إلى ادارة المنتدى

من طرف brokenpen82 الأحد 9 أكتوبر - 4:33

ما نعرفش شن القصة اللي صارت للعضو "الرجل الحر"، لكن واضح ان فيه حد داسله على طرفه و ما حد خذاله حقه..و انا أعتقد أنكم تعرفو من هو الرجل الحر...كتاباته و مواضيعه تتكلم عنه، و لا يجوز أنكم مشرفين و ما تاخذو بخاطر الرجل الحر و تسكتو عنه.

أنا لا أملك أي حق في دعوتكم إلى طرد عضو أو التسامح مع عضو آخر، لكن يحق لي أني نطالب بحق الاخوة الاحرار اللي شهدت على كفاحهم و صمودهم و تحديهم..و لا اعتقد انكم تلومو الاخ "الرجل الحر" انه يزعل و يطالب بأخذ حقه من اللي طعن بشرفه...لأنكم يا خوتي يا مشرفي المنتدى تعرفو كويس ان الشرف ما فيه بصارة معاه، و حتى لو بعثتو تنبيه او اتخذتو اي اجراء في من يسمي نفسه "ذئب الصحراء" (و انا لا اعرفه و لا اعرف مشاركاته) وجب عليكم الاخذ بخاطره، و ليس تركه يغادر المنتدى مكسور الخاطر بعد كل ما قدمه لنا.

و بالله عليكم طلب آخر...هذا موضوع عام و يمس كل أعضاء المنتدى الشرفاء الغيورين على مصداقية المنتدى و أعضاءه...فلا تقولولي رسائل على الخاص و لا على العام. خلو الموضوع في مكانه و صفو ذمتكم قدام الاعضاء اللي مصدومين في اللي صار لدرجة ان البعض منهم قعد يتصرف و يتكلم من غير تفكير.

من طرف صريح الأحد 9 أكتوبر - 4:35

لا حول ولا وقوة الا بالله العلي العظيم. ياريت كنت قراتي جميع المواضيع السابقة قبل ان تلومي الادارة, والله نحس في راسي وجعني من هالقصة .

من طرف brokenpen82 الأحد 9 أكتوبر - 4:43

حقك عليا خوي صريح...و كيف ما قلت، ان شاء الله سحابة صيف و تعدي، بس حسيت من ردود الادارة في المواضيع اللي فاتت انه تم التعامل بشكل غير جدي مع الموضوع، و الحق وجعتني أني نلقى أحد نشطاء المنتدى يطلع و هو واخذ على خاطره، لأني نعرف المنتدى كويس و نعرف أصحابه و نعرف ان فيه ظلم للادارة و المشرفين أن يتم اتهامهم بالتقصير

لهذا السبب تمنيت عليكم أنكم ما تساوو بين اللي مسجل جديد و بين اللي ليه عدد كبير من المساهمات و هو يناضل..و هي مجرد أمنية

و مرة أخرى، حقك عليا، بس من الصدمة على اللي صار و من الغيرية على المنتدى، و و الله لومي هو لوم أخت على خوتها و خواتها اللي تبيهم ديما في القمة و اللي شافتهم مقصرين في حاجة و تبي تنصحهم لا اكثر و لا اقل..و السماح منك و من كل اعضاء الادارة لو كنت غلطت في حقكم Smile

من طرف أبووليد الأحد 9 أكتوبر - 4:44

لكن حتى الرجل الحر رد عليه وطعن في شرفه وزاد حبتين معاها,
وبعدها قال خوذولي حقي, أعتقد إن هذا ظلم.

ومع هذا الادارة قامت بإقاف ذئب الصحراء لفترة معينة.
وإذا كان كل واحد بيساوم " يا أنا يا هو.. " معناها ولت قرقزة.

وبعدها السيد المحترم يتهم الادارة بأنها متجرذنة وتلعب على الوجهين.

أخي سبق وتناقشنا في هذا الموضوع كثيرا,
وأعصابي خلاص فدت منه.. نحن في إيه أو في إيه.

من طرف brokenpen82 الأحد 9 أكتوبر - 4:51

خلاص يا خوي أبو وليد..حقك عليا حتى انت. غلطنا و منك السماح. غير لأن الادارة حجبت على كل المواضيع اللي بهذا الخصوص فكانت القصة مش واضحة بالنسبة للي غابو فترة عن المنتدى...لكن كلمتين منك وضحو كل شي، و ان شاء الله توقف عند هذا الحد و يفهم الكل انكم "لا تجرذنتو" و لا هم يحزنون.

و مرة أخرى، نكرر أسفي عن كل ازعاج سببته ليكم، و ثقو و تأكدو أن ما قصدت أي طعن في مصداقيتكم، بس ما تحملت نشوف الاعضاء يتهمو الادارة و المشرفين بدون ما توضحو و تلخصو حقيقة اللي صار. قعدت غير نشوف في الاعضاء ينسحبو بسبب سوء الفهم اللي صار و بسبب بعض السموم اللي بثوها ذوي النفوس المريضة.

و ربي يوفقكم في مسعاكم و ينصرنا على كل المفتنين و ان شاء الله تقعد زنقتنا صامدة في وجه المعتدين و شوكة في عيون الحساد. إلى ادارة المنتدى 3590638331