ابكي ابكي يالمطر

تري ابكي يالمطر ........ عام اغبر اللي خسرنا فيه معمر ....
ابكي ... ابكي بغزارة ... بكل حرارة ... املي وديانه وانهاره ....
اليوم عمورة صكر داره....وهادي خساره .... ماعاد الظلمة تنوّر .....
ابكي ابكي بعناد .....
علي عمورة سمح الميعاد ... الموقف زاد ...في غيابه كيف بنصبر ...
ابكي يامطر عام اغبر اللي خسرنا فيه معمر ..........

هذا شعور اهلنا وناسنا بقرب العيد

ابكي باحزان علي شوخة كمشة خيان

يا غيبة عالي المكان اللي داير لليبي شأن

خسارة ياسمحة الاوطان ... بعد بنيان

صرتي مرتع للجرذان

^^^^^^^

ابكي من جد

على اللي ما يسواهم حد

باع الروح كما عاهد

ودار بيان لاخر قطرة في الميدان

وجعتولي وفتفتولي ما فضل من قلبي

اسلام ليبيا كتب: ابكي باحزان علي شوخة كمشة خيان

يا غيبة عالي المكان اللي داير لليبي شأن

خسارة ياسمحة الاوطان ... بعد بنيان

صرتي مرتع للجرذان

^^^^^^^

ابكي من جد

على اللي ما يسواهم حد

باع الروح كما عاهد

ودار بيان لاخر قطرة في الميدان

ليك الله ياوادي الوليد
وليك رجال ماتنسى الثار
يسري حقد فاير في الوريد
وسط القلب ماتطفيه نار
لين المجد ورفلة اتعيد
تجيهم جي في عز النهار
جز الروس باشفار الحديد
لكل من داس حرمة هالديار

خلاص رحل باتك ياسيف ..العيشة كيف ... ؟ بعد موتت بو جرد نضيف .. خلاص رحل ماعاد ايطل .. ولمن خلانا زعيم الكل .. خسارة نحسابوه ايهل كيف هلال العيد ايطل .. مات شهيد بعد عقب تاريخ مجيد .. وما هو تاريخ الجرذان .. بعد حررها من الطليان .. ردونا كمشة خوان .. كيف زمان أيام قواعد الأمريكان .. خلاص عدا باتك ياسيف

ابكي بالعبرة علي خاله مكانه بدري ابكي بغزارة وبكل حرارة علي عمور اللي راحت ايامه
ابكي بالقهر علي اولادك الي خانوا عمور وباع بلادهم لطليان
ابكي في العيد اللي كان فرح وتبسيمه اليوم اصبح من غير عمورة نار وهم وحزن شديد
وينك يالغالي فقدناك وفقدنا الكرامة وين ايامك وين شموخ وعزالي كان جوا كمشت عملاء خلونونا نعيش الدل
ابكي يابلادي علي عمرك ماراح زيه تلقي راح الغالي

بنت الرصيفه كتب:خلاص رحل باتك ياسيف ..العيشة كيف ... ؟ بعد موتت بو جرد نضيف .. خلاص رحل ماعاد ايطل .. ولمن خلانا زعيم الكل .. خسارة نحسابوه ايهل كيف هلال العيد ايطل .. مات شهيد بعد عقب تاريخ مجيد .. وما هو تاريخ الجرذان .. بعد حررها من الطليان .. ردونا كمشة خوان .. كيف زمان أيام قواعد الأمريكان .. خلاص عدا باتك ياسيف