بعد ما هدينا كل شئ بيدينا – صار المعاش اليوم بالتقطير

كم من خيرات ربي عطاها لينا - وياما تصدقنا على غيرنا وعطينا

وبعد ما هدينا كل شئ بيدينا – صار المعاش اليوم بالتقطير

واهي الايام دارت وبرمت بينا – بعد ماكنا عايشين ف الخير

بدينا نستجدى مادين ايدينا – من قال هذا في ليبيا بصير

بعد غيبتك اليوم ياغالينا –صار الوطن مرهون بيد الغير

جذران في النفط يسرق فينا – وحفتر والنصره ف الشرق نازله تدمير

وفالغرب معاد طائره بتجينا بعد المطار راح امشى تدمير

والضي هارب قليل وين ايجينا –وعلى الخبز واقفه طوابير

والغاز وين تحصله ياخينا - نحمد الله مازال فحم كثير

وم المرض قول ياالله احمينا – ان مرض ولدك قول كيف ادير

لا عاد مستشفى ولا طبيب يداوينا - وان دخل ولدك تفقده ويطير

و مصراته وبالحاج والشرادم فينا- كم سجونهم معبيه باسير

وكم من شباب رحلت اليوم علينا –في جنة الفردوس مرفرفه بطير

واللي وجعني اليوم ياغالينا – كمشه تنابل مسيره مالغير

و ديكهم الاعور اصدر فتوه علينا – قال للدجاج الهف مع التكبير

القتل والسرقه حلل فينا – قال حلال ف الازلام كل شئ ايصير

و اللي زمان كان تابع لينا - قال واجب عليكم تشكروا والا تكونوا حمير

وآخر كلامي واجب نوحدوا ايدينا - وكل ماحدث لينا سببه التقصير

شكرا على الابيات الرائعة و يا ريت تستمر يا هبوب الريح هب علينا بريحك و برد الخاطر شوي . والله الحال ما يعلم به كان الله جل في علاه .

شكرا لمرورك مارس الخير

رد: بعد ما هدينا كل شئ بيدينا – صار المعاش اليوم بالتقطير