عاجل قالك ثوار ( اصحاب الفيل )

قالك ثوار اخر نكتة ثوار الزنتان قاموا بأخد النسر الموجود فوق كتيبة خميس و بعد قليل هناك مقاطع فيديو لذلك بدليل
المصدر : قلب الحدث

ياجوج وماجوج

جرذان يا ناتو جرذان الذيل اقصر من الآذان
والعقل فيهم خربان والفالح فيهم شيطان

يارب نصرك الدى وعدت

من طرف shmos الإثنين 17 أكتوبر - 16:05

مش معقوله هكي

كل ما يقصف الناتو ..........نقول يا ربي الصقر ما يطيحش

كل ما نخطم من قدامه نتامل فيه

بصراحه الصقر هذا يعنيلي هلبه

شكلهم مخوفهم حتى الرمز

حسبنا الله ونعم الوكيل فيهم

مش غريب هدا الشي علي اصحاب الفيل
هالجران هادو اليوم يخنبو في النسر الكبير اللي كان فوق كتيبة خميس
حسبي الله ونعم الوكيل والله وجعني النسر
علي قد ما دق الناتو هده الكتيبة ماطاحش النسر لين جوه هما هالمخانب
ههههههههههه دارو لروحهم تاريخ مشرف
توا شن بنقولو اصحاب الفيل ولا اصحاب الموز احترنا
ههههههههههههههه

ههههههههههههههههه والله الزنتان ماخلوا شي ماسرقوه اللهم لاشماته
ثوار موزة يحبون تجارة الموز
مرة فيل ...
ومرة سلم طائرة ....
ومرة مــــوز ....

ردا علي الشاعر الزنتاني الذي قال ورفلة ياخوت الجد رانا درنا خوت جدد .

... خواية عار معاد نبوها. نجاس ايدكم صافحتم كافر مرتد..
خوايتنا واجد طلبوها. خواية صيت وعز وودَ. .
واسئل في التاريخ علينا كان غفلتو..
ورفلة تحمي وماعمره في يوم حموها..
بلاد صولابا من قبل عصية علي الغازي والاي مرتد..
غرسياني وجيوش عتية ورمضان رويسة تهربد..
قعدو في التاريخ حكية ودينار عليهم يشهد..
وكلمة ياريت تقدوها سلمتكم مانبو حد..
خوايتكم غادي شدوها خواية هلنا حاجتنا تكفي و تسد..
ملامي علي شيوخ الزنتان وكلمة ياريت تحسوها.
خسارة رياسة سلمتوها خوايتنا هديتو هد..
,,فرويخة متاع الباناني في غفلة ما رباهم حد..
سرقة و نهبة في كل مكان حتى الفيل معاش قعد..
خزية ياسود عمايلهم وجووه انكد فروخ لمد..
جعلهم محشورين معاهم ساركوزي والشيخ حمد..

الزنتان اثبتوا انهم خونة من طراز خاص وعملاء قل نظيرهم الا من رحم ربي

aboalhade كتب:الزنتان اثبتوا انهم خونة من طراز خاص وعملاء قل نظيرهم الا من رحم ربي

عاجل قالك ثوار ( اصحاب الفيل ) 657344231

وزيدها سراق من الطراز الاول

لاحول ولاقوة الا بالله
أذهب خصيصا لأرى شموخ النسر
والله ابكيتموني ,,, حسبي الله ونعم الوكيل
ليبيا أصبحت خراب ودمار ,, من هذه العصابات الاجرامية
كل مكان يدخلوه يدنسوه ,, خلاص ضاقت بيهم الدنيا ,,لم يكفيهم الأموال التي سرقت من المصارف ولا الأثار التي في متحف السرايا ولا الشركات ولاولا ولا,,,
الله يدمرهم

العار أطول من العمر والتاريخ شاهد عليهموالكل يعلم ان الزنتان اول من تمرد على الدولة الليبية وفتحوا ارضهم للجواسيس والخونة بل وبعض مشايخه افتى بتاييد احتلال وغزو ليبيا شرعا . ان الزنتان دخلوا التاريخ من اوسخ ابوابة خيانتهم لليبيا والقائد لن تغفرابد ابدا لولا خيانه الزنتان لم يحدت ماحدت في ليبيا وان اول من سرق المنازل وقتل المواطنين فى طرابلس هم كلاب الزنتاز ولن انسى منظرالمديعة وديان وهى محاطة بكلاب الزنتان وهى تحتضن طفلها وهو يبكى رعبا انهم كلاب متوحشة ليسوا بشر .
زنتاني = خاين – سارق. اصحاب الفيل- زنتان سوكوزيتوا

العار أطول من العمر والتاريخ شاهد عليهم

الله ينصر المجاهدين عاجل قالك ثوار ( اصحاب الفيل ) 3590638331

والله تحتار شن تسميهم
ما خلوا حاجة ما داروها
بالله نسالكم هدوما الناس كانوا عايشين معنا في نفس البلاد من زمان ولا مستنسخينهم توا
استغفر الله العظيم

من طرف gandopa الإثنين 17 أكتوبر - 16:27

اصحاب الفيل هادو ما خلوا عليها ريش معيييييييييييييييييز

ياساتر....... كل واحد يدير باله علي حاجاته.. بالك نلقوهم هادين علينا... انا معاش نستغرب والله...

وينك ياشاطر , ولاد عمك سرقة على وذنها لا طالقين نسر لا نصب تذكاري , فيلة وفرس النهر رفعوه

من طرف alhajaj الإثنين 17 أكتوبر - 16:45

اخي aboalhadi
حقوق التأليف ملك لي في البيتين السابقين .. بس معلهش في سبيل ليبيا ساتنازل عن حقوق التأليف والنشر والتوزيع والنسخ.. وحياكم الله

alhajaj كتب:اخي aboalhadi
حقوق التأليف ملك لي في البيتين السابقين .. بس معلهش في سبيل ليبيا ساتنازل عن حقوق التأليف والنشر والتوزيع والنسخ.. وحياكم الله

بكره يطلع واحد منهم يسرق حقوق التاليف والنشر
ويقول انا اللي قلت البيتين

ههههههههههههههههههه