدل حياته

وفي الاخير نحنا فيها البلاد والقاعده والناتو وقوات حفظ السلام حتطول الجميع

والخراب للجميع
والاضرار للجميع

زي توا زيادة مرتبات ع الجميع

ولهذا عاودوا حسابات في بعض الاشياء لأن فرص ثمينة راحت في غوط الباطل
وبصراحه فراغ زايد واحلام وردية

نصيحه اي فرصه تجيك ما اضيعها وابداها بأحداث طرابلس

اقل شي عندك مسجون تقدر تطلع سراحه
وكان عندك كلب تجيفه


اما تكحل ومتشمت وانت النار بادية والعه في كندرتك وقريت تركب فيك
ياودي هذا برنامج فاشل


وبصراحه مافهمتش حاجتين

1_ شخص مدره كبدك زمان وعنده استطاعه يخدمك ،بس فايتك ومش معبرك وكان وقتها امان والامور طيبه-اشخاص هما-
{قصدي هذا توا بتولع فيه نار وطنية وبيفديك وبيخسر فلوس دعم و بينقدك و،،،اخ وفوقها ابسط حركه محسوبه عليه واساسآ مطارد من الجرذان.

2_السجون معبية
وشهدائنا بالهبل
ولبرا مهجرين ثلث السكان،وتجي تقول حاجه يقولوا قادمون؟؟؟؟؟؟؟
شكله في مرتزقه ياجماعه وتحث طائرات دوله عظمى بيجونا ولاكيف!!!

قصدي قولولهم سنتين البلاد تغيرت جغرافيتها لو انتم ماشيين بالخريطه
الاولى

لأنه بجديات هلبه مباني انمسحت و هلبه صالات ملابس ومحلات فتحت وهلبه مساكن بنوها اصحابها وتزوجوا

بارك الله فيك خوي جندوبا
نسيتك

با رك الله فيك اخي جندوبة ونشكر الشيخ الجليل
ولكن اين هو الجيش الليبي
منه الذي استشهد وهؤلاء كثير
ومنه معتقل في سجون الظلام
ومنه خارج البلاد وملاحق من الخونة والعملاء
ومنه خان وباع الدين والوطن
والباقي لاحول ولاقوة له

اللي بداءها ودخل فيها ينهيها وياداير يلاقي ويللي يكوي الناس بنار في الاخر ينكوي بيها هذوم انصار الشريعه مش موطنهم الشرق ومش بنغازي ايام الفوره كانت مستضيفتهم .مش اتهم القذافي بقتلهم في بوسليم وقعدوا يتباكوا عليهم  وتوا بيبكوا منهم
ويحاربوا فيهم ياسبحان الله كيف انقلبت الامور امس مجاهدين واليوم اعداء الدين والوطن قبل الفوره لم يكن هناك وطن كانت ليبيه غابه لا قانون فيها اما الان نحمد الله صباحا ومساء على الامن الذي نعيش فيه

........

نشكر كل من ساهم بالرد على هذا الموضوع ونطلب من جميع الأخوة طلبا ورجاءا وليس أمرا أن تكون ردودنا بعيدة عن النعوث التي تنفر وليكن ردنا يمثل رقينا وفكرنا المتفهم والمصاحب للخلق الرفيع مع تحياتي للجميع وأرجوا أن لا يفهم من كلامي هذا أنه موجه لأحد بعينه هو للجميع وأبتداء من نفسي ولكم الشكر سلفا على رحابة صدركم وتواجدكم الدائم

باااارك الله في شيخنا الفاضل خالد عثمان أبو عبد الأعلى حفظه الله .. والشيخ سلفي ان شاء الله
وفي هذا الربط ثناء بعض اهل العلم علي الشيخ
http://www.baiyt-essalafyat.com/vb/showthread.php?t=12884
حدثنا سهل بن أبي سهل حدثنا سفيان بن عيينة عن أبي غالب عن أبي أمامة يقول شر قتلى قتلوا تحت أديم السماء وخير قتيل من قتلوا كلاب أهل النار قد كان هؤلاء مسلمين فصاروا كفارا قلت يا أبا أمامة هذا شيء تقوله قال بل سمعته من رسول الله صلى الله عليه وسلم. تحقيق الألباني: حسن، المشكاة (3554)