يا أهالي سبها

بالله عليكم يا أهالي سبها أريحونا هل صحيح أن الجرذان تمكنوا منكم كما نسمع من الجيران الذين يكلمون أقاربهم هاتفيا بالله أرجوكم

سبها ارض الاسود

عاهدة القائد لن تعود للقيود

الله اكبر ياربي ينصرنا على الناتو وعملائه

ان شاء الله الخبر غير صحيح

ان شار الله لا ، الا اذا حدثت خيانة من اهالي سبها ، لانه من الصعب على ٥٠٠ او ٦٠٠ ثور من ثوران النيتو ان يحتلوا مدينة كبيرة كسبها
لكني ما زلت أتمني تواجد الجيش الليبي في الجنوب لان ذلك يعني التنظيم ولا ننسى
الشعب المسلح والمجاهدين لكن تواجد الخبرة العسكرية مهم

حتّى أني نضمّ صوتي لصوتك ونطلب من الإخوة يقولونّا الحقيقية
من غير تحيّز وعنصريّة وغيريّة مبالغ فيها نبّو الحقّ بس
وأرجوا من العضو اللي يجيب بنعم يقوللنا المنطقة اللي جاب منها الأخبار شن هي
ووين تجي من خريطة سبها شرق وإلا غرب وإلا جنوب وإلا شمال
ولو الأخبار من إتصال هاتفي يخبرنا عن طبيعة
الناس اللي كلمهم هل جرذان أو لا لأن ذلك يفرق في مصداقية الخبر
وياحبّذا لو كان العضو من سكان سبها
يا أهالي سبها 3590638331

نتمنى العكس وسبها الشرارة لا تنسى العهود والقائد الذي أحبها بصدق وكرمها

يا أهالي سبها 1277

عندي قناعة تامة بأن اي مدينة يرجع لها الاتصالات يعني دخلوها الجرذان لانهم فاصلين الكهرباء والغذاء والماء والدواء والتغطية عن المدن الصامدة وذلك كأسلوب من الضغط على الاهالي للاستسلام

سمعت بأن الجرذان دخلوا براك الشاطئ وكذلك سبها

طبعا هناك خيانات من بعض القبائل ولكن في نفس الوقت هناك ناس كثيرة غير راضية ولكن ما باليد حيلة

ايضا اهالي منطقة الشويرف محتقنين من الاوضاع ولكن نسأل الله ان يفرج الكرب

اللهم نصرك الذي وعدت

من طرف azz الأحد 25 سبتمبر - 12:15

في آخر اتصال للدكتور موسى إبراهيم قال إن سبها عصية على الجردان باسودها وقد فند الخبر بعد يومين من كلام الجرذان عن إحتلالها

بالنسبة لي أنا أثق في الله وفي الدكتور موسى ولا أشاهد قنوات اخزي والعار

ثقتنا في الله بنصره المؤزر

انا من سكان سبها الشرارة الاولى ... سبها خانوها بعض القبائل يلي فيها... بس مازل في قبائل صامدة ولا ترضي بذل ولم تستسلم ابدا وهي على العهد مع القائدها والوطن ...

ياريت نخلوا ايمانا بالله كبير وان شاءالله منتصرين ...

والمقاومة مستمرة ...

يا ريت نفضحوا القبائل اللي خانت باش نعرفهوم وللتاريخ

بنت الجنوب الحرة كتب:انا من سكان سبها الشرارة الاولى ... سبها خانوها بعض القبائل يلي فيها... بس مازل في قبائل صامدة ولا ترضي بذل ولم تستسلم ابدا وهي على العهد مع القائدها والوطن ...

ياريت نخلوا ايمانا بالله كبير وان شاءالله منتصرين ...

والمقاومة مستمرة ...

يا أختي ما ختلفناش لكن اللي نبّي نعرفه الوضع العام للشارع يعني
هل الجرذان يتحاوسوا في الشارع؟
هل الأماكن الحكوميّة رفعت عليها خرقة العار؟
هل بدو يديرو في مجالسهم المهبولة لكل منطقة؟
يعني بالعربي زي طرابلس؟؟؟؟؟؟؟؟
أرجوكم نبّوا إجابات صريحة للوضع من دون شعارات زايدة

ياناس الصبر المعلومه تو تجيكم وحده وحده ماتخلوش الروح المعنويه تهبط الصبر

من طرف ام سيف الأحد 25 سبتمبر - 15:09

المعركة طويلة ولم تنتهي بعد بل لن تنتهي الا بعودة الشرعية وانتصار كلمة الحق وتطهير ليبيا من بقع التدنيس

من طرف فجر الأحد 25 سبتمبر - 16:57

السلام عليكم ورحمة الله وبركاته

لما قلتلكم سبها خشوها الجردان....قلوا عني بعض الاعضاء للأسف اني جردة

فيه ناس من الصدمة ما يبوش يسمعوا الحقيقة ....انا نعرف الصدمة لأني جربتها وجربها كل واحد فينا ساكن

في طرابلس...وبعدين بلعناها وقلنا خلي نقاوموا ولو مش بالسلاح بأي طريقة

والتميت معاكم بيش نخدموا القضية مع بعض مع اني زعلت وفكرت في الانسحاب لكن

ماقدرت....ومازلت ماني مسامحه كل حد نعتني بالجردة

معليش طولت عليكم لكن الكلام ضروري .....اما عن سبها

فأنا نتكلم عن سبها المركز اللي فيها القلعة والمطار

هادي فيها الجردان ويدورا في الشوارع وزي حال طرابلس ...طبعا طلبوا من القبائل التوقيع على بيان

نعرف ان اغلب القبائل مايبوش يوقعواا بما فيهم قبائل القدادفة

وفيه احياء ما قدروا يخشولها في المنشية

وتوا النت عندهم في سبها وفيه ناس يبوا يخشوا معانا علشان يكونوا من قلب الحدث

وقلبهم على الجماهيرية ويبوا يساهموا في جحد الهمم ورفع المعنويات وبمصداقية

ولو سمعت اي شي نقوللكم...وكان شت تبوا تفضلوا أسألوا ونستفسرلكم

مع تحياتي

من طرف jenever الأحد 25 سبتمبر - 17:12

محمد ابوبكر علي كتب:عندي قناعة تامة بأن اي مدينة يرجع لها الاتصالات يعني دخلوها الجرذان لانهم فاصلين الكهرباء والغذاء والماء والدواء والتغطية عن المدن الصامدة وذلك كأسلوب من الضغط على الاهالي للاستسلام

سمعت بأن الجرذان دخلوا براك الشاطئ وكذلك سبها

طبعا هناك خيانات من بعض القبائل ولكن في نفس الوقت هناك ناس كثيرة غير راضية ولكن ما باليد حيلة

ايضا اهالي منطقة الشويرف محتقنين من الاوضاع ولكن نسأل الله ان يفرج الكرب

اللهم نصرك الذي وعدت

والله نفس الشي نحس فيه عندي اقارب في سبها غدا بادن الله نحاول نجيب الاخبار مظبوطة