جمعة زنقتنا

ياصباح الخير والامــــــــــــل الاخضر الذي سوف يطل علينا من جديد وبقـــــــــــــوة
جمعة زنقتنا 105016940

هيا أعضائنا وزوارنا الكرام الى بداية يوم جمعتنا المبارك بسم الله

جمعة زنقتنا 683373664

دعــــــــاء اليوم

ظلال النور كتب:الهي انك أنت العزيز الجبار الذي لااله الا أنت الهنا واله كل شيء الها واحدا، أسألك بحرمة الكلمات التامات كلها الأمن والعفو والعافية والمعافاة الدائمة لاسراااانا والمسلمين أجمعين يارب العالمين انك على كل شيء قدير، وارحممهم برحمتك ياأرحم الراحمين، واكشف عنهم مانزل بهم من ضر وشر، وخلصهم خلاصا به فرج داااائم يا رب العالمين، وصلى اللهم على سيدنا محمد وعلى آله وصحبه وسلم ...

لنجعل ايدينا واااحدة للدعااااء للاسرى الاحرااااار ...

طرف الورفلي الحر2 كتب:اللهم اكفنا وجميع المسلمين شر الخوراج المجرمين والخونة والعملاء والخوان المفلسين وكل مجرم ضال منحرف

حكمة اليوم

وأفطار اليوم؟؟؟

جمعة زنقتنا 478147277

ههههه توا افطور صغار زنقتنا بس ماتضحكوش وخاصة أنتي يا أمووووورة

جمعة زنقتنا 2536695qrb9pxritz

أخوتي لا تنسوا الدعاء للاسرى والمهجرين والشهداء
وهذه الجمعة ندعوا الى الشهيدة زهرة عائلة الصاكال

الـشهيدة خـولة ,,

استشهدت تحت التعذيب في سجون يهود مصراته,,

جمعة زنقتنا 1460025_594091667311912_880300143_n

جمعة زنقتنا 1460025_594091667311912_880300143_n

توا نستأذنكم الى وقت الغدي وبعدها موضوعنا اللي مش عادي ومن ثورتنا
بأذن الله

جمعة زنقتنا 1488802_579428158799483_1548371900_n

مرررررررحب بيكم جميعا

ويومكم سعيد ومبارك ان شااااااااء الله

ويا جراحو ضحكت وصار اللي صار عليهم صغار زنقتنا هههه

ياناري كيف يشربو في الحليب كككككخخخخخ ^__^

~~~~~~~
شكرا ليك علي موضوعك هذا
مجهود جدا رائع
اهو نستنو شن بيكون موضوعنا اليوم

~~~~~~

وفي هالجمعة ندعو لللفقيدة خولة بالرحمة والمغفرة ونسأل الله لها الرحمة

وان شاء الله ربي يثبتها عند السؤال
ان لله وان اليه راجعون
وربي يلهم اهلها الصبر يا ربي

وندعو بالمغفرة والرحمة لجميع شهدائنا الابرار وموتنا موتي المسلمين
ربي يرحمهم جميعا

يومكم طيب للجميع

وان شاء الله الخير جاي

ان شاء الله جمعة مباركة على الاحرار والحرائر يارب العالمين

أهلين توا كيف حالكم أن شاء الله بخير ياارب

سؤال اليوم

جمعة زنقتنا 62906_480925368611513_1787784207_n

شنوا أسمها الللعبة هذه؟؟
وتوا وقت الغدي شنوا هو زعمة؟؟
جمعة زنقتنا 285673_490052097698840_761033101_n

شنوا الغدي كسكسي والا بازين وألا .... ألا زي غدانا في الحوش توا Wink

وتفضلوا غدانا مكرونة

جمعة زنقتنا 61936986_9e4e043f74

طويسة الشاهي
جمعة زنقتنا 29788_442438979126819_273199745_n

واليوم توقعوا على شنوا بنتكلموا

هههه خلي نقدمه بشوية بشوية باهي؟؟

الربيع من فم الحوش يبان
ساهل على ربك قريب خيره ياتي الفرج بين السدى والنيرة
اللي تخدمه طيعه واللي ترهنه بيعه
اللي يدير وحه قنطره ايتحمل الدوس
اللي ما عندها كرعين ما عندها عليش تصبي
العقرب اخت الافعى
يبرى المريض وينسى جميل المداوي
العيب من صاحب العيب موش عيب
نزول البلاء ولا مراجاته

عرفتوا شنوا هو موضوعنا والا بتقعدوا تراجوا لي بعدين؟؟

الربيع من فم الحوش يبان

و هذه تسمى عندنا : لعبة الكرود

اما موضوع اليوم فربما هو : الاحجية

نعررررررررررررفها الخميسة ونحب نلعبها
كنت قبل نلعب فيها وحتي مع امي لعبتها ,, وحق ربي لعبة مليحة

حني نسمو فيها الخميسة والله اعلم الباقين شن يسمو فيها ^_^

~~~~~
جراااااااااااااحو هيا خفي روحك امتي بتنزليه موضوعك

نبووووووو بااااااااازينو بااااازينو هذاااا هو البازين الصحوووووووني

مش زي اللي فيه الدحي ,, ما نحباش بكل يا ربي سامحني

ماعاد اديروه هضاكا ,, ديما حطونا البازينو السمح اهوا بطاطا ولحمة بس بس بس وبعدها الطبيخة ما شي معاهم

أحم أحم ههههه شنوا أعرفتوا الموضوع؟؟

* قرد موالف ولا غزال شارد .
* يا تعس من عنده ابنتّه حارة ... بنيّة وحيدة تفيّض المرارة .
* يا عيون مصبركم على غاليكم ... كيف ترقدوا نوم الهني ويجيكم .
* تمنيتلك يا قلب ما تتمنى ، حجة وتوبة والصلاة والجنة .
* يا نفس توبي وارجعي للمولى ... راهو وراك القبر مشنى طوله ...
لو تندري يا نفس شن يطرالك ... تنوحي على روحك العمر بطوله .
* اللي ما تعرفش تندب ، علاش يموت راجلها .
* حاسدين الأعمى على طول عكازه .
* قالّه التقعميز على الرخام في الصيف مضرة ..
قالّه وفي الشتي ؟ ... قالّه لو كان خلاك تقعمز .
* إمشي صحيح لا تعتر لا اطيح .
* اللي مرته قصيرة ، يفرح ويقول صغيرة .
* ياعين خليك منه كثر البكي والغريدي ، إمغير أطلبي فضل مولاك ، يقرب زول من تريدي .
* بالله يا قلبي شرتعها ... يا رحمة ربي موسعها .
* فيه من كلامه مستكه وقرنفل ، وفيه من كلامه حار زي الفلفل .
* قال للقبر ردلي بوي ... قالّه أنا نستنى فيك .
* زوجت بنتي باش نرتاح من بلاها ، جتني وأربعة صغار وراها .
* حط الفلوس في فم المدفع يسكت .
* الكذاب .. أصبر شوية وانشده .
* زي رجل البهيم القدامية ... لا تحك ، لا تصك .
* اشكون يسبقك ، إذا تجري وحدك .
* ما يغلبك كان اللي يقولك أعطيني فلوسي

الامثلة الشعبية الليبية جمعة زنقتنا Icon_flower

الأمثال الشعبية في كل مجتمع من المجتمعات هي السجل الذي يتوارثه الأجيال عن بعضهم البعض
وهي طريقة مثلى لنقل الثقافة عن طريق الموروث الشعبي لتتواصل الحضارة وتتقدّم
والأمثال الشعبية عبارة عن مجموعة كلمات قد تكون جملة مفيدة أو بيت شعر أو ما شابه ذلك
فهي مختصرة ومكثفة بحيث يتم حفظها وتداولها إلا أنها تحمل معاني كثيرة
جمعة زنقتنا 13873142282

والان أترككم الى المساء وسنتكلم عن الامثال الشعبية براحة أكبر وأوسع

الامثلة الشعبية ثراتنا الذي لايموت يقص أخبارنا وأخبار أبائنا وأجدادنا

أمثلة وكلمات منن جيل الى جيل لها معاني وعبر وحكايات كنز من كنوز
بلداننا فهيا نستمتع ونستفيد منها
جمعة زنقتنا Icon20

هذه الامثلة من برنامج الكلام الزين

* يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .
* كل حد وسعده .. حتى البرم ، وحدة تطبخ في السفناري ، وحدة تطبخ في اللحم .
* مدام ولدي حي يا سعدودي .. نوار قبرعون فوق خدودي .
* الشوارب تبوس .. والقلب فيه السوس .
* الفار الزرباز من سعد القطوس .
* اللي واخذ على طعامك ، وين يشبحك يجوع .
* صامت قليل الملح ما يتعدّى .. برّك احدانا ناقته وتغذّى .
* ما يحبّها شبح .... جابوهلّه عروس .
* في اللبس زوجة من ... وفي الشرف بنت من .
* كل شئ دواه الصبر ، إلا قلّت الصبر ماليهاش دواء .
* اللي ضرباته أمه راحت فيه .
* مشيت للبحر نشكي من كبر هبالي .. حتى البحر وخّر ووجعه حالي .
* غايضه واسمع مافي قلبه .
* كل شئ تلقاه في السوق ، كان أمك وبوك .
* اللي يحب روحه ، يقعد بروحه .
* شرْقه بريقك ، توّريك عدوّك من صديقك

* زوجت بنتي باش نرتاح من بلاها ، جتني وأربعة صغار وراها .
* حط الفلوس في فم المدفع يسكت .
* الكذاب .. أصبر شوية وانشده .
* زي رجل البهيم القدامية ... لا تحك ، لا تصك .
* اشكون يسبقك ، إذا تجري وحدك .
* ما يغلبك كان اللي يقولك أعطيني فلوسي . وإلى اللقاء في مرة قادمة ،،،،،،،،
* نضحك ونلعب غير شهلولية ... وضرب المعاني ما يفوت عليّا .
* دير المليحة يا ولد وأنساها ... كان عشت على طول الزمان تلقاها .
* لو كان نشكي للنجوم يغيبوا ، البحار تـنزح والصغار يشيبوا .
* والله يا قِـلـّة طويسة مُـرّة .. تقلّـع غشاش القلب يطلع برّة .
* دخانك عماني ... وطبيخك ما جاني .
* ريت بنت في غريان يا مجملها ، نعطي حياتي كان قبلوا هلها .
* اللي عضّك ...وقّضّـك في سنونك .
* شعيرك ولا قمح الناس .
* ذِل قرشك ، ولا ذِل نفسك .
* تحزمت بيكم درتكم في عوني ... نحساب حملي خفّ ... ثقلّـتونــي .
* تحطّه في القرعة ، تلقاه في البيدنجان .
* يسمع ما يكره ... ويدير ما يبّـي .
* كيف اللي يخرّف في حلمته لحماره .
* شاقي ولا محتاج .
* جبال الكُحل ... يكملوهم المراود .
* دزّوه يخطب ، تعّرس ودار صغار .
* الودن تسمع والعقول توازن ... والعين تشبح والقلوب مخازن .
* الصبر لله والرجاء في المولى ، مع الصبر ماعندي كلام انقوله .
* يا ريتني نمشي للصفا والمروى ... نشرب من زمزم لين قلبي يروى .
* اللي طلب يُطلب الله هو كريم المعاطي ، والعبد شنو قدره لا يشيّعـك لا يواطي .
* أنا بوي لَجـيـت نبكي وقال خيرها وانشدوها ، وقولولها علاش تبكي ، أنا حي مازلت بوها .
* الزين ديمه زين ما يتوارى ... والعِـفـن في الشـدّة تبـان عـواره .
* الفـم الساكـت ، ما يـنكـتـبـوش عليه السـوايا .
* واحد فراقـه مُـرّ شيـح وجَعّــَدة ... وواحد إذا فـارق إنديروا وَعْده .
* يسلّم عليك العقل سلامين والثالث يجـيء من حداكم ... لا نريد مال ، لا نريد زرع ، أنا نريد غير نقعد حداكم .

والامثلة هي في الحقيقة كانة قصص ومواقف حصلت والناس أختصروها الى امثل لها دلالة على شيء معين مشابه للقصة الاصلية

وحلوة الامثال الليبية , و خاصة اللى بالشعر الشعبى .
لكن الاحسن امتى تكون اصلها قصة و بعدها صارت مثل .
انى توا انقوللكم واحدة:
قالك هذا فيه مجموعة بنات طالعات يحطبوا فى الغابة . و الباين انه كان يترصدلهم مجموعة شباب من بعيد .
فواحد منهم عجباته واحدة و قعد ينتظرها كل يوم ,,و طبعا لخجلهم كانوا يتحشموا يكلموا البنت على طول.
وخجله الزايد ههههه, قعد ينتظرها يوميا لمدة سنتين دون ان تعلم هى , و بعدها فتح ربى عليه و دار اشارة على اساس
انه (مهتم) و استمرت النظرات لمدة سنتين اخرتين.
و بعد الاربعة سنين ارسل لها مرسال يخبرها بعواطفه و انه راغب فيها و يريد خطبتها.. و استمرت المراسيل و الخطبة لمدة سنتين اخرتين.و بعدها بداء فى التحضيرات للعرس و ما تابعه و استمرت هذه المرحلة ايضا سنتين,

فيقول المثل
جمعة زنقتنا Icon20

عامين غير شبح بالعين
و عامين ضرب المعانى
و عامين دز المراسيل
و عامين باش جيته وجانى جمعة زنقتنا Icon20

الله الله على كلامنا الزين مش عاااادي
* يا قلب عندي حباب ما تنساهـــم ... صون ودّهــم واحفــظ عزيـز غـلاهم .
* إن شاء الله يا وليدي إدّيـر فرح والعيــن حـيّــة ، زكّــار من الصــبح لـلـيـل ، وبـارود كـيف الـقلـيّــة .
* واحد توكـل على الله ، وواحد وكيلـه دراعـه ، واللي توكل على الله شـري العـز والذِل بـاعـه .
* بـيعاونـوه على قبـر بـوه ، طبّـوا الفاس وخـللّوه .
* العـين فـي غـيـاب عـزيـز .. الساعـة بعامـين عنــدهم .
* القيـاس مِـيّـة ... والقـص مـرّة .
جمعة زنقتنا 3ANDNA_FWASEL27

خذوا الحكمة من افواه المجانين
يقولون انه كان هناك رجل ثري قد توفى في بلد بعيد عن بلده ووصل خبر وفاته
الى اولاده وحدد ولده الكبير يوم للعزاء ولكن اخوته طالبوا بالميراث
فقال انتظروا حتى ننتهي من مراسيم العزاء فرفضوا
وقالوا بل نقسم التركه اليوم قال ماذا تقول الناس علينا لم نصبر !
فرفض مطلبهم فذهبوا الى المحكمه واقاموا دعوا عليه وارسل له القاضي امر للحضور ،
واخذ يفكر ماذا يفعل ؟
ذهب الى احد عقلاء البلد ليستشيره وكان صاحب راى سليم ،فسرد عليه القصه وقال انظر لي مخرج
قال له الحكيم اذهب الى فلان سوف يفتيك ويعطيك الحل
قال له ان فلان مجنون كيف يحل مشكله عجز في حلها العقلا!
قال اذهب اليه لن يفتيك غيره ،فذهب اليه وسرد عليه القصه وبعد ان انتها من كلامه
قال له المجنون قل لاخوانك هل عندكم من يشهد بان ابي قد مات
.قال خذوا الحكمه من افواه المجانين ، كيف لم افكر في هذا .
وذهب الى المحكمه وقال للقاضي ماقال له المجنون
قال القاضي انك محق هل عندكم شهود قالوا ابينا توفى في بلد بعيد وجاءنا الخبر ولا يوجد شاهد على ذلك
قال لهم القاضي اتوا بالشهود،
وظلت القضيه معلقه الى سنه ونصف
وقال لهم اخوهم لو صبرتم اسبوع كان خيرا لكم
باع الجمل برمته

يقال أن رجل مريض قال لو ان الله يشفيني سأبيع الجمل بدينار واحد
لأي فقير يمر بي وعندما شفي أراد أن يفي بالدين ولكنه صعب
لأن الجمل هو مصدر رزقه
فأراد أن يفر منه فذهب الى الحكيم وقال له:
كيف أخرج من هذا المأزق؟
فقال له الحكيم بيع الجمل برمته
والرمة معناها الحبل الذي يربط به الفرس او الجمل
وبيع الرمة ب 99 دينار!
فتخلص من المأزق
وهذا هو قصة المثل الشعبي
وتقال للذي
باع الأرض بمحصولها
او باع الحقيبة بما تحمل من كتب
فنقول له بعتَ الجمل برمته
جمعة زنقتنا 3ANDNA_FWASEL27

شنوا أنقولوا توا تصبحوا على خير وياارب عجبكم الموضوع
هيا أحبابي تبقـوا على خير
جمعة زنقتنا 1667664kjyjshauy2

من طرف fawzi zertit السبت 21 ديسمبر - 15:31

مشكورة جراح موضوع راااااااااااائع
و ايضا كانت هذه الاقوال تقال برفقة سينية فيها القهوة و التاي ( الشاي )
جمعة زنقتنا C

و حتي القهوة و التاي ( الشاي ) لما يسمعوا تلك الاقوال هم أيضا تأثروا بثلك الاقوال الجميلة و قالوا قولتهم ههههههه و هذا حوار تفاخر فيما بينهم , ههههه و تصوري حتى انهم احضروا القاضي ليفصل بينهم ههههههه , و هذا حوارهم ......

القهوة و التاي يا الفاهم
دخلوا مداعيين للقاضي شو صباح
قالوا له يا حاكم القدر
تحكم بيناتنا ولا تعمل حيلة

***

لأنك قاضي بلا دراهم
لا تقبل شي كراء ولا تعمل شي مزاح
حكمك من مولاي بالنصر
و أعطاك الله من احكامه الجليلة
قال: آتوا بكلامكم ثم
واللي عنده شي اخبار غير يعيد ويرتاح
واللي له الحق ينتصر
واللي مغلوب ياك يرضى بالقيلة

انطق التاي للحاكم
قال : أنا اليوم عاد شرابي مباح
ما نشبه شي حالة الخمر
شربوني جميع الناس التفضيلة
نشفي من هو عليل ساقم
شربي للملاح فيه الراحة والراح
في شي ريحة من العطر
مع النعناع مخلط بالزنجبيلة

في شي حكمة للألم
جميع اللي لقيته داخل في الاشباح
نزول الضر و الكدر
و نهبط جميع الماكلة االي ثقيلة
في زهو البال و الكرايم
الطلبة مخلطة والعلماء الفصاح
والبراد يشلوش النظر
و الكيسان ظراف زادوا لي تشعيلة

و البقراج بحال الصوارم
و الصينية على كراسي عيدان ملاح
و البابور يفور بالجمر
و الشمع يضويوا كثير في هذه الليلة
شربوني الاشراف و الكرايم
اهل السر العظيم و الأولياء الصلاح
اهل الزهو والناس والقدر
ذوك اللي قاع ما فيهم تبديلة

و انتي كيفاش يا الخادم
ضحيت تضادي لون الوان الوضاح
ما لك جاوبيني بالجهر
ياك انت غير خديمة قليلة
ما فيك لا نشوة ولا نسايم
يغيظوا فيك الفناجل همة و شباح
يواتيك فناجل الحجر
وإلا قدوح الطين موزون بكيلة

قالت له : جزاك يا الشاتم
قصر من الكلام والا تتسمى مباح
انا اللي طبي مشتهر
نبري المريض من علاله الطويلة
نشفي من هو عليل ساقم
نبري من علايله من ضره يرتاح
نبري من الصداع والسطر
والسهرة تكون للنوم الطويلة

كيف يكثر السهر يا الفاهم
ما يبقى من يساومك في سوقك براح
توالم للبعير والبقر
ياك انتي حشيشة مصبوغة كالنيلة
مر كما الحنضل في الفم
لو ما السكر ما يشربه حتى الصراح
جميع اللي يشربك ينقهر
و انا طبي نعالجه بالتحليلة

قال القاضي كي تكلم :
يزيكم يا كرام قاع دواكم نجاح
لكن التاي خصايله كثر
ياك انتي رخيص سومك وسهيلة
التاي نزاهة مع الكرايم
الجلسة تزيد فيه همة و افراح
خلقه ربي كامل القدر
و اعطاه الله حسن الصورة الجميلة

صلى الله على النبي وسلم
و على آله مع اصحابه الصحابة الرجاح
عمر وعثمان و بوبكر
انصار النبي مع على بو تفضيلة
نتوسل للغني الدايم
باهل السر العظيم والأولياء الرجاح
تغفرلي وجميع من حضر
وتنصرنا جميع في هذه الليلة

صلى الله على النبي وسلم
و على آله مع اصحابه الصحابة الرجاح
عمر وعثمان و بوبكر
انصار النبي مع على بو تفضيلة
نتوسل للغني الدايم
باهل السر العظيم والأولياء الرجاح
تغفرلي وجميع من حضر
وتنصرنا جميع في هذه الليلة

أللهم أميييين يارب العالمين

مشكور بالزاف بالزاف فوزي على هذه الاضافة الرائعة وأسعدني مرورك وردك الذي عطر موضوعي
تـــ

سلم