حمار الثورة

توة 48 دولة تتحزز علينا . وأساطيل في البحر . وأسراب مقاتلات في الجو اكثر من الذبان . وجحافل مرتزقة من شرق أسيا مرورا بأوروبا حتى الأمريكتين على الأرض .

وجماعة الطوار ساكينها بالمبكبكة على الحطب ولاويين الخاصة على جيبوطي صاعقة على سروال عربي والذخيرة على حمار الثورة وبيحرروها .

باهي هذا كله كوم . واللي جايب كاميرا ويوثق في الحدث العظيم والتاريخي هذا كوم بروحه . ويتابع لحظة بلحظة . وربطة بربطة . وتنهيقه بتنهيقة.

ومش هذا أنت خليك في هذاكا الشيباني اللي شكله حاضر الطليان وحتى الترك قبلهم وجاي متحزم والشبح دفر بيحررها بنظاراته الطبية ويعطي فيهم في خبرته أيام كان الإيطالي يسك فيه بالسوط ويلوحله في قرشين في الوطا وهو راسماله حمار يقسم هو وياه في شقفة خبزة يابسة من فضلة الطلياني .

باهي توة هادم وين متسقدين . ولا زعما قتال الحمير سنة . ولا فيه البركة .

توة انا اللي محيرني قصة هذا الحمار موثقة في سيرة ثورة موباركة ومجيدة . والا فاتوه . هذا المفروض من الحمير الحقيقيين اللي كانوا في الجبهة .

ياجماعة حتى في الصومال اللي ضاربهم التل من الفقر ماريت واحد يقاتل على حمار . مابال في بلاد من اول يومين نقزوا على المصارف وسكوا الملاينن من غير طيارات موزة وفروخ زايد وزول السودان وعمو ليفي وبابا ساركوزي المعبية بالوجبات الساخنة ومايطلع واحد الا بمصروف الجيب تقول بيدهور في الشانزيليه مش ماشي للجبهة .

لما تشوف الصورة لاتعرفها ايام الليبو والمشواش . لا ايام القديس يوحنا . لا ايام السندباد . لا عام الفقر .

من الاخير بعد شفت الصورة . تأكدت ان الناتو والقاعدة والمرتزقة ماداروا شي في التحرير قدام حمار الثورة وفرقته المجحشة قصدي المجحفلة .

الله اكبر عليك ياحمار . الله اكير عليك يابالو .

حمار الثورة 10647132_1511858879066230_2946206096821574208_n

حمار الثورة 10647132_1511858879066230_2946206096821574208_n

منقوووول

ههههههههههههههههههههههههههههههههههههههههههههههههههههههههههه

حمار الثورة

حمار الثورة

رد: حمار الثورة