اريد الرد حالا لو سمحتوا

ا اخواني سكان طرابلس هل طرابلس امنة الان؟

لان زوجي يبيني نمشي معه بعد بكرة لطرابلس بالطائرة لايام وانا خايفة اتكون مش امنة خصوصا ان حنسافروا بالطائرة وحتنزل في مطار معتيقة, مع العلم ان الطيران مفتوح بين بنغازي وطرابلس اريد الرد حالا لو سمحتوا 3590638331

من طرف ???? السبت 10 سبتمبر - 2:17

امنة فى بعض احيائها ولكن اختى السلاح موجود فى كل طرابلس والاشتباكت بين العصابات والجيش ليس محددة بمكان معين على حسب الوضع وهدا خطير وقبل قليل كنت اقراء عن اختطاف 20 فتاة من مناطق فى طرابلس واتمنى ان لا تجازفى وادا اطريت للدهاب نتمنى لك السلامة وربى يرعاك وايكون فى عونك ان شاء الله

اتمنى ان لا يكون زوجك من الجرذان

كيف طرابلس امنة وصواريخ سترينق على كل كتف

لنفترض أنها آمنة الآن... ما الذي يضمن ذلك بكرى؟
البلاد كلها على كف عفريت ؛ من رأيي _ ولو إنك ماطلبتيشي _ شدي حوشك خير.

ممكن يا اخواني تستغربوا من اني ماخفتش من كلمة السلاح منتشر والسبب اني انا من بنغازي وعشت عدم الامان لشهور والي الان لدرجة ان السلاح اصبح يخاف منا وليس العكس.

وثانيا والله لو زوجي يطلع جرذ ما نكون الا حطتله سم الفئران في مكرونة المبكبكة وبلحم الوطني بيش يسهف ويكملها.

ثالثا هل الطيارات تهبط في المطار لان الطيران مفتوح وعائلات تمشي وتجي

من طرف ???? السبت 10 سبتمبر - 2:37

تفائلى بالخير وان شاء الله زوجك ايكون من الاحرار الشرفاء كيف زوجته وحتى ولو جرذ مهمتك اتوضحى الامور وتتناقشى معاه بالتى هى احسن

الله يحماكو ويبعد عنكم الخونة واولاد الحرام يارب اعقلو وتوكلو على الله فهو حسبكم

اخي عابر السبيل : اشكرك علي ردودك الرائعة وزوجي والحمدلله عاقل وعارف المؤامرة كويس , وعندي تعليق علي ان انتفهموا مع الجرذان بالعقل والله يا خويا انتهي وقت العقالة لان اللي معقلش بعد اللي صار في ليبيا وموت المدنيين واخيرا محاصرة الشرفاء في مدنهم الموت افضل له.

اخي فلسطيني محب للقذافي: اشكرك اخي علي ردك المطمئن وسوف اصلي الاستخارة واتوكل علي الله خصوصا ان نصف اهلنا في طرابلس ولم نراهم من 10شهور واشتقنا لهم كثيرا

اسمعى يا ام سيف

اذا سافرتى لطرابلس وبالطائرة سالغى عضويتى فى هذا المنتدى

باهي بلاش الطائرة ممكن السيارة اكيد اامن بواجد Laughing

باهي بلاش الطائرة ممكن السيارة اكيد اامن بواجد Laughing

من طرف فرح السبت 10 سبتمبر - 3:01

بارك الله فيك اختى ام سيف على وطنيتك وغيرتك واكيد وبدون اى تفكير ومن الواضح ان زوجك انسان وطنى شريف فوراء كل رجل عظيم امراءه عظيمه

اما بخصوص طرابلس فلللاسف ليس لدى ما افيدك ولكن الاوضاع غير مستقره بالتاكيد والله يرعاكم وفى امان الله

ربي يوصلك بالسلامة

من طرف Zico السبت 10 سبتمبر - 3:36

نسأله الله أن يوصلك سالمة وليسهناك أفضل من أت تستوذعي الله نفسك وزوجك وكل أهلك وهو كفيك بحفظك أجمعين إن شاء الله

من طرف ام سيف السبت 10 سبتمبر - 3:46

نسأله الله أن يوصلك بسلام

اذهبي وتوكلي على الله...

وحاولي ان توافيننا بكل جديد من طرابلس...

ولا تتأخري ولاتبخلي على اخوانك وخواتك في المنتدى بمدهم بكل صغيره وكبيره عن طرابلس... لان الكثير متفاجئ من الخيانه التي ادت الى فتح بوابات طرابلس للجزذان